Оны 155  дахь өдөр, шинэ он хүртэл 210 хоног үлдлээ.

Өнөөдрийн тэмдэглэлт өдөр

Вашингтонд Цагаан ордны барилгын ажил дууслаа

“Тэнгэр бурхан энэ байранд хожим түүнд амьдрах хүмүүс  хамгийн шилдгээ илгээх болтугай гэж би залбирч байна.Энэ дээврийн дор зөвхөн шударга, ухаантай хүмүүс удирдаж байх болтугай”

АНУ-ын Ерөнхийлөгч Жон Адамс.

Анхны Ерөнхийлөгч Жорж Вашингтон “Цагаан ордон”-г барих санааг гаргасан гэдэг. Тэрээр “Ерөнхийлөгчийн ажиллах байр, аж төрөх гэр бүгд нэг дор байх хэрэгтэй” гэж шийдсэн байна. Ингээд нийслэл Вашингтоны Пенсильвани дүүргийн хэсэг газрыг сонгожээ. Есөн алдартай зохион бүтээгчээр зураг төсөл гаргуулснаас Ирландад төрсөн Жеймс Хобан хэмээх уран барилгачийн зургийг сонгосон байна.Цагаан ордны барилгын суурь тавигдаж, бүтээн босголтын ажил 1792 оны аравдугаар сарын 13-нд олон мянган цагаач буюу африк гаралтай Америк иргэдийн хөлс хүчээр баригдаж эхэлжээ. Цагаан ордны барилгын ажлыг 1800 оны зургадугаар сарын 4-нд дуусгасан байна. Цагаан ордонд амьдарсан анхны Ерөнхийлөгч нь Жорж Вашингтон бус Жон Адамс түүний эхнэр Абигейль байсан юм.

Эхэн үедээ “Ерөнхийлөгчийн ордон”, “Ерөнхийлөгчийн харш”, “Ерөнхийлөгчийн байшин” гэж нэрлэж байв. Виржинийн цагаан элсэн чулуугаар өнгөлсөн уг байр улаан боржингоор босгосон барилгуудаас хүчтэй ялгаран харагдаж байв.Ингээд 1902 онд Теодор Рузвельтийн шийдвэрээр одоогийн “Цагаан ордон” нэрээ албан ёсоор авчээ.  XIX зууны турш барилгыг засаж сайжруулж иржээ.

Өнөөгийн Цагаан ордон нь зургаан давхар, нийтдээ 5 100 м2 талбайтай, 132 өрөө, ариун цэврийн өрөө 25412 хаалга, 147 цонхтой, 28 камин зуухтай. Түүнчлэн найман шат, гурван цахилгаан шатнаас гадна теннисний талбай, боулингийн өрөө, кино театр, гүйлтийн зам, усан сан бий.

Өнөөдөр түүхэнд

1070- Францын Рокфор  гэдэг газрын нэгэн агуйд нутгийнхан  шинэ бяслаг гарган авсан нь өнөөдөр хүртэл  Рокфор сорт гэж нэрлэгдсээр иржээ.

1664- Шинэ Амстердам хотыг Нью-Йорк гэж нэрлэх боллоо.

1741- Витус Берингийн экспедици Камчаткийн зүг Аляскийн чиглэлээс  хөдлөв.

1783- Аннон хотын яармагийн талбайд ах дүү Монгольфьегийн агаарын бөмбөлөгийг нийтэд үзүүлсэн арга хэмжээ зохиогджээ.

1859- Францчууд Австрийн 60 мянган хүнтэй армийг Мажента гэдэг газар ялан Италийг нэгтгэхэд хувь нэмрээ оруулжээ.

1896- Фордын бүтээсэн анхны машины туршилт нэг цагаар хойшлогдов. Учир нь машиныг угсарсан цехийн хаалганаас машин өргөн байв.

1897- Петербургийн “Новое Адмиралтейство” хөлөг онгоцны үйлдвэрт “Аврора” хуягт онгоцны үйлдвэрлэл эхэлжээ.Крейсер “Аврора” 1900 онд усанд буулгагдсан ба Орос-Зөвлөлтийн түүхэнд алдар нэрээ үлдээсэн хөлөг юм.

1915- Бельгийн Гент хотын ойролцоо англи нисэгч Ж. Варнфорд немецин  дирижаблийг сөнөөсөн байв. Тэр нь дайнд сөнөөгдсөн дэлхийн анхны дирижабль болжээ.

1917- V Георг хаан “гайхамшигтай” (The Most Excellent) гэгдсэн рыцарийн оронг бий болгожээ.

1922- “Ажилчны сонин” хэвлэлийн газар “Матар” сэтгүүлийн анхны дугаарыг гаргажээ.Сонины дагуул байснаа 13 дугаараасаа “Матар” нэртэй болсон байна.

1926- Энэтхэгт Далай лам өөрийн армийг бүтээхээр төвөдүүдэд чихний татвар тогтоожээ.

1932- АНУ-д түүхэнд хамгийн урт бүжгийн марафон эхлэв. Тэр нь 4152,5 цагийн хугацаанд арваннэгдүгээр сарын 30 хүртэл үргэлжилжээ.

1972- Яруу найрагч Иосиф Бродский аргагүйн эрхэнд Зөвлөлтөөс гаран цагаачлав.

1977- Стив Возняк,  Стив Жобс нарын бүтээсэн Apple II  гэх ширээний анхны компьютер худалдаанд гарлаа

1986- Немецийн хөнгөн атлетикч Йорген Шульт өнөөдөр хүчин төгөлдөр зээрэнцэг шидэлтийн 74,08 метр гэсэн дээд амжилтыг тогтоов.

1997- Хятадад 2,35 кг жинтэй , 18,67 см диаметртай тэмээн хяруулын өндөг бүртгэгджээ.

1998- Нью-Йоркийн дуудлага худалдаа дээр $83 215 доллараар зарагдах ёстой байсан хөзрийн бундангийн хатан худалдаанаас өмнө зарагджээ. Диана гүнж түүн дээр гарын үсгээ зуран  онгоцны үйлчлэгч Шейла Беркли-Уайтад бэлэглэсэн байжээ.

2002- Сирийн хойд нутгийн Оронт голын далан нуран ойр хавийн тосгодыг живүүлж, маш олон тооны хүн амиа алджээ.