24 баримт

УИХ-ЫН ГИШҮҮН ГОМПИЛДООГИЙН МӨНХЦЭЦЭГИЙН ОНЦЛОХ 24 БАРИМТ

Нийтэлсэн

4 жил өмнө

2021-02-11

Нийтэлч

1. Дорноговь аймгийн Сайншандад төрсөн ч хорвоотой танилцсан Хатанбулаг, алдарт Эргэлийн зоо, их говиороо овоглох тэр дуртай. Ээрэм талд сунайтал татсан их ширээ мэт Эргэлийнхээ зоон дээр ботго тором эргүүлж, сумынхаа захиргааг халаах галлах гээд мөн л эмээгийнхээ нуруунд зүүгдэж, хөрзөн заг хормойлж үүрч дүүрч өссөн нь эгэл Монгол ахуй, эрхэм ёс, жудагтаа ойр нэгэн болгожээ.

2. 2001 онд”Болор цом”-ын болсон. Дунд сургуулийн хүүхэд байхаас л уран бүтээлийн гараагаа эхлэж анхны номоо хүүхэд ахуй насандаа хэвлүүлж “Хүрэл тулга” наадмын анхны эзэн, Цагаан уул, Найргийн даага, Болор цомын удаа дараагийн шагналуудыг сурагчийн ширээний араас хүртэж явсан тэрбээр олны дунд түгсэн олон дуу шүлгээс бүтсэн 10 гаруй ном, бүтээл хэвлүүлжээ,шүлэг, яруу найраг нь англи, болгар, япон, турк, хятад, солонгос хэлнээ орчуулагдсан. Шүлэг, яруу найргаас гадна “Болзоогүй цагийн хураангуй” афоризмын түүвэр бүтээл туурвисан анхны эмэгтэй.

3. Зууны мэдээ, Засгийн газрын мэдээ сонинд сурвалжлагч албаны дарга хийж “мэдээнд гүйж” ажил амьдралынхаа гарааг эхлэсэн тэрбээр бичиг номын замаас нэг сар ч хазайгаагүй гэж хошигнодог. Монголын зохиолчдын эвлэл” хэмээх их айлыг 7 жил удирдсан. Монголын нэгэн үеийн билиг номын мэргэд, сэцэд чуулдаг оюуны их өргөөг удирдана гэдэг ховорхон тавилан гэж, тэрээр удирдаж, хашиж байсан олон албаасаа онцолдог. Хүнд хэцүү цаг үед зохиолчдын байгууллагыг өөд нь татаж чадсан болохоор нь Го дарга гэж их багагүй авгайлдаг аж.

4. Говьсүмбэр, Дорноговь хоёр аймгаас бүрдсэн тойргоос 2016 онд УИХ-д сонгогдсон бол 2020 онд Говьсүмбэр, Дундговь аймгийн тойргоос сонгогдож, говь нутгаас сонгогдсон ганц эмэгтэй гишүүн болоод буй. Энэ ч утгаар тэр УИХ-ын чуулган дээр манай говь гээд л ярьж хэлж, говь нутгийнхаа бүсгүйчүүдийн дуу хоолой болж явна.

5. Соёл урлагийн салбарыг төрийн бодлогын төвд оруулж чадсан. Соёл урлагийн талаарх Ажлын хэсгийг ахлан Засгийн газарт чиглэл өгөх тогтоолыг батлуулан тулгамдсан 10 гаруй асуудлыг хөдөлгөлөө. Үндэсний төв номын сан, Байгалийн түүхийн музей, Үндэсний урлагийн театр зэрэг томоохон хөрөнгө оруулалтууд, цалин хөлс нэмэгдүүлэхээс эхлээд багц хуулиудыг боловсруулж өргөн барих ажлууд өрнөсөн. Өдгөө Соёлын хуулийн ажлын хэсгийг ахлаад ажиллаж байна.

6. УИХ-ын гишүүн болмогцоо НҮБ-ын ЮНЕСКО-ийн төв байранд босоо Монгол бичгээр хэвлэгдсэн бүтээлийн үзэсгэлэнг хамтран санаачилж зохион байгуулсан нь олон орны элчин сайд, төлөөлөгчдийн нүдийг хужирлаж, Монгол өв соёлын нэгэн сод гайхамшгийг дэлхий дахинд толилуулсан сайхан үйл ажиллагаа болсон байдаг.

