НҮБ-ын Ерөнхий ассамблейгаас жил бүрийн 10 дугаар сарын 1-ний өдрийг “Ахмадын баяр” болгон тэмдэглэж байхыг тунхагласнаас хойш манай улс өнөөдөр 28 дахь жилдээ тэмдэглэн өнгөрүүлж байна.
Аймгийн ахмадын баярын хурал 09 дүгээр сарын 30-ны өдөр зохион байгуулагдлаа. Арга хэмжээг нээж аймгийн Ахмадын хорооны дарга Л.Насанжаргал үг хэлсэн ба хүрэлцэн ирсэн нийт ахмадууддаа аймгийн удирдлагууд мэндчилгээ дэвшүүлж, аймаг орон нутгаас хийж хэрэгжүүлж буй ажлын талаар мэдээлэл хийлээ. Мөн хурлын үеэр эх орныхоо хөгжил дэвшил, хойч үеийнхээ ирээдүйн сайн сайхны төлөө цуцалтгүй хөдөлмөрлөж, уйгагүй зүтгэж ирсэн үе үеийн ахмадуудын хөдөлмөр, зүтгэлийг үнэлж Аймгийн Засаг даргын “Жуух бичиг”, Говьсүмбэр аймгийн төлөө медаль, Монголын Ахмадын Холбооны шагнал “Хүндэт тэмдэг”, аймгийн ахмадын хорооны “Жуух бичиг”-ээр шагнаж урамшуулж, Дуу бүжгийн Боржигин чуулгаас ахмадууддаа хүндэтгэлийн тоглолт зохион байгууллаа.
Аймгийн ахмадын баярыг тэмдэглэн өнгөрүүлэх ажлын хүрээнд 09 дүгээр сарын 28, 29-ны өдрүүдэд ахмадуудын дунд ганцаарчилсан болон багийн спортын тэмцээн /ширээний теннис, шагай шүүрэх, софт волейбол, дартс, 100м-ын гүйлт, 200м спорт алхалтын уралдаан зохион байгуулагдаж, эхний 3 байрыг шалгаруулж, өргөмжлөл мөнгөн шагналаар шагнаж урамшууллаа. Багийн дүнгээр:
1-р байранд: Сүмбэр сумын 2, 5-р багийн хамтарсан Ш.Хандсүрэн, О. Алтанцэцэг ахлагчтай баг
2-р байранд: Сүмбэр сумын 1, 4-р багийн хамтарсан Л.Самбуу, С.Сайнзаяа ахлагчтай баг
3-р байранд: Шивээговь сумын Д.Гэрэлмягмар ахлагчтай баг тус тус шалгарлаа