Дэлхий дахинд

“Zoom App”-ийн 500 мянга гаруй хаяг цахим халдлагад өртжээ

Нийтэлсэн

5 жил өмнө

2020-04-20

Нийтэлч

Дэлхий нийт “COVID-19” цар тахалтай тэмцэж байгаа энэ үед шинэ төрлийн “коронавирус”-ийн тархалттай холбоотой худал мэдээлэл тараах, өвчний талаар мэдээллээр гарчигласан цахим халдлагууд нэмэгдэх хандлагатай байна.

Тухайлбал: Малайзад л гэхэд цахим халдлагын тоо өнгөрсөн оны мөн үеэс 82.5 хувиар өсжээ. Малайзын Кибер аюулгүй байдлын газрын мэдээлснээр тус улсад гуравдугаар сарын 18-наас дөрөвдүгээр сарын долооны хооронд 838 цахим халдлага үйлдэгдсэн байна. Үүнээс 18 хувь нь компани, аж ахуйн нэгжүүд рүү чиглэсэн бол үлдсэн хувь нь интернэт ашиглаж гэрээсээ ажлаа амжуулж буй хүмүүс болон бусад хувийн хэрэглэгчид рүү чиглэжээ.

Түүнчлэн “Google” өдөр бүр шинэ төрлийн “коронавирус”-тэй холбоотой 18 сая хуурамч и-мэйлийг устгаж байгаа талаар мэдээллээ.

Мөн АНУ-д хөл хорио тогтоосноос хойш цахим халдлагад өртсөн гэх дуудлага найм дахин нэмэгдсэн гэж тус улсын кибер терроризмын шинжээчид мэдээллээ. Цар тахал цахим халдлага үйлдэгчдийн хувьд ашиг олох томоохон боломжийг нээж өгсөн гэж ажиглагчид үзэж байна. Халдварт өвчин анх БНХАУ-д бүртгэгдсэнтэй холбоотой “Wuhan Coronavirus” гэх үгийг урхи болгон ашигласан төрөл бүрийн халдлага эрчимтэй нэмэгдэж байгааг “Kaspersky” компани онцолж байна.

Түүнчлэн “Google” өдөр бүр шинэ төрлийн “коронавирус”-тэй холбоотой 18 сая хуурамч и-мэйлийг устгаж байгаа талаар мэдээллээ. Дэлхийн хүн амын бараг тал нь шахуу хөл хорио, хорио цээрийн дэглэмд байгаа энэ үед хэрэглэгчид “Skype”, “Microsoft Teams”, “Google Hangouts”, “Zoom” зэрэг платформуудыг түлхүү хэрэглэж байгаа аж.

Эдгээрээс дөрвөн сар хүрэхгүй хугацаанд хэрэглэгчдийн тоогоо 20 дахин нэмэгдүүлсэн “Zoom App” ихээхэн шүүмжлэлд өртөж байна. Тухайлбал: видео хурал, конференцийн “Zoom App”-ийн 500 мянга гаруй хаяг ямар нэг байдлаар халдлагад өртөөд байгаа аж.

Улмаар томоохон байгууллагуудын чухал мэдээллийг татаж авах холбоосыг хайлтын системд үл илрэх “Dark Web”-д байршуулан худалдсан тохиолдол гарчээ. Тиймээс “Google”, “SpaceX”, “Smart Communications” зэрэг компаниуд тус аппликейшний хэрэглээг хориглосон бол Тайвань, Герман, Энэтхэг, АНУ-ын Сенат, Австралийн Батлан хамгаалах яам видео хурал хийхдээ “Zoom”-оос өөр платформ ашиглахыг зөвлөөд байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

5 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...