Нийгэм
Л.Хулан: Нөхөн үржихүйн эрүүл мэндийн асуудлаар зөвлөгөө авах бол 1900-1063 руу залгаарай

Баянзүрх дүүргийн Эрүүл мэндийн төвд “Өсвөр үе залуучуудад нөхөн үржихүйн эрүүл мэнд, бэлгийн замын халдварт өвчин, сэтгэл зүйн хямрал , хооллолт, батга гээд олон чиглэлээр ажлын цагаар, энгийн утасны тарифаар мэдээлэл өгдөг” Өсвөр үе залууст ээлтэй клиник” бий. Тус клиник “оюутны хотхон”-нд байрладаг нь оюутан залуучуудад илүү ойр, хүртээмжтэй байдаг гэдгийг онцолмоор байна.
Бид энэ удаад “Өсвөр үе залууст ээлтэй клиник” хариуцсан их эмч Л.Хулантай өсвөр наснынхан болон залуучууд нөхөн үржихүйн эрүүл мэндийн тулгамдсан асуудал гарсан үед, ямар утас руу залгаж, зөвлөгөө авч болох талаар ярилцлаа.
-Сайн байна уу? Та манай уншигчдад өөрийгөө танилцуулна уу?
Сайн. Сайн байна уу? Танд болон уншигч олондоо энэ өдрийн мэнд хүргэе. Намайг Лхагвагийн Хулан гэдэг. Хүүхдийн их эмч мэргэжилтэй.Сүүлийн 7 жил Өсвөр үеийн их эмчээр ажиллаж байна.
Одоогоор БЗД-ийн эрүүл мэндийн төвийн Өсвөр үе залууст ээлтэй клиникийг хариуцан ажиллаж байна.
-Танай клиникийн үйл ажиллагааны онцлог, өсвөр үеийн залуучуудад мэдээллийг ямар ямар мэдээллийн хэрэгслээр хүргэж байна вэ?
Манай клиник нь анх 2014 онд НҮБХАС-ын санхүүжилтээр байгуулагдсан. Үндсэн үйл ажиллагааны хувьд өсвөр үе залуучуудид нөхөн үржихүйн эрүүл мэндийн тулгамдсан асуудал,бэлгийн замын халдвар өвчний оношлогоо,зөвлөгөө, хооллолт, сэтгэл зүйн зөвлөгөө үйлчилгээг үзүүлэхээс гадна телевиз, Гэр бүлийн радио FM 104.5-д нэвтрүүлэг, ярилцлага, мөн “БЗД Өсвөр үе залууст ээлтэй клиник” фэйсбүүк пэйж хуудсаар, мессенжерээр, хуучин 70150063 утсаар зөвлөгөө мэдээллийг хүргэж ажиллаж байна. Харин 2019 оны 01 сараас хойш зөвлөгөө өгөх тусгай /1900-1063/ дугаартай болсон.19001063 тусгай дугаар нь энгийн утасны тарифаар ажлын цагаар зөвлөгөө өгч ажиллаж байна.
– Монгол улсын аль ч аймаг, сум, дүүргээс холбогдож 1900–1063 утаснаас зөвлөгөө авах боломжтой юу?
Гадаад дотоод,хөдөө орон нутаг хаанаас ч байсан зөвлөгөө мэдээлэл авах бүрэн боломжтой.Үүнээс гадна тусгай дугаарын хувьд хүүхэд, өсвөр үе залуучуудид зориулж энгийн утасны тафираар үйлчилгээ үзүүлдэг.
– Өсвөр үеийнхэн болон залуучууд 1900-1063 утаснаас ямар үед зөвлөгөө авч болох вэ?
Өсвөр насныханд болон оюутан залуучуудид нөхөн үржихүйн эрүүл мэнд, бэлгийн замын халдварт өвчний талаар ярилцахыг хүсэж байгаа ч ярьж чадахгүй байгаа, айдас түгшүүр, хэн нэгэнтэй зөрчилтэй харилцаатай, сэтгэл зүйн хямрал гэх мэт тулгамдсан асуудалтай байгаа бол 1900-1063 утас руу залгаад зөвлөгөө мэдээлэл авах боломжтой.
– Тодруулбал, Нөхөн үржихүйн эрүүл мэнд, бэлгийн замын халдвар, сэтгэл зүйн асуудлаар ямар зөвлөгөө өгдөг вэ?
Бид өсвөр насны хүүхдийн бие сэтгэхүй, насны онцлогт тохирсон нөхөн үржихүйн болон бэлгийн замын халдвараас сэргийлэх талаар ,үе тэнгийн дарамт шахалт, үерхэл нөхөрлөлийн харилцаанд нь тохирсон сэтгэлзүйн зөвлөгөө, мэдээллийг аль болох үнэ төлбөргүй , харьяалал харгалзахгүй , нууцыг чанд хадгалсан, тав тухтай орчинд тусламж, хүргэж үйлчилдэг.
– Утсаар хэн илүү их мэдээлэл авч байгаа вэ?
Эрүүл мэндийн тулгамдсан олон асуудлаар өсвөр насныхан, оюутан залуучууд, мөн эцэг эхчүүд холбогддог. Өсвөр насны хүүхдүүдээр жишээ авахад охид, хөвгүүдэд үерхэл, нөхөрлөлийн асуудал, бэлгийн бойжилтын өөрчлөлтэй холбоотой хөх ургах, сарын тэмдгийн хямрал , батгашил, бэлгийн замын халвдарт өвчний талаар аав ээж, найз нөхөдтэйгээ нээлттэй ярилцаж чадахгүй үедээ утсаар хандаж зөвлөгөө мэдээлэл авч байдаг.
-Эцэг эхчүүд болон өсвөр үеийнхэнд хандаж зөвлөгөө өгнө үү ?
Өсвөр насны хүүхэдтэй эцэг эхчүүд хүүхдэдээ цаг зав зарцуулж, ярилцаж байгаасай, нас насных нь хэрэгцээг нь ойлгож мэдэрч, насны онцлогт тохирсон байдлаар дотны зөвлөгч нь байж, хүүхэдтэй зөв боловсон харьцаж, хайрлаж, хамгаалж байгаасай гэж хүсэж байна. Өсвөр насны охид, хөвгүүд ч гэсэн аав, ээжтэйгээ нээлттэй, илэн далангүй харилцаж байж, хамтын хүчээр тулгамдсан асуудлыг шийдвэрлэх бүрэн боломж байгаа шүү.
-Ярилцсанд баярлалаа. Ажлын амжилт хүсье.

