Коронавирусийн халдвар аваад эдгэрсэн Британийн ерөнхий сайд хүүтэй болжээ

Нийтэлсэн

5 жил өмнө

2020-04-30

Нийтэлч

Их Британи улсын ерөнхий сайд Борис Жонсоны найз бүсгүй Кэрри Саймондс өчигдөр Лондон хотын эмнэлэгт эрүүл саруул хүү төрүүлжээ.

Одоо 55 настай Жонсон гуравдугаар сарын сүүлээр коронавирусийн халдвар авсан нь хүндэрч, эрчимт эмчилгээ хийлгэсний эцэст бүрэн эдгэрээд удаагүй байгаа.

Тэрээр Даваа гарагт ажилдаа эргэж орсон юм. Жонсон 2018 онд салсан хоёр дахь эхнэр Марина Уилерээс төрсөн дөрвөн хүүхэдтэй хүн.

Дараа нь тэр Британийн Консерватив намын олон нийттэй харилцах албаны захирал асан Саймондстой дотно харилцаатай болсон нь 2019 оны эхнээс нийтэд ил болжээ.

Өнгөрсөн хоёрдугаар сард Жонсон, Саймондс нар гэрлэхээр болсноо, бас хүүхэдтэй болох гэж байгаагаа нийтэд зарласан юм.

Тэд өнгөрсөн оны сүүлээр сүй тавьсан тухай эх сурвалжууд мэдээлж байв.

Жонсоныг өвдсөний дараа 32 настай Саймондс өөрөөс нь мөн коронаирусийн халдварын шинж тэмдэг илэрсэн тухай мэдээлж байсан ч гэртээ хэсэг хугацаанд эмчлүүлсний дараа эдгэрсэн байна.

Эх сурвалж: AFP

Сэдвүүд:

Дэлгэрэнгүй ...

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

8 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...