7. “Их соёл-Эх Соёл” хөтөлбөрийг 2017 оноос хойш хэрэгжүүлсэн нь тойргийн ард иргэдийн талархлыг хүлээж, хүүхэд, залуучуудын боловсрол, ирээдүйд оруулсан оюуны томоохон хөрөнгө оруулалт болсон гэж үздэг. Говьсүмбэр аймаг ЭЕШ-ын оноогоор сүүлийн байрнаас эхний аравт ортол ахихад энэ хөтөлбөр нөлөөлсөн гэж боловсролынхон нь үнэлдэг.

8. Байгаль орчин, бэлчээр ус, оршихуйгаа хамгаалах үзэл санааг ямагт дэвшүүлэн тавьж, дэмжиж, санаачилж ирсэн байдаг. УИХ-аар нийт 31 газрыг улсын тусгай хамгаалалтад авахад ажлын хэсэгт орж ажиллаж, өөрөө санаачлан Хамарын хийд, Дэмчигийг хийд, Хөх Сүм бүрд, Аргалын уул зэрэг олон газруудыг хамгаалах ажлыг эхлүүлээд явж байна. Одоо усны тухай хуулийн ажлын хэсгийг ахлаж байгаа.

9. Хүүхэд бүхэн сурах бичигтэйгээ хичээлийн шинэ жилээ эхлүүлэх аяныг санаачлагчдын нэг. Хөдөөгийн хүүхдүүд хичээлийн жил дуусч байхад сурах бичигтэйгээ залгадаг явдлыг БСШУЯ-нд тавьж, 3.4 тэрбум төгрөгийг төсөвт тусгуулан хамтран ажиллаж шийдвэрлүүлсэн байдаг. Үүнээс хойш сурах бичгийн хангалт доголдохгүй болсон.

10. “Шинэ хөдөө” төслийн санаачлагчдын нэг. 2016-2020 оны УИХ-д хөдөө орон нутгаас сонгогдсон гишүүд хамтран дээрх төслийг санаачилсан байдаг. Энэ төслийн хүрээнд багийн хөгжлийг дэмжих, ажлын байр нэмэгдүүлэх, нутагтаа сайхан амьдрах, төвлөрлийг сааруулахад чиглэсэн олон ажлууд хийгджээ.

11.Түүний хамгийн анхны “эх барьж” батлуулсан хуулийн төсөл нь “Цалинтай ээж” хөтөлбөрийн хүрээнд боловсрогдсон “Эх, олон хүүхэдтэй өрх толгойлсон эцэг, эхэд тэтгэмж олгох тухай хуулийн төсөл байсан. Энэхүү хуулийн төсөл дээр амжилттай ажилласнаас хойш 10 гаруй хуулийн төслийг хамтран санаачилж батлуулсан байдаг.

12.Говьсүмбэр аймагтаа урьд өмнө байгаагүй их хөрөнгө оруулалт татсан гишүүн болсон. Говьсүмбэр нь аймаг болсоор 25 жилийн түүхэндээ анх удаа аймгийн буюу бүсийн нэгдсэн эмнэлэгтэй болсон юм. Мөн хэд хэдэн сургууль, цэцэрлэг, зам, барилга, дэд бүтэц, бүтээн байгуулалтын ажлууд олноор хийгдсэн байна.

13.Говьсүмбэр-Мандалговь-Арвайхээр буюу Дундговь, Өвөрхангайгаар дамжуулан баруун аймгуудыг олон улсын тээврийн замын сүлжээнд холбох хэвтээ тэнхлэгийн замын төслийг санаачлагчдын нэг. 2020-2024 оны Улсын Их Хурлын сонгуулийн мөрийн хөтөлбөр улмаар Засгийн газрын үйл ажиллагааны төлөвлөгөөнд тусгуулаад байна.

14.Говьсүмбэр аймгаа Цэцэн Боржигины алтан голомт гэх бахархлаар өөд татаж буй авхаалжтай гишүүн. “Боржигин соёлын наадам”-ыг улс, олон улсын чанартай болгож, Болор цом 2019 наадмыг “Боржигин голомт-36” тодотголтойгоор зохион байгуулж, “Уран үгсийн чуулган”, “Номтой галт тэрэг” аян хүртэл өрнүүлсэн. “Боржигин чуулга”-аа шинэ байр савтай болгохоор шамдаж буй. Боржигины өв соёлын музейтэй болгохcон гэж ярьж яваа.

