Дэлхий дахинд

Бразилд хоногт 13 мянган шинэ тохиолдол бүртгэгдлээ

Нийтэлсэн

5 жил өмнө

2020-05-15

Нийтэлч

Дэлхийн 215 оронд бүртгэгдээд буй covid-19 вирусийн цах тахлаар 4 сая 520 мянга 564 хүн өвчилж, 303 мянга 61 хүн хорвоог орхиж, 1 сая 701 мянга 178 хүн эмнэлгийн тусламж авч, эдгээд байна.

Өнгөрсөн 24 цагийн хугацаанд АНУ, Бразил, ОХУ, Перу, Энэтхэг, Их Британи зэрэг улсад шинэ тохиолдол эрчимтэй нэмэгдсэн байна.

ОХУ-д 24 цагийн хугацаанд халдварын шинэ тохиолдол өнгөрсөн өдрүүдтэй харьцуулахад харьцангуй бага буюу 9974-өөр нэмэгдэж, 93 хүн хорвоог орхижээ. Тус улсад нийтдээ 252 мянга 245 хүн халдвараар өвчилж, 2305 хүн амиа алдаж, 53 мянга 530 хүн эдгэжээ. Тус улс өнөөдрөөс эхлэн covid-19-ийн эсрэг биет Москва хотын оршин суугчдад байгаа эсэхийг тодруулахаар олон нийтийг хамруулсан шинжилгээг үнэ төлбөргүй хийхээр болсон байна.

Covid-19 вирусийн цар тахал эрчимтэй нэмэгдэж буй улс бол Бразил. Тус улсад өнгөрсөн 24 цагийн хугацаанд 13 мянга 761 шинэ тохиолдол нэмэгдэж, 835 хүн нас барлаа. Бразилд нийт тохиолдол 202 мянга 918 –д хүрч, 13 мянга 993 хүн нас барж, 73 мянга 479 хүн эдгэжээ.

Монгол Улсын хувьд өчигдөр /2020.05.14/ 56 шинэ тохиолдол нэмэгдэж, нийт тохиолдол 98-д хүрсэн. Үүнээс 15 нь эмнэлгийн тусламж авч эдгэсэн бол 83 хүн нь ХӨСҮТ-д эмчлүүлж байна. Эмчлүүлж буй 83 хүнээс хоёрынх нь биеийн байдал хүнд байгаа ажээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

12 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...