Дэлхий дахинд

ОХУ коронавирусээр нас барагсдынхаа 60 хувийг “нуужээ”

Нийтэлсэн

5 жил өмнө

2020-05-18

Нийтэлч

Шинэ төрлийн коронавирусийн халдвар авсан хүний тоогоор дэлхийд хоёрдугаарт бичигдэж буй ОХУ-ын 11 цагийн бүслүүрийг дамнан орших өргөн уудам газар нутагт халдвар бүртгэгдээгүй газар үлдсэнгүй. Өдгөө нийт 281 мянга гаруй хүн covid-19 өвчнөөр өвчлөөд байгаа тус улсад энэ халдварын улмаас нас барсан хүний тоо бусад нөхцөл байдал хүнд байгаа улс орнуудтай харьцуулахад харьцангуй бага буюу өнөөдрийн байдлаар /2020.05.18/ 2,600 гаруй хүн нас барсан гэж албан ёсны статистик мэдээнд дурджээ.

Нийт 179 мянган хүн коронавирусээр өвчилсөн Франц улсад нас баралтын түвшин дэлхийд хамгийн өндөр буюу 15,1 хувьтай байхад 1,5 сая хүн халдвар авсан АНУ-д энэ тоо 6 хувь байна.

Харин ОХУ-д нас баралтын түвшин дөнгөж 0,6 хувьтай байгаа нь анхаарал татаж буй юм. Энэ нь дэлхийн дунджаас даруй 7,6 хувиар бага үзүүлэлт ажээ. Зарим ажиглагч, шинжээчид ОХУ-ыг нас барагсдын статистикаа нуун дарагдуулж байна ч гэж хардаж эхэлсэн юм.

Москвагийн Эрүүл мэндийн газар коронавирустэй холбоотой нас баралтын талаар мэдээ мэдээлэл бүрэн нээлттэй хэмээн мэдэгдсэн ч тус улс нас барагдсыг тоолж, бүртгэхдээ бусад улс орнуудаас өөр арга барил ашиглаж буйгаа хүлээн зөвшөөрчээ.

Мөн Америкийн CNN тэргүүтэй хэд хэдэн мэдээллийн агентлагууд Москва хотод өнгөрсөн дөрөвдүгээр сард 11,846 хүн нас барсан хэмээн бүртгэгдсэн нь сүүлийн 10 жилийн дунджаас 20 орчим хувиар өссөн байжээ. Тус хотод өнгөрсөн 10 жилийн хугацаанд дөрөвдүгээр сард дунджаар 9,866 хүн нас барж байсан аж. Үүнийг тооцоод үзсэн ч ОХУ-д нас баралт АНУ, Итали, Франц, Испани зэрэг коронавируст цар тахалд хамгийн их өртсөн улсуудаас хамаагүй бага байгаа юм.

Москва хотын Эрүүл мэндийн газрын мэдээлснээр тус улс нь нас барсан хүн нэг бүрийн нас баралтын шалтгааныг тодруулахаар нарийн оношилгоо, шинжилгээ хийдэг бөгөөд коронавирусийн халдвар авсан ч нас баралтын шууд шалтгаан нь коронавирус биш, суурь өвчтэй байсан хүмүүсийг тусад нь тоолж байгаа аж. Өөрөөр хэлбэл, тухайн нас барсан хүн нь зүрх судасны ямар нэгэн өвчтэй, хорт хавдартай, цусны халдвартай байж байгаад коронавирусийн халдвар авч, улмаар амь насаа алдсан тохиолдолд үүнийг коронавирусийн улмаас нас бараагүй, суурь өвчний улмаас нас барсан гэх ангилалд ангилж байгаа юм байна.

Харин дээрх тохиолдлуудыг тооцох юм бол ОХУ-д коронавирусийн халдвар аваад нас барсан хүний тоо даруй 60 хувиар өсөх ажээ.

“Улс орон бүр нас барагсдаа өөр өөр аргаар бүртгэдэг тул тэдгээрийг хооронд нь харьцуулж, тоо баримт гаргах нь тийм ч зөв зүйл биш юм” хэмээн ОХУ-ын Ерөнхийлөгчийн нэрэмжит Үндэсний эдийн засаг, төрийн удирдлагын академийн эрдэм шинжилгээний ахлах ажилтан Татьяна Михайлова ярьжээ.

Мөн зарим эрдэмтдийн үзэж буйгаар тус улсад нас баралт бага байгаа нь халдвар бусад улс орныг бодвол харьцангуй оройтож тархсантай холбоотой байж магадгүй бөгөөд ирэх долоо хоногуудад нас баралт огцом нэмэгдэхийг ч үгүйсгэхгүй ажээ.

Эх сурвалж: GUARDIAN

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

12 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...