15.“Хөөцөлдлөгөөтэй гишүүн”, энэ үг Г.Мөнхцэцэг гишүүнтэй холбогдож олон сайдын амнаас гардаг. Учир нь тухайн орон нутагт тулгамдаж буй асуудлаар салбарын яамтай нь хамтран ажиллаж, асуудлаа шийдвэрлүүлж чаддаг.

16.Арга эвийг олж, олон ажлыг нэг дор амжуулахыг хичээдэг. Малчид тэр бүр олон цуглаад байж чаддаггүй болохоор Г.Мөнхцэцэг гишүүн Дорноговь аймгийн 8 сумын “Малчдын зөвлөгөөн”-ийг ХХААЯ, ХНХЯ 2 яамтай хамтарч хуулиа сурталчилж, санал гомдлыг сонсож, шийдвэрлүүлж, авьяаслаг малчин, бүтээлч малчин, соёлын өв тээгч малчин шалгаруулах уралдаан, тэмцээн зохиож, “Соёлын өв-Манай нутгийнхан” цэнгээнт нэвтрүүлгийг МҮОНТ-ээр сум тус бүрээр хийлгэн үзүүлж, өдөр өдөрт нь багтаан түүртэлгүй зохион байгуулж байсан юм. 17.Нэр цэвэр гэгддэг. Аливаа бизнесийн хуйвалдаан, ЖДҮ-ийн зээл, авлига офшор зэрэгтэй нэр холбогдоогүй. Бичиг номын хүн тул аливаад ёс зүйг барьдаг. Ааж ээжээс олгосон хүмүүжил, ажил хөдөлмөрийг эрхэмлэх чанар нь түүнийг ийнхүү зөвд залдаг болов уу. Зарим нэг жижиг гүтгэлэг, хов жив тойроогүй ч үнэнд гүйцэгдэгддэг хойно доо.

18.Мод тарих, сэтгэлийн ариусал гэгээрлийн үйл бүтээл, эрүүл зөв амьдралын хэвшил, хандлагыг уриалж, нийгмийн соён гэгээрлийн ажилд идэвхтэй оролцдог.

19.Номын арвин сантай. Цуглуулсан номоо номын сан, сурагч багачууддаа хандивлах нь бас их. Өөрийн өсөж төрсөн Хатанбулаг сумынхаа соёлын төвд хувийнхаа номын цуглуулгаас 1000 ном хандивлаж нутгаа номжуулах ажлыг эхлүүлж байлаа. Тэр бас өөрт нь зориулагдсан номтой. “Заяат замбуулингийн хүрдэн” хэмээх номыг үзэг нэгт нөхөд нь түүнд өргөн барьжээ. Г.Мөнхцэцэгт зориулав гэсэн үе үеийн гайхамшигт үгийн дархчуудын шүлэг, нийтлэл, хөрөг, өгүүлэл, дурсамжууд хөвөрнө. Сэтгэлийг эрхэмлэх хүмүүнд түүнээс илүү нандин бэлэг хаа билээ.

20.Агуй судлаач бүсгүй. Монгол орны байгалийн үзэсгэлэнг харуулах өвөрмөц тогтоц бүхий агуйнуудыг тусгайлан судалж, судалгааны цуврал бүтээл хийх төслийг санаачлан удирдаж ажилласан байдаг. Монгол орны агуйнууд, Дорнын говийн бүтээлийн агуйнууд, Өмнийн говийн агуйнууд … зэрэг бүтээлүүдийг эмхэтгэн гаргажээ. Мөн Монгол орны өнцөг булан бүрт буй хадны шүлэг бичээсийг судлан эмхэтгэх ажлыг санаачлан эрдэмтэн судлаачидтай хамтарч хэд хэдэн бүтээл хэвлүүлжээ.

21.Ноён хутагт Данзанравжаагийн нутгийнх гэдгийг нь мэдэх ч, хутагтын өв судлал, Хамарын хийдийг сэргээн босгох үйлсэд 10 гаруй жил гар бие оролцон зүтгэснийг мэдэх нь тийм ч олон биш болов уу.

22.Дуу төрсөөр. Шинэхэн найз, ширээний минь найз” гээд Монголын хүүхдийн 100 шилдэг дууны нэг хүүхэд бүрийн дуулдаг дуугаа зохиож байсан бол өнөөдөр говио багтаасан олон сайхан дуунууд төр түшсэн сэтгэлийнх нь хоймориос мэндэлсээр. Говьсүмбэртээ зориулж “Хувьтай нутаг”, Дундговь нутагтаа зориулж “Дутуу нь үгүй Дундговь”, Дорноговь, нийт говийнхондоо зориулж “Манай нутгийнхан” дуугаа бүтээсэн нь хэдийнээ олны хүртээл болжээ.

