Дэлхий дахинд

Израйл улсад суугаа Хятадын Элчин сайд гэртээ нас барсан байжээ

Нийтэлсэн

5 жил өмнө

2020-05-18

Нийтэлч

БНХАУ-аас Израйлд суух Элчин сайд Ду Уэй оршин сууж байсан Тел Авив дахь гэртээ нас барсан байхыг олсон хэмээн Израйлын албаны эх сурвалж мэдээлжээ. Эх сурвалжийн хэлснээр цагдаа нар хэрэг үүсгэн шалгаж эхэлсэн ч хэргийн газраас олдсон зүйлсээс үзвэл Элчин сайд агсны үхлийн шалтгаан бараг тодорхой аж.

Ноён Ду 57 настай байсан бөгөөд өмнө нь Украйнд ажиллаж байгаад хоёрдугаар сараас Израйлд суух Элчин сайдаар сонгогдон ажиллаж эхэлжээ. Элчин сайд агсны эхнэр, хүү хоёр хараахан Израйлд ирж амжаагүй байсан гэнэ. Тэрбээр Тел Авивын Херзилиа гэх жижиг хотод оршин сууж байжээ.

Израйлын цагдаагийн газрын төлөөлөгч “Шалгалтын дагуу цагдаагийн бүрэлдэхүүн хэргийн газар ажиллаж байгаа” хэмээн мэдэгдсэн байна. Мөн нутгийн Channel 12 телевизээр нэрээ нууцалсан эрүүл мэндийн мэргэжилтэн ноён Ду унтаж байхдаа нас барсан хэмээн дүгнэсэн хэмээн мэдээлжээ.

Элчин сайд Ду агсан Израйлд хоёрдугаар сарын 15-нд ирээд хоёр долоо хоног тусгаарлалтад байжээ. Тэрбээр Израйлын Макор Ришон сонинд өнгөрсөн дөрөвдүгээр сард “Түүхээс үзэхэд тахал тараагчдыг нэг биш удаа хорон санаатан хэмээн үзэж, шийтгэж байсан байна. Өвчин бол нийт хүн төрөлхтний дайсан. Тиймээс бид бүхэн хамтдаа тэмцэх хэрэгтэй” хэмээн ярилцлага өгч байжээ.

Мөн өнгөрсөн долоо хоногт Израйл дахь Хятадын Элчин сайдын яам АНУ-ын төрийн нарийн бичгийн дарга Майк Помпеогийн “Хятад цар тахалд буруутай” хэмээсний эсрэг байр сууриа хүчтэй илэрхийлж байжээ.

Эх сурвалж: BBC.COM

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

11 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...