Дэлхий дахинд

Далайн гахайнууд хөл хорионд орсон хүмүүст бэлэг цуглуулжээ

Нийтэлсэн

5 жил өмнө

2020-05-22

Нийтэлч

Австралийн Квийнслэнд дэх Күүлүүла эрэг дээр хүмүүс ирэх нь эрс багассаныг далайн гахайнууд анзаарсан бололтой. Тухайлбал жуулчдад далайн ёроолоос бэлэг олж ирдгээрээ алдартай Мистик нэртэй, 29 настай эр бөгтөр далайн гахай сүүлийн үед өмнөхөөсөө ч илүү өгөөмөр болжээ.

Мистик Барнаклес кафены сайн дурын ажилтнууд болон далайн гахай хооллох төвийнхөнд өдөр бүр мод, хясаа, лонх зэргийг далайн ёроолоос олж авчирч өгдөг байжээ. Сайн дурын ажилтан Лин МакПерсоны хэлснээр эрэг дээр жуулчид ирэх нь багассанаас хойш Мистик өмнөхөөсөө ч илүү өгөөмөр зантай болсон байна. Тэрбээр “Мистик үргэлж л далайн ёроолоос ямар нэг сайхан зүйл олж зуугаад, эсвэл хошуун дээрээ тогтоогоод авчирч бидэнд болгоомжтойгоор өгөх болсон. Харин оронд нь бид түүнд загас өгдөг. Бид түүнийг сургаагүй. Харин тэр өөрөө биднийг сургасан нь энэ. Цаашдаа ч бидэнд өгөх олон бэлэг байгаа байх. Сүүлийн үед Мистик заримдаа 10 бэлэг нэг дор авчирч, тэднийгээ эгнүүлж тавьдаг” хэмээн ярьжээ.

Нутгийнхны хэлж буйгаар өөр бөгтөр далайн гахайнууд ч хүмүүст лонх, шүрэн хад зэрэг олон сонирхолтой бэлэг авчирч өгж байгаа гэнэ.

Квийнслэндийн далайн гахай судлаач PhD доктор Барри МакГовен “Далайн гахай бол гайхалтай амьтан. Тэд бүгдийг хийж чадна. Тэд багаж хэрэгсэл хэрэглэдэг, өөрсдийн гэсэн соёлтой, хэлтэй, тэр байтугай бие биенийгээ дахин давтагдашгүй өөр өөр авиагаар дууддаг. Тэд магадгүй жуулчдын өгдөг үнэгүй хоолыг санаж байгаа байх” хэмээн ярьжээ.

Өмнө нь амьтан судлаач, эрдэмтдийн мэдээлж байснаар далайн гахайнууд зөвхөн “загас худалдаж” авахын тулд биш, эсрэг хүйстэндээ сэтгэгдэл төрүүлэхийн тулд бэлэг өгөх, дуулж, бүжиглэх тохиолдол олон байдаг аж.

Эх сурвалж: TELEGRAPH

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

13 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...