Дэлхий дахинд

БНАСАУ БНСУ-тай бүх харилцаагаа тасалж байна

Нийтэлсэн

4 жил өмнө

2020-06-10

Нийтэлч

БНАСАУ БНСУ-тай харилцах бүх шугамаа, ялангуяа хоёр улсын удирдагчдын холбогддог болон цэргийн шугамыг тасалж буйгаа мэдээлжээ. Энэ нь БНАСАУ БНСУ-ыг “Дайсан” хэмээн тодорхойлсноос хойш хийх олон алхмын нэг гэжээ.

Умард Солонгосын өмнөд хилийн Кесун хотын оффисоос хийдэг байсан өдөр тутмын дуудлага өнөөдрөөс/2020.06.09/ эхлээд тасарч байгаа аж. Тус оффисыг хоёр улс хоорондын үл ойлголцлоо багасгахын тулд 2018 оноос хойш ашиглаж иржээ.

Солонгосын дайн 1953 онд дууссан гэгддэг ч хоёр улсын хооронд энхийн гэрээ одоо ч байгуулагдаагүй тул үндсэндээ БНАСАУ, БНСУ хоёр одоо ч дайтаж буй гэж ойлгоход хилсдэхгүй юм.

Эх сурвалжийн мэдээлснээр, энэ санаачилгыг БНАСАУ-ын удирдагчийн дүү, Солонгосын Хөдөлмөрийн намын Төв хорооны хэлтсийн нэгдүгээр орлогч дарга Ким Ё Жон болон Солонгосын Хөдөлмөрийн намын Төв хорооны орлогч дарга Ким Ён Чоль нар гаргажээ.

“Хоёр улсын харилцаа эцсийн цэгтээ хүрсэн. БНСУ-тай хийсэн хэлэлцээрүүд урам хугалсан” гэж Хойд Солонгосын эрх баригчид онцолжээ. Мөн Сөүл “зохисгүй үйлдэл” гаргаж, Хойд Солонгосын ард түмнийг доромжилсон хэмээн үзэж буй аж.

Өмнө нь БНСУ-д дүрвэсэн иргэд ухуулах хуудас бүхий агаарын бөмбөлгүүдийг хил давуулан хөөргөж байгаад БНАСАУ бухимдан, үүнийг зогсоох арга хэмжээ авахыг БНСУ-д удаа дараа сануулж, үгүй бол бүх цэргийн хэлэлцээрээ цуцална хэмээн сүрдүүлж байжээ.

Эх сурвалж: BBC.COM

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

14 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...