Бусад

Хамгийн өндөр орлоготой тамирчдын жагсаалтыг Месси, Роналду нар тэргүүллээ

Нийтэлсэн

6 жил өмнө

2019-06-12

Нийтэлч

Forbes сэтгүүл 2019 оны хамгийн өндөр орлоготой 100 тамирчны жагсаалтыг танилцуулжээ.

Энэ удаагийн жагсаалтыг хөлбөмбөгчид тэргүүлснээс Аргентины Лионел Месси ($127 сая), Португалын Криштиану Роналду ($109 сая), Бразилийн Неймар ($105 сая) нар эхний гурван байрыг эзэлсэн байна.

Боксын супер од Флоид Мэйуидер сүүлийн нэг жил идэвхгүй байснаас Месси, Роналду нар өнгөрсөн оныхоос байраа ахиулж, жагсаалтыг тэргүүлж чадсан байна.

Мэргэжлийн боксын тамирчдаас Саул Алварез $94 саяын орлогоор хөлбөмбөгчдийн араас жагсжээ.

Жагсаалтын тавдугаарт теннисний од Рожер Федерер $93.4 саяын орлогоор бичигдсэн байна. Тэрээр цалин, тэмцээний шагналд $7.4 саяыг олсон бол сурталчилгааны гэрээнүүдээс $86 саяыг олж, сурталчилгаанаас хамгийн өндөр орлого олсон тамирчин болжээ.

Холимог тулааны спортын од Конор Макгрегор 2018 онд дөрөвдүгээрт жагсаж байснаа энэ онд 21 дүгээрт шилжсэн нь хамгийн том уналт байв. Гэхдээ тэр холимог тулааны төрлөөс дэлхийн хамгийн өндөр орлоготой 100 тамирчны жагсаалтад багтсан цорын ганц тамирчин болж байна. Энэ жилийн өндөр орлоготой 100 тамирчны жагсаалтад цорын ганц эмэгтэй багтсан нь теннисний од Серена Уилльямс ($29.2 сая) болжээ.

Жагсаалтын эхний 10-т багтсан тамирчид:

1. Лионел Месси (хөлбөмбөг) – $127 сая

2. Криштиану Роналду (хөлбөмбөг) – $109 сая

3. Неймар (хөлбөмбөг) – $105 сая

4. Саул Алварез (бокс) – $94 сая

5. Рожер Федерер (теннис) – $93.4 сая

6. Рассел Уилсон (NFL) – $89.5 сая

7. Арун Рожерс (NFL) – $89.3 сая

8. ЛеБрон Жэймс (NBA) – $89 сая

9. Стефен Карри (NBA) – $79.8 сая

10. Кэвин Дюрант (NBA) – $65.4 сая

Эх сурвалж: Forbes

Сэдвүүд:онцлох

Дэлгэрэнгүй ...

Сэтгэгдэл үлдээх

Бусад

Баталгаатай гүүр, гарам гарцаар автомашинтай зорчихыг зөвлөж байна

Нийтэлсэн

1 өдөр өмнө

2025-04-21

Нийтэлч

24barimt

Налайх дүүргийн Онцгой байдлын хэлтсийн Эрэн хайх, аврах бүлгийн алба хаагчид дуудлагын дагуу аврах ажиллагааг зохион байгуулжээ.

Усанд автомашинтайгаа боогдсон байсан 4 иргэнийг уснаас гаргаж, аюулгүй байдлыг хангасан байна.

Баталгаатай гүүр, гарам гарцаар автомашинтай зорчиж, гол гатлахгүй байхыг анхааруулж байна.

Дэлгэрэнгүй ...

Бусад

Олон улсын стандартад нийцсэн IBAN дансны дугаарлалтыг нэвтрүүллээ

Нийтэлсэн

3 долоо хоног өмнө

2025-04-02

Нийтэлч

24barimt

Монголбанк нь Төв банк (Монголбанк)-ны тухай хуульд зааснаар Үндэсний төлбөрийн систем, түүний үйл ажиллагааг удирдан зохион байгуулах, зохицуулах, хяналт тавих чиг үүргийнхээ хүрээнд Монголбанкны Ерөнхийлөгчийн 2024 оны 10 дугаар сарын 18-ны өдрийн А-242 дугаар тушаалаар бүх иргэд, аж ахуйн нэгжийн дансны хуучин дугаарлалтыг 2025 оны 04 дүгээр сарын 01-ний өдрөөс ашиглахыг зогсоож, олон улсын дансны нэгдсэн дугаарлалтад бүрэн шилжүүлэхээр Монголбанк нь банк, төлбөрийн системийн нийт оролцогчидтой хамтран ажилласан.

Энэ хүрээнд иргэд, аж ахуйн нэгжийн дансны хуучин дугаарыг дөрөвдүгээр сараас эхлэн ашиглагдахгүй болж харин IBAN дансны дугаарлалтын зааврын дагуу шинэчлэгдсэн бүтэцтэйгээр төлбөр тооцоо дамжиж эхэлсэн.

Та бүгдийн үндсэн дансны дугаарт өөрчлөлт орохгүйгээр улсын код, хяналтын орон, банкны болон дансны дугаар гэсэн бүтэцтэй нийт 20 оронгийн урттай болж байна. IBAN дансны дугаарлалттай болсноор олон улсын гүйлгээ илүү хурдан, найдвартай, эрсдэлгүй болж, алдаатай гүйлгээ буцаагдах эрсдэлээс урьдчилан сэргийлэхийн зэрэгцээ аль банкны данс вэ гэдгийг шууд мэдэх боломжтой зэрэг давуу талтай боллоо.

Дэлгэрэнгүй ...

Бусад

АТГ: Эрүүгийн 2 хэрэгт нийт 18 объектод нэгжлэгийн ажиллагаа хийв

Нийтэлсэн

4 долоо хоног өмнө

2025-03-24

Нийтэлч

24barimt

Авлигатай тэмцэх газрын Мөрдөн шалгах хэлтэс 2025 оны гуравдугаар сарын 17-23-ны өдрүүдэд гэмт хэргийн шинжтэй 60 гомдол, мэдээллийг шалгав.

Үүнээс 10 гомдол, мэдээлэлд хэрэг бүртгэлтийн хэрэг нээх, 6 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 44 гомдол, мэдээллийг хянан шалгаж байна.

Түүнчлэн эрүүгийн 888 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 10 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 864 хэрэг шалгагдаж байна.

Гэмт хэргийн шалтгаан, нөхцөлийг арилгуулахаар мөрдөгчийн 1 мэдэгдэл хүргүүлж, хэрэг бүртгэлтийн болон мөрдөн байцаалтын 2 хэрэгт нийт 18 объектод нэгжлэгийн ажиллагаа хийв гэж АТГ-аас мэдээллээ.

Дэлгэрэнгүй ...