Дэлхий дахинд

ОХУ: Дэлхийн хүн амын 70-80 хувь нь covid-19-ийн халдвараа өвчилнө

Нийтэлсэн

5 жил өмнө

2020-04-21

Нийтэлч

Covid-19 вирусийн цар тахал дэлхийн 213 улс,бүс нутгийг хамарч, өнөөдөр /2020.04.21/ өглөөний байдлаар 2 сая 479 мянга 691 хүн халдвар авч, 170 мянга 370 хүн өөд болж, 646 мянга 173 хүн эмнэлгийн тусламж үйлчилгээ авч эдгэжээ.

Коронавирусийн халдварын хамгийн их тохиолдол АНУ-д бүртгэгдэж байна. Тодруулбал, өнгөрсөн 24 цагийн байдлаар АНУ-д 28 мянга 123 шинэ тохиолдол бүртгэгдэж, нэмж 1939 хүн хорвоог орхижээ. Тус улсад covid-19-ийн нийт тохиолдол 792 мянга 759-д хүрч, 42 мянга 514 хүн амиа алдаж, 72 мянга 314 хүн эдгэжээ.

АНУ-ын дараагаар Их Британи, Турк, ОХУ-д халдварын тохиолдол эрчимтэй тархаж байна. ОХУ-д өнгөрсөн 24 цагийн байдлаар 4268 шинэ тохиолдол бүртгэгдэж, нэмж 44 хүн хорвоог орхилоо. Тус улсад covid-19 нийт тохиолдол 47 мянга 121 –д хүрсэн бол 405 хүн амиа алдаж, 3446 хүн эмнэлгийн тусламж авч, эдгэжээ. Covid-19 тархалт Москва, Санк-Петербург хотод голомтлон тархаж байна.

ОХУ-ын Шинжлэх ухааны академийн академич, Тархвар судлал болон микробиологийн Үндэсний Судалгааны төвийн захирал, судлаач Феликс Ершовийн үзэж буйгаар, дэлхийн хүн амын 70-80 хувь нь covid-19-ийн халдвараар өвчилсний дараа энэ цар тахлын эрчим буурна гэжээ.

Үүний зэрэгцээ ОХУ-ын Эрүүл мэндийн сайд Михаил Мурашко зун гэхэд covid-19-ийн халдварын барьж авах төдийгүй тархалтын эрчим буурна гэж үзжээ.

Харин ДЭМБ-ын Ерөнхий захирал Тедрос Адханом Гебрейесус өчигдөр /2020.04.20/ хийсэн хэвлэлийн бага хурлын үеэрээ дэлхийн улс орнуудаас юу ч нуугаагүй гэдгээ мэдэгджээ. Тэрбээр хэлэхдээ ДЭМБ АНУ-ын Өвчний хяналт, урьдчилан сэргийлэх төвийн мэргэжилтнүүдтэй нягт хамтран ажилладаг бөгөөд тэдгээр мэргэжилтнүүд АНУ-д бүх мэдээллийг өгч байгаа. ДЭМБ юу ч нуугаагүй, учир нь энэ бүхэл бүтэн хүний амьдралын тухай яригдаж байна. Тэр тусмаа АНУ-аас юу ч нуугаагүй бөгөөд бид коронавирусийн тархалтын эхний өдрөөс ил тод ажиллаж ирсэн гэв.

Covid-19-ийн халдвар эрчимтэй тархаж буй улсын нэг бол Их Британи. Тус улсад өнгөрсөн 24 цагийн байдлаар 4676 шинэ тохиолдол бүртгэгдэж, 449 хүн амиа алдсан байна. Их Британид халдварын нийт тохиолдол 124 мянга 743 –д хүрсэн бол 16 мянга 509 хүн хорвоог орхилоо. Одоогоор тус улсад эдгэсэн хүний тоо тодорхойгүй байна.

Харин Франц улсад өнгөрсөн 24 цагийн хугацаанд 2489 шинэ тохиолдол бүртгэгдсэн ч 547 хүн нэмж хорвоог орхижээ. Тус улсад халдварын нийт тохиолдол 155 мянга 383 байгаа бол нийтдээ 20 мянга 265 хүн амиа алдаж, 37 мянга 409 хүн эдгэжээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

4 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...