Нийгэм
Архангай аймгийн ахмадын хорооны барилгыг зориулалтын дагуу ашиглах боломжгүй болжээ

Гэр бүл, хөдөлмөр нийгмийн хамгааллын сайд Хөвсгөл аймагт ажиллалаа. Энэ үеэр Архангай аймгийн ахмадын хорооны дарга, тэргүүлэгчдийн төлөөлөлтэй уулзаж, үйл ажиллагаа явуулахад тулгамдаж байгаа асуудлуудыг нь сонсож ярицлцсан байна.
Хамгийн түрүүнд аймгийн Ахмадын хорооны барилгын асуудал хөндөгдлөө. 2011 онд хувь хүн аж ахуйн аргаар буудал, цэнгээний газрын зориулалтаар барьсан барилгыг тухайн үеийн ханшаар нилээд өндөр үнээр төрийн мөнгөөр шахааны маягаар худалдан авч / НДС-ын / өгсөн бололтой. Худалдаж авсны дараахан буюу 2 дахь жилээс нь эхлээд л мэргэжлийн хяналтын байгууллагууд ашиглаж болохгүй гэсэн дүгнэлт акт гаргажээ. Ийм чанаргүй барилгыг нь мэдсээр байж төрд худалдан авна гэдэг байж боломгүй. Одоогийн нөхцөл байдалтай нь танилцахад доод хонгилдоо газрын хөрсний ус байнга шүүрч, худаг шиг ус тогтчихсон.
Цахилгаан мотороор өдөр бүр усаа соруулдаг. Чийг ихтэй, ахмадууд арга хэмжээ явуулах ямар ч зай талбайгүй. Чийрэгжүүлэлтийн тоног төхөөрөмж, ширээ сандлаа нэг өрөөнд хураагаад хуччихсан ийм л хэцүүхэн байдалтай байна. Аймгийн удирдлагуудтай ойрын хугацаанд ярилцаж үйл ажиллагаа явуулахуйц стандартын барилгатай болгох асуудлыг ярилцах, ахмадын хорооны үйл ажиллагаанд шаардлагатай тоног төхөөрөмжөөр хангахад анхаарч ажиллана гэдгээ хэллээ.
Нийгэм
Улсын нөөцөөс 50 тн тэжээлийн дэмжлэг үзүүллээ