Тал, талдаа бараатай

Талцаж нүүдэггүй говийн улс аа

Энгэр зөвтэй халхын босгонд

Тэнгэр түшсэн нартай явдаг аа

Шандны ус нь амины үнэтэй

Сайхан үг нь амны билигтэй

Халуун сэтгэлтэй манай нутгийнхан

Хүний чанараар арай л өөр дөө …

23. Ховд нутгийн бэр. Хань нь Монгол улсын начин Ш.Лхагвасүрэн. Хүү нь эмч болохоор суралцаж буй АШУИС-ийн оюутан. Ханьдаа, хүүдээ зориулсан шүлгийн мөртүүд мэдээж олон бий.

…Цагаахан сүүгээ ивэлтэл асгаруулж

Цээжээ хаттал өөрийгөө шингээлээ ижий нь чамд

Цагийн цагт холын холд ч цадталаа хөхсөн

Хүний үнэрээс минь битгий урваарай

Бүсийг чинь задалж хурайлцсан аавынх нь энгэр шиг дулаахан

Бүгдээрээн зүхсэн ч энэ Монголоосоо бүр ч битгий урваарай Миний жаахан хөвүүн

24. Хүмүүнлэгийн үйлсийг хэзээ ч орхигдуулдаггүй. Ахмад буурлууд, алдрай бяцхан хүүхэд багачууд, өрх толгойлсон эхчүүд гээд хаа ч хүний амьдралын эрээн бараанд хүнлэг сэтгэлийн хайр тоссон цаг мөчүүд арвин. Тэр бүрт чадахын хэрээр тусламжийн гараа сунгаж л явдаг. Хүний сэтгэл мөнгө, хуулиар хэмжигдэхгүй шүү дээ гэж тэр хэлдэг

Сэдвүүд:

Дэлгэрэнгүй ...

24 баримт

ГАВЬЯАТ БОКСЧИН М.НАНДИНЦЭЦЭГИЙН ТУХАЙ 24 БАРИМТ

Нийтэлсэн

2 жил өмнө

2022-09-20

Нийтэлч

24barimt

БАРИМТ 1. Тэрбээр 1988 оны зургаадугаар сарын 3-нд Эрдэнэт хотод төржээ.

БАРИМТ 2. Ам бүл тавуулаа. Айлын том охин бөгөөд хоёр дүүтэй.

БАРИМТ 3. Анх түүнд “Шавь” цогцолбор сургуулийн биеийн тамирын багш Х.Хүдэрбаатар боксын спортоор хичээллэх санал тавьж байжээ.

БАРИМТ 4. “Шавь” цогцолборт гурван сар хэртэй бэлтгэл сургуулилт хийж, дасгалжуулагч Л.Энхбаатар багшид шавь оржээ..

БАРИМТ 5. Тэрбээр Л.Энхбаатар багшийнхаа анхны эмэгтэй шавь нь юм.

БАРИМТ 6. 2003 оны өсвөр үеийнхний УАШТ-ий 48 кг-ын жинд хүрэл медаль хүртжээ. Энэ нь түүний анхны амжилт юм.

БАРИМТ 7. Бэлтгэл хийж эхлээд удаагүй байхдаа анхны тэмцээнээсээ хүрэл медаль хүртсэн цагаас эхлэн аав, ээж нь одоог хүртэл дэмжиж байгаа ажээ

БАРИМТ 8. М.Нандинцэцэг боксын спортоор 2003 оноос хойш хичээллэж байгаа бөгөөд энэ хугацаанд сүүлийн 12 жилийн турш УАШТ-ийг тасралтгүй тэргүүлсэн.

БАРИМТ 9. Тэрбээр Америкийн боксчин Марлен Эспарзатай 2011 оны Дэлхийн цомд тулалдсан удаатай.

БАРИМТ 10. Тэрбээр голдуу эрэгтэйчүүдтэй бэлтгэл хийдэг.

БАРИМТ 11. Тэр МУБИС-ийг 2010 онд спорт аялал жуулчлалын мэргэжлээр төгссөн. Төгсөөд сургуульдаа хоёр жил ажиллажээ.

БАРИМТ 12. Тэрбээр баруун гараараа бичдэг ч солгой өрөлттэй.

