Дэлхий дахинд

Амны хаалт зүүгээгүй АНУ-ын дэд ерөнхийлөгч шүүмжлэлд өртөв

Нийтэлсэн

5 жил өмнө

2020-04-29

Нийтэлч

АНУ-ын дэд ерөнхийлөгч Майк Пенс өчигдөр /2020.04.28/ Миннесота мужийн Рочестер дахь Мэйо эмнэлгийн төв байранд зочлохдоо эмнэлгийн дотоод журмыг зөрчиж, ганцаараа амны хаалт зүүгээгүй нь шүүмжлэл дагуулж байна. Тус эмнэлгийн захиргаа амны хаалт заавал зүүх журамтайгаа дэд ерөнхийлөгч болон түүний дагалдагчдад анхааруулж байснаас твиттертээ нийтэлсэн ч удалгүй устгасан байна.

Майк Пенс мягмар гаригийн орой “NBC” сувагт ярилцлага өгөхдөө “Би АНУ-ын дэд ерөнхийлөгчийн хувьд байнга шинжилгээ өгч байгаа. Миний ойрын хүмүүс ч мөн коронавирусийн шинжилгээнд тогтмол хамрагдаж байна. Халдваргүй гэдгээ ингэж нотолж байгаа учир би эмнэлгийн ажилтнуудтай нүүрээ нуулгүй ярилцаж, талархал илэрхийлэхийг хүссэн” хэмээн тайлбарлажээ.

Тэрбээр Цагаан ордны коронавирусийн цар тахалтай тэмцэх ажлыг ахалж байгаа ба өмнө нь ч мөн хэд хэдэн томоохон арга хэмжээнд амны хаалтгүй оролцож байсан юм. Түүнчлэн АНУ-ын засаг захиргаа болон ДЭМБ-аас амны хаалт зүүхийг зөвлөж эхлэхэд Ерөнхийлөгч Дональд Трамп амны хаалт зүүх эсэх нь хувь хүний эрх хэмээн мэдэгдээд өөрөө зүүхээс татгалзаж байгаагаа илэрхийлж байсан билээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

8 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...