Дэлхий дахинд

Зөвлөлтийн үеийн бараан үнэнийг илчилсэн түүхчид ял оноожээ

Нийтэлсэн

4 жил өмнө

2020-10-01

Нийтэлч

Сталины үед хүмүүсийг олноор нь оршуулсан булшийг олоход тусалсан түүхчид Оросын шүүх 13 жил шоронд хорих ял оноожээ. Хүний эрхийн байгууллагуудаас түүхч Юрий Дмитриевд оноосон 10 жилээр ялыг нь нэмэгдүүлснийг улс төрийн зорилготой “өш авалт” хэмээн шүүмжилж байна. Өмнө нь энэ оны эхээр шүүхээс Юрий Дмитриевд гурван жил зургаан сар шоронд хорих ял оноосон байв. Тэрбээр хоригдох ялынхаа ихэнх хугацааг шүүх хурлын өмнө урьдчилан хорих төвд эдэлсэн учраас хэдэн долоо хоногийн дараа суллагдах байжээ. Гэвч ОХУ-ын хойд хэсгийн Петрозаводск хотын Дээд шүүхээс Юрий Дмитриевд оноосон ялыг өөрчилж, 13 жил хорих болгон нэмэгдүүлсэн аж.

Өдгөө 64 настай Юрий Дмитриев нь ЗХУ-ын хэлмэгдүүлэлтэд хохирогчдыг дурсах “Дурсамж” бүлгийн гишүүн юм. Тэрбээр 2016 онд өргөж авсан охиныхоо зүй бус зургийг авч, хүчирхийлсэн хэрэгт буруутгагдан яллагджээ.

Юрий Дмитриев болон хэсэг хүмүүс 1990-ээд онд Оросын хойд хэсэг, Финляндын хилийн ойролцоо орших Карелиа бүс нутагт хүмүүсийг бөөнөөр нь оршуулсан булшийг олсон аж. Тус булшинд 1937-1938 оны хооронд Зөвлөлтийн үед цаазаар авахуулсан 6000 орчим хоригдлын цогцос булаатай байсан таамаглажээ. Харин Цэрэг-түүхийн нийгэмлэгээс тус булшинд дэлхийн II дайнд Финляндын цэргүүдэд алуулсан оросуудыг оршуулсан гэх таамгийг дэвшүүлсэн аж.

Сэдвүүд:ОХУ

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

10 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...