Бусад

Африкаас нүүдэллэсэн эртний хүмүүсийн Арабын хойгт үлдээсэн хамгийн эртний мөрийг илрүүлжээ

Нийтэлсэн

5 жил өмнө

2020-09-18

Нийтэлч

Өнөөдрийн Саудын Арабын нутаг дэвсгэрт 120,000 орчим жилийн өмнө үлдээсэн долоон хэсэг хүний мөр саяхан олдсон нь хүн төрөлхтөн Африк тивээс гадагш нүүхдээ Арабын хойгоор дамжсаныг батлах хамгийн эртний олдвор гэж эрдэмтэд үзэж байна.

Хомо сапиенсууд уугуул Африк тивээсээ хэзээ, ямар замаар гадагш нүүдэллэсэн нь эрдэмтдийн дунд оньсого хэвээр байгаа.

60,000 орчим жилийн өмнө хүний өвөг дээдэс Африкаас Европт нүүж очсоныг генетикийн судалгаагаар баталсан байдаг.

Гэхдээ 200,000 жилийн өмнөх хүний гавлын ясны хэсэг Грекээс, 180,000 жилийн өмнөх хүний эрүүний яс Израйлаас олдсон нь дээрх хугацааг эргэлзээтэй болгож байгаа.

88,000 жилийн өмнө амьдарч байсан хомо сапиенсийн хурууны яс Арабын хойгоос олдсон нь хүний өвөг дээдсийн зарим хэсэг зүүн зүгт нүүдэллэснийг баталдаг.

Тэгвэл саяхан Саудын Арабын хойд нутаг дахь эртний нуурын эргээс олдсон хүний мөр дээрх хугацааг шинэчилж байна.

Өмнө нь эрдэмтэд эртний хүмүүсийг далайн эрэг дагуу нүүдэллэх боломжтой байснаас Европ тивд түрүүлж хүрсэн гэж үздэг байсан бол энэ удаа эх газрын гүн рүү ч бас нүүдэллэснийг баталж байгаа гэнэ.

Саудын Арабын хойд бүсийн Нефундын цөл дэх эртний нуурын сав дагуу газраас олдсон мөрүүдийг лав хоёр ялгаатай хүн гаргасныг эрдэмтэд тогтоожээ.

Нуурын эрэг дагуу газраас бас эртний заан, тэмээ зэрэг амьтдын яс олдсон байна. Гэхдээ эдгээр амьтдыг хүн агнасан шинж тэмдэг харагдахгүй байгаа ажээ. Хомо сапиенсууд энд ан хийгээгүй, нүүдлийн замдаа нуурын эрэгт буудаллаж байсан гэж дүгнэсэн байна.

Тухайн үед Арабын хойг нь өнөөдрийнх шиг элсэн цөл байгаагүй, чийглэг цаг ууртай, амьтан ургамал элбэг байсан бололтой.

“Хүний болон зэрлэг ан амьтдын нүүдэл давхцаж байгаа нь нуурын цэнгэг уснаас ундаалах зорилготой холбоотой гэж таамаглаж байна” гэж Лондоны их сургуулийн судлаач Ричард Кларк Уилсон ярьжээ.

“Арабын хойг чийглэг цаг ууртай байх үед хүмүүс нүүдэллэсэн байна. Гэхдээ сүүлд уур амьсгал өөрчлөгдөж, элсэн цөл болж хувирсны дараа тэдний хувь заяа хэрхсэн нь тодорхойгүй. Магадгүй тэд устаж алга болсон, эсвэл амьдрахад таатай газар хайн цааш нүүсэн байх” гэж Германы Макс Планкын хүрээлэнгийн судлаач Мэтью Стюарт ярьж байна.

Эх сурвалж: The Guardian

Сэдвүүд:

Дэлгэрэнгүй ...

