Монгол Улсын Ерөнхийлөгч энэ жил Төрийн дээд шагнал, тэргүүн зэргийн одон-“Чингис хаан” одонг улс орныхоо нэр хүнд, үндэстний урлагийнхаа гайхамшгийг дэлхий дахинаа  таниулж яваа “THE HU” хамтлагт хүртээх ёслол төрийн ордонд боллоо.

Их Эзэн Чингис хааны мэндэлсэн Монгол бахархлын өдрөөр улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан иргэдийг Монгол Улсын төрийн дээд шагнал-тэргүүн зэргийн одон “Чингис хаан” одонгоор шагнадаг журамтай.

“The Hu” хамтлаг “Хүннү рок” урсгалаар уран бүтээл туурвидаг, 11 хүний бүрэлдэхүүнтэй.

1. МУГЖ Б.Дашдондог – Үүсгэн байгуулагч, продюсер,
2. Ц.Надмидтулга – Менежер
3. Брэндон Фрайзен – Менежер
4. Ц.Галбадрах – Хамтлагийн ахлагч, аянга морин хуур, хархираа хөөмэй,
5. Г.Нямжанцан – Төмөр хуур, цуур, хөөмэй
6. Б.Энхсайхан – Гал морин хуур, хөөмэй
7. Н.Тэмүүлэн – Товшуур
8. Г.Одбаяр – Бөмбөр
9. А.Жамбалдорж – Соло гитар
10. Б.Батхүү – Басс гитар
11. М.Өнөмөнх – Хэнгэрэг