БАРИМТ 13. Тэр өрсөлдөгчөө ихэвчлэн өөр рүүгээ дуудаж тоглодог. Урд гарын хажуу, хойд гарын шулуун цохилттой.

БАРИМТ 14. Түүний ээж цэцэрлэгийн багш. Хүмүүс түүнийг ээжтэйгээ их адилхан гэдэг. Ээж нь залуудаа хөнгөн атлетикаар хичээллэдэг байжээ.Харин түүний аав Үндэсний цэцэрлэгт хүрээлэнд ажилладаг.

БАРИМТ 15. М.Нандинцэцэг нь Монгол Улсын 11 удаагийн аварга бөгөөд Азийн наадмаас хүрэл медаль, дэлхийн цомын мөнгөн медальтай юм.

БАРИМТ 16. Тэр энгийн үед өдөрт 2-3 цагийн бэлтгэл хийдэг. Харин тэмцээнд явах үедээ өдөрт 3-4 удаа бэлтгэл хийдэг. Бэлтгэлийнх нэг давтамж хоёр цаг үргэлжилдэг байна.

БАРИМТ 17. Сонирхогчдын боксын эмэгтэйчүүдийн Дэлхийн аварга шалгаруулах тэмцээн Энэтхэгийн Шинэ Дели хотноо 2018 онд арваннэгдүгээр сарын 15-24-нд явагдаж өнгөрсөн. Тус тэмцээнд тэр Мароккогийн Зохра Захроутай хүрэл медалийн төлөө тулалдаж, 5:0 ялалт байгуулсан юм. Улмаар Болгарын С.Петроватай мөнгөн медалийн төлөө тулалдаж ялагдсан юм.

БАРИМТ 18. Гэвч тэрбээр хүрэл медалийн болзол хангаж, Монголын эмэгтэй боксчдоос дэлхийн медаль хүртсэн анхны боксчин болоод байгаа.

БАРИМТ 19. Энэ нь түүнийг “Бөртэ чоно 2018” наадмын оны шилдгийн шилдэг тамирчин болгож байв.

БАРИМТ 20. Түүний эдгээр амжилтууд Монгол Улсад боксын спорт үүсч хөгжсөний 70 жилийн түүхэн ойд барьсан том бэлэг байлаа.

БАРИМТ 21. Жингээ хасах гэж байгаа залуучуудад бокс хамгийн тохиромжтой учир хичээллээрэй хэмээн уриалдаг.

БАРИМТ 22. Гоо сайханд орж, дэлгүүр хэсэх туйлын дуртай.

БАРИМТ 23. Хүмүүс түүнийг рингэн дээрээс харахад ширүүн харцтай, айхтар харагддаг гэдэг бөгөөд тулж яривал их зөөлөн эмэгтэй гэж дүгнэдэг.

БАРИМТ 24. Олон улсын боксын холбоо эмэгтэй тамирчдын чансааг гаргахад тэрбээр 875 оноогоор гуравдугаарт бичигдэж байв.

Дэлгэрэнгүй ...

24 баримт

Букенхемийн ордон Хатан хаан II Элизабетийн 24 баримт

Нийтэлсэн

2 жил өмнө

2022-09-12

Нийтэлч

24barimt

Букенхемийн ордон Хатан хаан II Элизабетийг таалал төгссөн (2022.09.08) мэдээг зарлалаа.
II Элизабет Хатан хаан бол Нэгдсэн Вант Улс болон Хамтын нөхөрлөлийн бусад 14 хаант
улсын хатан хаан байсан юм. 70 жил Их Британийн хаан ширээнд суусан II Элизабет таалал
төгссөнөөр түүний хүү Чарльз III 74 насандаа хаан болж буй юм.

Хатан хаан II Элизабетийн
талаархи 24 баримтыг хүргэе.

1. II Элизабет бол Их Британийн хамгийн удаан хаан ширээнд суусан хатан хаан. Тэрбээр 70 жил хаан ширээнд суужээ.

2. Түүнийг хаан ширээнд суусан энэ 70 жилийн хугацаанд Их Британид 15 Ерөнхий сайд солигджээ. Түүний засаглал 1874 онд төрсөн Уинстон Черчиллээс эхлээд 1975 онд төрсөн хатагтай Лиз Трасс хүртэл 15 Ерөнхий сайдыг хамарчээ.