Бусад

Баталгаатай гүүр, гарам гарцаар автомашинтай зорчихыг зөвлөж байна

Нийтэлсэн

9 цаг өмнө

2025-04-21

Нийтэлч

24barimt

Налайх дүүргийн Онцгой байдлын хэлтсийн Эрэн хайх, аврах бүлгийн алба хаагчид дуудлагын дагуу аврах ажиллагааг зохион байгуулжээ.

Усанд автомашинтайгаа боогдсон байсан 4 иргэнийг уснаас гаргаж, аюулгүй байдлыг хангасан байна.

Баталгаатай гүүр, гарам гарцаар автомашинтай зорчиж, гол гатлахгүй байхыг анхааруулж байна.

Дэлгэрэнгүй ...

Бусад

Олон улсын стандартад нийцсэн IBAN дансны дугаарлалтыг нэвтрүүллээ

Нийтэлсэн

3 долоо хоног өмнө

2025-04-02

Нийтэлч

24barimt

Монголбанк нь Төв банк (Монголбанк)-ны тухай хуульд зааснаар Үндэсний төлбөрийн систем, түүний үйл ажиллагааг удирдан зохион байгуулах, зохицуулах, хяналт тавих чиг үүргийнхээ хүрээнд Монголбанкны Ерөнхийлөгчийн 2024 оны 10 дугаар сарын 18-ны өдрийн А-242 дугаар тушаалаар бүх иргэд, аж ахуйн нэгжийн дансны хуучин дугаарлалтыг 2025 оны 04 дүгээр сарын 01-ний өдрөөс ашиглахыг зогсоож, олон улсын дансны нэгдсэн дугаарлалтад бүрэн шилжүүлэхээр Монголбанк нь банк, төлбөрийн системийн нийт оролцогчидтой хамтран ажилласан.

Энэ хүрээнд иргэд, аж ахуйн нэгжийн дансны хуучин дугаарыг дөрөвдүгээр сараас эхлэн ашиглагдахгүй болж харин IBAN дансны дугаарлалтын зааврын дагуу шинэчлэгдсэн бүтэцтэйгээр төлбөр тооцоо дамжиж эхэлсэн.

Та бүгдийн үндсэн дансны дугаарт өөрчлөлт орохгүйгээр улсын код, хяналтын орон, банкны болон дансны дугаар гэсэн бүтэцтэй нийт 20 оронгийн урттай болж байна. IBAN дансны дугаарлалттай болсноор олон улсын гүйлгээ илүү хурдан, найдвартай, эрсдэлгүй болж, алдаатай гүйлгээ буцаагдах эрсдэлээс урьдчилан сэргийлэхийн зэрэгцээ аль банкны данс вэ гэдгийг шууд мэдэх боломжтой зэрэг давуу талтай боллоо.

Дэлгэрэнгүй ...

Бусад

АТГ: Эрүүгийн 2 хэрэгт нийт 18 объектод нэгжлэгийн ажиллагаа хийв

Нийтэлсэн

4 долоо хоног өмнө

2025-03-24

Нийтэлч

24barimt

Авлигатай тэмцэх газрын Мөрдөн шалгах хэлтэс 2025 оны гуравдугаар сарын 17-23-ны өдрүүдэд гэмт хэргийн шинжтэй 60 гомдол, мэдээллийг шалгав.

Үүнээс 10 гомдол, мэдээлэлд хэрэг бүртгэлтийн хэрэг нээх, 6 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 44 гомдол, мэдээллийг хянан шалгаж байна.

Түүнчлэн эрүүгийн 888 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 10 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 864 хэрэг шалгагдаж байна.

Гэмт хэргийн шалтгаан, нөхцөлийг арилгуулахаар мөрдөгчийн 1 мэдэгдэл хүргүүлж, хэрэг бүртгэлтийн болон мөрдөн байцаалтын 2 хэрэгт нийт 18 объектод нэгжлэгийн ажиллагаа хийв гэж АТГ-аас мэдээллээ.

Дэлгэрэнгүй ...