Хүмүүст туслах хүнсний агуулах нээж,  АНУ-ын шинэ ерөнхийлөгч Жое Байданы тангараг өргөх ёслолд оролцсон найман настай хүүг танилцуулъя. Ерөнхийлөгч Жо Байдены тангараг өргөх ёслолын ажиллагаанд оролцсон найман настай хүү Кавано Белл олны хайр, талархлыг хүлээжээ. Тэрбээр “Би бусдад туслан дэлхийг өөрчилж эерэг хандлага түгээхийг хүсдэг. Цар тахлын үед маш олон хүмүүст тусламж хэрэгтэй байгааг би анзаарсан. Тиймээс хамгийн түрүүнд дүүрэгтээ амьдардаг өндөр настнуудад чадлаараа туслахаар шийдсэн. Харин одоо би улс орон даяар энэхүү үйл хэргээ үргэлжлүүлж байна” хэмээжээ. Тэрбээр бүх хүмүүст талархал илэрхийлэхийн сацуу “Хайр бүхнийг ялдаг” хэмээн урмын үг хэлсэн нь олны сэтгэлийг хөдөлгөжээ. Түүнчлэн тэрээр бүх хүмүүст талархал илэрхийлэхийн сацуу “Хайр бүхнийг ялдаг” хэмээн урмын үг хэлсэн нь олны сэтгэлийг хөдөлгөжээ.

Кавано Беллийн тухай АНУ-ын 46 дахь ерөнхийлөгчийн инстаграм хуудаснаа “Аливаа зүйлийг хийхэд та хэзээ ч оройтохгүй. Хэцүү цаг үед эргэн тойрныхондоо тусламжийн гараа сунгаж байгаа найман настай хүүд талархаж байна” гэсэн тайлбартай зураг нийтэлжээ.

Кавано Белл хүү хамгийн анх төрсөн өдөр болон шинэ жилийн баяраар цуглуулсан мөнгөнөөсөө өндөр настнуудад тусламж үзүүлжээ. Харин дараа нь хүмүүс хандив өргөж эхэлсэн байна. Тиймээс Кавано Белл хүү ээжтэйгээ хамтарч “Хайр ковидоос хүчтэй” нэртэй хүмүүст туслах хүнсний агуулах нээжээ. Кавано Белл хүү үе тэнгийнхнийхээ гадуурхалд өртөж дээрэлхүүлж байжээ. Энэ үедээ тэрээр маш их сэтгэлээр унаж, харанхуй нүхэнд гацчихсан юм шиг санагдаж байсан тухайгаа хуваалцжээ. Тэрээр энэ муухай мэдрэмжийг өөр хэнд ч мэдрүүлэхийг хүсдэггүй аж. 2020 оны дөрөвдүгээр сард дэд ерөнхийлөгч Камала Харрис түүний тухай твиттертээ бичсэн бөгөөд Каваног “Удирдагч болоход нас хамаагүйг баталсан хүү” хэмээн тодорхойлжээ.Түүнчлэн “Камалатай хамт хүүхдүүд” нэртэй Youtube дэх нэвтрүүлэгтээ урьж оролцуулжээ. Энэ үеэрээ “Хүн болгон төрөхдөө л удирдагч байдаг. Харин хэзээ энэ чадвараа нээж, жинхэнэ удирдагч болох нь чухал. Чи маш жаахандаа энэ чадвараа нээж илрүүлжээ. Энэ бол үнэхээр гайхалтай. Чи надад болон маш олон хүнд урам зориг өгч байна” хэмээн талархалд дэвшүүлсэн байна.