Дэлхий дахинд

Москва хотын хөл хориог зургадугаар сарын 14 болтол сунгалаа

Нийтэлсэн

4 жил өмнө

2020-05-29

Нийтэлч

Москва хотын хөл хорионы хугацааг зургадугаар сарын 14 болгон сунгах шийдвэрийг хотын Захирагч Сергей Собянин гаргалаа.

Хэдийгээр хөл хорионы хугацааг сунгаж байгаа ч зарим хязгаарлалтыг сулруулсан байна. Тухайлбал, зургадугаар сарын 1-нээс эхлэн хүнсний бус барааны дэлгүүрүүд, хими цэвэрлэгээ, угаалгын газрууд ажиллаж эхлэх юм. Мөн хотын оршин суугчдыг графикийн дагуу гадуур зугаалахыг зөвшөөрлөө.

2020 оны гуравдугаар сарын 31-нээс эхлэн коронавирусийн цар тахлын улмаас Москва хотын оршин суугчид гэрээсээ гадагшаа гарахын тулд QR код бүхий зөвшөөрлийн бичгээр гарч байгаа юм. Зургадугаар сарын 1-нээс эхлэн 65-аас дээш насны ахмадууд, архаг хууч өвчтэй хүмүүс гадагшаа гарч салхилахыг зөвшөөрлөө. Иргэдийн салхилах ногоон байгууламж бүхий цэцэрлэгүүдийг нээсэн боловч хэт олон хүний бөөгнөрөл үүсгэхгүй байх тал дээр хяналт тавих ажээ. Салхилах цаг нь өглөөний 09.00 цагаас оройн 21.00 цагийн хооронд байх бөгөөд долоо хоногтоо гурван удаа гарахыг зөвшөөрчээ.

Амны хаалтыг заавал зүүхийг Москва хотын захиргаа шаардаж байна. Өмнө нь дэлгүүр, худалдааны төв, нийтийн тээврээр үйлчлүүлэхдээ заавал зүүж байсан бол одоо гэрээсээ гарсан л бол амны хаалт зүүхийг шаардахаар болж байна.

Эх сурвалж: РИА НОВОСТИ

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

14 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...