Дэлхий дахинд

Никелодеон: Дөрвөлжин өмдөт Хөвсгөр Боб бол ижил хүйстэн

Нийтэлсэн

4 жил өмнө

2020-06-15

Нийтэлч

Хүүхэлдэйн киноны Никелодеон суваг бахархлын сарыг тохиолдуулан хүн бүрийн таних хүүхэлдэйн киноны гол дүр болох дөрвөлжин өмдөт Хөвсгөр Бобыг ижил хүйстнээ сонирхогч хэмээн зарласан нь багагүй шүүмжлэл дагуулж байна. Тэд ЛБГТИК+ үзэгчдээ баясгах зорилгоор ийнхүү зарласан ч ихэнх үзэгчид “Далайн хөвөнгийн бэлгийн чиг хандлага хэнд хамаатай юм бэ” хэмээн гайхцгааж байгаа бололтой.

Никелодеон өчигдөр/2020.06.14/ “ЛБГТИК+ хүмүүс болон тэдний холбоотнуудыг дэмжиж бахархлын сарыг тэмдэглэж байна” хэмээн жиргээд Хөвсгөр Боб болон Корра нарын солонгорсон өнгөтэй зургийг нийтэлжээ. Энэ гэнэтийн мэдээлэлд зарим үзэгчид баярлаж байгаа бол харин зарим нь эсрэгээр “12-оос доош насныханд зориулсан хүүхэлдэйн киноны дүр, далайн хөвөнд бэлгийн чиг баримжаа ямар хэрэгтэй вэ” хэмээн шүүмжилж байна.

2000-аад оны эхэн үеэр ижил хүйстнээ сонирхогч залуус Хөвсгөр Бобыг бэлгэ тэмдэг болгон ашиглах нь ихэссэнд дүрийг бүтээсэн Стефен Хилленбүрг “Хөвсгөр Боб энгийн хүнийг төлөөлсөн дүр биш ч гэлээ бэлгийн чиг баримжааны хувьд бол асексик буюу бэлгийн чиг баримжаагүй” хэмээн зарлаж байсан билээ.

Харамсалтай нь тэрбээр 2018 онд нас барж, Хөвсгөр Бобыг хэрхэх нь Никелодеоны мэдэх хэрэг болон үлджээ.

Эх сурвалж: RT.COM

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

16 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...