Бусад

Гавьяат дасгалжуулагч Ж.Лхагва ахмадын Ази тивийн 3.3 бүсийн аваргаар тодорлоо

Нийтэлсэн

5 жил өмнө

2020-07-20

Нийтэлч

Азийн шатрын холбооноос 2020 оны долоодугаар сарын 14-21-ний өдрүүдэд www.chess.com цахим сайт дээр зохион байгуулагдаж буй Ахмадын Ази тивийн аварга шалгаруулах онлайн тэмцээн амжилттай үргэлжилж байна.

Ахмадын Ази тивийн 3.3 бүсийн аварга шалгаруулах тэмцээний 65-аас дээш насны ангилалд Монгол Улсын зургаан удаагийн аварга, Гавьяат дасгалжуулагч, ДШХ-ны мастер Ж.Лхагва багш хожигдолгүй түрүүлж аваргаллаа.

Тэмцээний 50-аас дээш насны ангилалд Монгол Улсын аварга, ДШХ-ны мастер Н.Төвсанаа сүүлийн 7-р өрөгт Филиппин улсын шилдэг шатарчин Тан Жонатаныг тактикийн хурц байрлалд илүүрхэж 56 ахмад шатарчдаас 7-р байрт шалгарав.

Тэмцээнд Монгол Улсаас дараах есөн тамирчин оролцсон бөгөөд 50-аас дээш насны ангилалд 7 эрэгтэй, 65-аас дээш насны ангилалд 1 эмэгтэй, 1 эрэгтэй тамирчин оролцсон юм. Үүнд:

65-аас дээш насны ангилалд:

1. ДШХМ Ж.Лхагва – эр
2. СМ Д.Сэржмядаг – эм /шууд финалд тоглоно/

50-аас дээш насны ангилалд:

1. ДШХМ Н.Төвсанаа – эр
2. СМ Г.Чулуун – эр
3. СМ Р.Энхбат – эр
4. Д.Болдбаатар – эр
5. П.Балжинням – эр /Дорнод/
6. Ч.Ядамсүрэн – эр /Говь-Алтай/
7. Х.Нармандах – эр /Хөвсгөл/
Манай гурван ахмад тамирчин Хөвсгөл, Говь-Алтай, Дорнод аймгуудаас гэрээсээ онлайн орчинд тоглосон бол үлдсэн тамирчид Мэдээлэл технологийн үндэсний парк дээр онлайн орчинд өндөр хурдны интернэт, сүүлийн үеийн компьютерт суурилан өндөр зохион байгуулалттай тоглолоо. Тус тэмцээний насны ангилал тус бүрийн эхний гурван байрт шалгарсан тамирчид 7-р сарын 20-21-ний өдрүүдэд зохион байгуулагдах Ахмадын Азийн авага шалгаруулах тэмцээний финалын шатанд шалгаран оролцох эрхээ авлаа.

Сэдвүүд:

Дэлгэрэнгүй ...

Бусад

Баталгаатай гүүр, гарам гарцаар автомашинтай зорчихыг зөвлөж байна

Нийтэлсэн

19 цаг өмнө

2025-04-21

Нийтэлч

24barimt

Налайх дүүргийн Онцгой байдлын хэлтсийн Эрэн хайх, аврах бүлгийн алба хаагчид дуудлагын дагуу аврах ажиллагааг зохион байгуулжээ.

Усанд автомашинтайгаа боогдсон байсан 4 иргэнийг уснаас гаргаж, аюулгүй байдлыг хангасан байна.

Баталгаатай гүүр, гарам гарцаар автомашинтай зорчиж, гол гатлахгүй байхыг анхааруулж байна.

Дэлгэрэнгүй ...

Бусад

Олон улсын стандартад нийцсэн IBAN дансны дугаарлалтыг нэвтрүүллээ

Нийтэлсэн

3 долоо хоног өмнө

2025-04-02

Нийтэлч

24barimt

Монголбанк нь Төв банк (Монголбанк)-ны тухай хуульд зааснаар Үндэсний төлбөрийн систем, түүний үйл ажиллагааг удирдан зохион байгуулах, зохицуулах, хяналт тавих чиг үүргийнхээ хүрээнд Монголбанкны Ерөнхийлөгчийн 2024 оны 10 дугаар сарын 18-ны өдрийн А-242 дугаар тушаалаар бүх иргэд, аж ахуйн нэгжийн дансны хуучин дугаарлалтыг 2025 оны 04 дүгээр сарын 01-ний өдрөөс ашиглахыг зогсоож, олон улсын дансны нэгдсэн дугаарлалтад бүрэн шилжүүлэхээр Монголбанк нь банк, төлбөрийн системийн нийт оролцогчидтой хамтран ажилласан.

Энэ хүрээнд иргэд, аж ахуйн нэгжийн дансны хуучин дугаарыг дөрөвдүгээр сараас эхлэн ашиглагдахгүй болж харин IBAN дансны дугаарлалтын зааврын дагуу шинэчлэгдсэн бүтэцтэйгээр төлбөр тооцоо дамжиж эхэлсэн.

Та бүгдийн үндсэн дансны дугаарт өөрчлөлт орохгүйгээр улсын код, хяналтын орон, банкны болон дансны дугаар гэсэн бүтэцтэй нийт 20 оронгийн урттай болж байна. IBAN дансны дугаарлалттай болсноор олон улсын гүйлгээ илүү хурдан, найдвартай, эрсдэлгүй болж, алдаатай гүйлгээ буцаагдах эрсдэлээс урьдчилан сэргийлэхийн зэрэгцээ аль банкны данс вэ гэдгийг шууд мэдэх боломжтой зэрэг давуу талтай боллоо.

Дэлгэрэнгүй ...

Бусад

АТГ: Эрүүгийн 2 хэрэгт нийт 18 объектод нэгжлэгийн ажиллагаа хийв

Нийтэлсэн

4 долоо хоног өмнө

2025-03-24

Нийтэлч

24barimt

Авлигатай тэмцэх газрын Мөрдөн шалгах хэлтэс 2025 оны гуравдугаар сарын 17-23-ны өдрүүдэд гэмт хэргийн шинжтэй 60 гомдол, мэдээллийг шалгав.

Үүнээс 10 гомдол, мэдээлэлд хэрэг бүртгэлтийн хэрэг нээх, 6 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 44 гомдол, мэдээллийг хянан шалгаж байна.

Түүнчлэн эрүүгийн 888 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 10 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 864 хэрэг шалгагдаж байна.

Гэмт хэргийн шалтгаан, нөхцөлийг арилгуулахаар мөрдөгчийн 1 мэдэгдэл хүргүүлж, хэрэг бүртгэлтийн болон мөрдөн байцаалтын 2 хэрэгт нийт 18 объектод нэгжлэгийн ажиллагаа хийв гэж АТГ-аас мэдээллээ.

Дэлгэрэнгүй ...