Дэлхий дахинд

Москва муж COVID-19-ийн эсрэг хүчин чадлаа бүрэн дайчлан ажиллаж байна

Нийтэлсэн

5 жил өмнө

2020-05-19

Нийтэлч

Москва хот болон Москва муж орчмын эмнэлгүүдэд ажиллаж байгаа 2000 орчим эмч, эмнэлгийн ажилтан коронавирусийн халдвар авснаас, 16 нь нас барсан хэмээн Москва мужийн Эрүүл мэндийн сайд Светлана Стригункова хэллээ.

Сайдын хэлснээр Москва мужийн хувьд нийтдээ 22 мянга 500 эмч, сувилагч, эмнэлгийн ажилтнууд коронавирусийн халдвартай тэмцэж байна. Анагаахын сургуулийн 280 оюутныг тусгай сургалтад хамруулан халдварт өвчний оношилгоо, өвчтөнүүдийн асаргааны ажилд дайчилж байгаа ажээ. Мөн бусад бус нутгаас, тэр дундаа Батлан хамгаалах яамны харъяа олон эмч дайчлагдан Москва мужид ажиллаж байна.

Москва мужид нийтдээ хүчилтөрөгчийн аппараттай 8500 ор бэлдсэн бөгөөд өнөөдрийн байдлаар 2000 илүү өвчтөн хүчилтөрөгчийн аппарат бүхий орон дээр эмчилгээ хийлгэж байгаа ажээ. Харин гэрээр 18 мянга 500 хүн коронавирусийн эсрэг эмчилгээ хийлгэж байна.

ОХУ-ын ЭМЯ-ны нормативаар Москва мужийн эмнэлгийн орны дээд хүчин чадал 15 мянган ор бөгөөд өнөөдрийн байдлаар хүчин чадлынхаа 94%-ийг ашиглаж байгааг Светлана Стригункова хэллээ.

2020 оны тавдугаар сарын 17-ны байдлаар Москва мужид COVID-19-ийн 27 мянган тохиолдол батлагдсанаас 268 хүн нас барж, 3000 хүн эдгэжээ.

Эх сурвалж: РИА НОВОСТИ

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

11 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...