Дэлхий дахинд

Коронавирусийн халдварын батлагдсан тохиолдол дэлхий дахинд 2.5 сая хүрлээ

Нийтэлсэн

5 жил өмнө

2020-04-22

Нийтэлч

Дэлхий дахинд шинэ коронавирусийн халдварын батлагдсан тохиолдол 2.5 саяд хүрснийг Жон Хопкинсийн их сургуулийн сүүлийн тоо баримт харуулжээ.

Үүнээс АНУ-д бүртгэгдсэн тохиолдол 800,000-д дөхсөн байна. Нийтдээ 170,000 гаруй хүн Covid-19 өвчний улмаас нас барсны гуравны хоёр орчим нь Европ тивд бүртгэгджээ.

Эхний 500,000 халдварын тохиолдол бүртгэгдэхэд 75 хоног болсон бол сүүлийн хагас сая тохиолдол ердөө зургаа хоногт нэмэгдсэн байна.

Анхны 41 халдварын тохиолдол нэгдүгээр сарын 10-нд бүртгэгдэж байсан бол гурван сар гаруйн дараа өнөөдөр өдөрт 70,000 гаруй тохиолдол нэмэгддэг болжээ.

Дэлхийн Эрүүл Мэндийн Байгууллагаас гаргасан мэдээллээр бол жил бүр улирлын чанартай ханиад томуугаар 3-5 сая хүн өвчилдөг гэнэ.

Гэхдээ коронавирусийн халдварын бодит тоо албан ёсны тооноос хавьгүй өндөр байгаа гэж судлаачид үзэж байна.

1918 онд дэлхий даяар дэгдсэн “Испани ханиад” тахлын улмаас 500 орчим сая хүн нас барж байжээ.

Цар тахалд хамгийн хүнд нэрвэгдсэн АНУ-ын сенат өчигдөр эдийн засгаа тэтгэх нэмэлт $480 тэрбумын багцыг хэлэлцэж, дэмжлээ. Энэ мөнгийг жижиг бизнесүүдийг аврах, эмнэлгүүдийн хангамжийг сайжруулах, оношлуураар хангахад зориулах юм.

Одоо хуулийн төслийг конгрессийн төлөөлөгчдийн танхим Пүрэв гарагт хэлэлцэж, батлах төлөвтэй байна.

Сүүлийн өдрүүдэд коронавирусийн халдвар эрчимтэй тархаж байгаа ОХУ-ын нийслэл Москва хотод өчигдөр шинэ эмнэлэг үүдээ нээжээ. Covid-19 өвчтэй хүмүүсийг эмчлэх энэхүү эмнэлгийг Уханьд хэрэгжүүлсэнтэй адил барилгын технологиор сар гаруй хугацаанд босгосон юм. Гуравдугаар сарын 12-ны өдөр Москва хотын баруун өмнөд захад эмнэлгийн суурийг анх тавьж байжээ.

Тухайн үед ОХУ-д цөөхөн халдварын тохиолдол илэрч, ганц ч хүн нас бараагүй байсан бол өнөөдөр халдварын 50,000 гаруй тохиолдол бүртгэгдэж, 450 орчим хүн нас бараад байна.

12.5 сая оршин суугчтай Москва хот цар тахлын төв болж, 29,433 халдварын тохиолдол, 233 эндэгдэл бүртгээд байгаа юм.

Шинэ эмнэлэг нь 800 ортой бөгөөд өчигдөр эхний 20 өвчтөнөө хүлээж авжээ.

Өчигдөр Герман улсын Бавари муж дэлхийд алдартай Oktoberfest шар айрагны баяраа цуцлах болсныг зарласан байна.

Герман улсад цар тахлын улмаас олон нийтийн арга хэмжээнүүдийг хориглоод байгаа. Энэ жил 187 дахь удаагаа зохион байгуулагдах байсан баяр есдүгээр сарын 19-нөөс аравдугаар сарын 4 хүртэл үргэлжлэх байв.

Хамгийн сүүлд дэлхийн хоёрдугаар дайны үеэр Oktoberfest цуцлагдаж байжээ.

Жил бүрийн баярт оролцохоор 6 сая орчим хүн Бавари мужийн төв Мюнхен хотод цуглардаг юм.

Коронавирусийн батлагдсан халдварын тоогоор дэлхийд тэргүүлж буй 10 орны тоо баримтууд сүүлийн байдлаар:

	Улсууд	Халдварын тохиолдол	Эндэгдэл	Харьцаа
1	АНУ	788,920	42,458	5%
2	Испани	204,178	21,282	10%
3	Итали	181,228	24,114	13%
4	Франц	156,495	20,294	13%
5	Герман	147,593	4,869	3%
6	Их Британи	125,856	16,550	13%
7	Турк	95,591	2,259	2%
8	Иран	84,802	5,279	6%
9	Хятад	83,750	4,632	6%
10	Орос	52,763	456	1%

Эх сурвалж: Reuters, AFP

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

5 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...