Дэлхий дахинд

ДЭМБ: Цар тахлын хамгийн хүнд хэцүү цаг үе биднийг хүлээж байна

Нийтэлсэн

5 жил өмнө

2020-04-21

Нийтэлч

Өчигдөр Дэлхийн Эрүүл Мэндийн Байгууллагын ерөнхий захирал Тедрос Адханом Гебрейесус зарим улс орнууд хорио цээрийн дэглэмээ сулруулж эхэлснийг шүүмжилж, цар тахлын хамгийн хүнд үе урд хүлээж байгааг анхааруулжээ.

“Улс үндэстэн бүр эв нэгдэлтэй байж, дэлхий даяараа хамтран ажиллахгүй бол цар тахлын хамгийн хүнд хэцүү үе биднийг хүлээж байна. Бидэнд итгэ! Энэ бол хүмүүсийн сайн таньж чадаагүй байгаа вирус” гэж тэр өчигдөр Женевт болсон хэвлэлийн хурлын үеэр мэдэгдсэн байна.

Тедрос ингэхдээ коронавирусийн тахал хэзээ оргилдоо хүрэх, хэдэн хүнд халдварлах талаар тоо баримт дурдаагүй юм.

Ази, Европын зарим улсууд халдварын тоо буурч эхэлсэнтэй холбоотойгоор хорио цээрийн дэглэмээ сулруулж эхлээд байна.

АНУ-ын ерөнхийлөгч Дональд Трамп анагаах ухааны мэргэжилтнүүдийнхээ анхааруулгыг үл тоон эдийн засгаа идэвхжүүлэхийг мужуудын захирагч нарт уриалж байгаа.

Тус улсын зарим хотуудад хорио цээрийн дэглэмийг эсэргүүцсэн иргэдийн жагсаал зохион байгуулагдсаныг улс төрийн зорилготой ажиллагаа гэж сэжиглэж байна.

Өнөөдрийн байдлаар Covid-19 өвчний халдварын 2.4 сая гаруй тохиолдол дэлхий даяар бүртгэгдэж, 170,000 орчим хүн нас бараад байна.

Өчигдөр Итали улсад анх удаагаа идэвхтэй эмчлүүлж байгаа Covid-19 өвчтөний тоо буурсан тухай мэдээлжээ.

Тус улсад өчигдөр нийт 108,237 хүн эмнэлэгт болон гэртээ эмчлүүлж байсан нь өмнөх өдрөөс 20-оор буурсан үзүүлэлт юм.

Даваа гарагт Италид 454 хүн нас барж, нийт эндэгдлийн тоо нь 24,114 хүрсэн байна. Энэ нь дэлхийд зөвхөн АНУ-ын дараа орох муу үзүүлэлт юм.

Өчигдөр Франц улсад коронавирусийн халдвараар нас барсан хүний тоо 20,000 хүрч, энэ босгыг давсан дэлхийн дөрөв дэх улс болжээ. Одоогоор Францаас гадна АНУ, Итали, Испанид 20,000-аас дээш тооны хүн нас бараад байна.

Гэсэн хэдий ч тус улсын эмнэлгүүдийн эрчимт эмчилгээний тасагт хэвтэж буй өвчтөний тоо сүүлийн 12 өдөр дараалан буурсан нь хорио цээрийн дэглэмийн үр дүн гарч байгаагийн илрэл гэж Францын засгийн газрын төлөөлөгч мэдээлжээ.

Батлагдсан халдварын тоогоор дэлхийд тэргүүлж байгаа эхний 10 улсын тоо баримтууд:

	Улсууд	Халдварын тохиолдол	Эндэгдэл	Харьцаа
1	АНУ	778,176	41,575	5%
2	Испани	200,210	20,852	10%
3	Итали	181,228	24,114	13%
4	Франц	156,479	20,292	13%
5	Герман	146,653	4,706	3%
6	Их Британи	125,851	16,550	13%
7	Турк	90,980	2,140	2%
8	Хятад	83,737	4,632	6%
9	Иран	83,505	5,209	6%
10	Орос	47,121	405	1%

Эх сурвалж: Reuters, Associated Press

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

5 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...