Говь-Алтай аймгийн Эрдэнэ суманд үүссэн нөхцөл байдалтай холбогдуулан УОК-ын Нарийн бичгийн дарга, хурандаа Т.Баярхүүгээр ахлуулсан ажлын хэсэг газар дээр нь ажиллах үеэрээ улсын нөөцөөс 50 тн тэжээлийн дэмжлэг үзүүлэх шийдвэрийг гаргасан.
Энэ дагуу аймгийн Засаг дарга Г.Чинбат тус суманд ажиллахдаа улсын нөөцөөс олгосон дэмжлэгийг хүлээлгэн өглөө.
Тус суманд дөрөвдүгээр сарын 10-11-ний шилжих шөнө 00:10-04:00 цагийн хооронд 34 м/с, зарим үед 44 м/с хүрч, хүчтэй шороон шуурганы улмаас орон гэргүй болсон 40 иргэнд гэр олгосон гэж ОБЕГ-аас мэдээллээ.
Нийгэм
АТГ: Хэрэг бүртгэлтийн 1 хэрэгт 5 объектод нэгжлэгийн ажиллагаа явуулав

Авлигатай тэмцэх газрын Мөрдөн шалгах хэлтэс 2025 оны 4 дүгээр сарын 14-20-ны өдрүүдэд гэмт хэргийн шинжтэй 100 гомдол, мэдээллийг шалгав.
Үүнээс 10 гомдол, мэдээлэлд хэрэг бүртгэлтийн хэрэг нээх, 14 гомдол, мэдээлэлд хэрэг бүртгэлтийн хэрэг нээхээс татгалзах, 1 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 75 гомдол, мэдээллийг хянан шалгаж байна.
Түүнчлэн эрүүгийн 875 хэрэгт мөрдөн байцаалтын ажиллагаа явуулснаас өнгөрсөн долоо хоногт 7 хэргийг шүүхэд шилжүүлэх, 12 хэргийг хаах, 2 хэргийг харьяаллын дагуу шилжүүлэх саналтай прокурорт хүргүүлэв. Мөрдөн шалгах ажиллагаанд одоогоор 854 хэрэг шалгагдаж байна.
Гэмт хэргийн шалтгаан, нөхцөлийг арилгуулахаар мөрдөгчийн 2 мэдэгдэл хүргүүлж, хэрэг бүртгэлтийн 1 хэрэгт 5 объектод нэгжлэгийн ажиллагаа явуулав гэж АТГ-аас мэдээллээ.
-
Энтертайнмент8 цаг өмнө
Улсын аварга О.Хангай бөхчүүдийн чансааг тэргүүлж байна
-
Нийгэм11 цаг өмнө
АТГ: Хэрэг бүртгэлтийн 1 хэрэгт 5 объектод нэгжлэгийн ажиллагаа явуулав
-
Улс төр13 цаг өмнө
Өнөөдөр хуралдах УИХ-ын намын бүлэг, ажлын хэсгүүд
-
Энтертайнмент13 цаг өмнө
“Нүүдэл-999” шатрын анхдугаар тэмцээний бүртгэл үргэлжилж байна
-
Нийгэм13 цаг өмнө
Нийт дуудлагын 14 нь ой, хээрийн түймрийн тохиолдол байна
-
Нийгэм11 цаг өмнө
Өөрийгөө нас барсан гэж хуурамч бичиг баримт бүрдүүлж, хариуцлагаас зайлсхийжээ
-
Нийгэм13 цаг өмнө
Өнөөдөр цахилгаан шугам сүлжээнд хийх засварын хуваарь
-
Нийгэм13 цаг өмнө
ХӨСҮТ: Улаанбурхан өвчний 659 тохиолдол бүртгэгдлээ