3. Хатан хаан Элизабет 1926 оны дөрөвдүгээр сарын 21-нд Лондонгийн Мэйфэйр хотод Йоркийн гүн, гүнгийн авхайн анхны хүүхэд болон мэндэлсэн. Тухайн үед Элизабет Александра Мэри Виндзортыг хаан ширээнд сууна гэж бараг хэн ч таамаглаж байгаагүй юм. Гэсэн ч 1936 онд түүний авга ах Эдвард VIII хаан ширээнээс татгалзсанаар Элизабетийн аав Жорж VI хаан болсон юм. Ингэснээр Лилибет 10 настайдаа хаан ширээг залгамжлагчаар тодров.

4. Лилибет гүнж 21 насандаа 1947 оны арваннэгдүгээр сарын 20-нд Вестминстрийн сүмд Дани, Грекийн хунтайж Филиптэй гэрлэв. Грекийн хунтайж Филипп Эдинбургийн герцог цол хүртжээ. Тэд энэ цагаас хойш 74 жил хамтдаа аз жаргалтайгаар амьдарсан бөгөөд хунтайж Филипп 2021 онд 99 насандаа таалал төгссөн билээ.

5. Хатан хаан Элизабет, хунтайж Филипп нар гурван хүү, нэг охинтой. Ууган хүү Чарльз нь 1948, Анн гүнж 1950, ханхүү Эндрю 1960, хунтайж Эдвард 1964 онд төржээ. Хатан хаан найман ач, 12 гучтай болоод байв. Ханхүү Эндрюг төрүүлснээр хаан ширээнд сууж байхдаа амаржсан анхны хатан болж байв.

6. Хүндээр өвдсөн байсан аав Жорж VI хааныг төлөөлөн Кени улсад айлчлал хийж байсан угсаа залгамжлагч Элизабет Лондонд буцаж ирэхдээ хатан хаан болон ирж байв. Энэ бол 1952 оны зургадугаар сар байлаа. Элизабетийг Кени улсад айлчилж байхад нь хаан таалал төгссөн юм.

7. 1952 оны зургадугаар сарын 2-нд Вестминстрийн сүмд Элизабет II титэм зүүсэн юм. Түүний титэм зүүх ёслолыг үзэхээр 20 сая хүн цугларсан байсан гэдэг. Ийнхүү Элизабетийн хаанчлал 27 насанд нь эхлэв.

8. Хаан төрийг барьж байсан энэ хугацааны онцлох шинэчлэл нь Букенгэмийн ордныг олон нийтэд нээлттэй болгосон нь юм. Хатан хааны гэр бүлийн ховор нандин цуглуулгыг олон нийтэд дэлгэн үзүүлэхээр хамгийн анх 1962 онд Букингэмийн ордон олон нийтийн өмнө үүдээ нээж байв.

9. Хатан хааны хамгийн олон удаа айлчилсан улс нь Канад байв. Хаан ширээнд заларснаасаа хойш дэлхийн 116 оронд очсон тэрбээр Канадад 22 удаа айлчилж байжээ. Тэрбээр мөн жил бүр Эдинбүргт очдог байсан. 1986 онд Хятадад айчлилснаар тус улсад айлчилсан Британийн хамгийн анхны язгууртан болж байв.

10. Түүнийг хаанчлах энэ хугацаанд маш олон улс төрийн болон нийгмийн өөрчлөлтүүд гарсан. Дайны дараах хэмнэлтийн жилүүдээс эхлээд эзэнт гүрнээс хамтын нөхөрлөл рүү шилжих шилжилт, хүйтэн дайны үе, Их Британи Еюропын холбоонд элсч, гарах гээд маш олон өөрчлөлт авчирсан үйл явдлууд II Элизабетийн хаанчлалын үед тохиожээ.

11. Элизабет бол Францын XIV Луигийн араас хамгийн урт насалсан, хамгийн удаан хаан ширээнд суусан Их Британийн хаан бөгөөд дэлхийн түүхэн дэх хамгийн удаан засагласан бүрэн эрхт хоёр дахь хаан байсан юм.

12. Хатан хааны гурван хүүхэд нь гэр бүлээсээ салж, угсаа залгамжлагчийн гэргий байсан гүнж Диана Парист автомашины ослоор өөд болсон зэрэг нь Хатан хааны хувийн амьдралын хамгийн гунигт үе нь байсан гэдэг.

13. Хатан хаан Элизабет гэртээ хувиараа боловсрол эзэмшсэн бөгөөд Дэлхийн II дайны үед туслах нутаг дэвсгэрийн албанд алба хаасан. Армийн эмэгтэйчүүдийн хэсэгт тэрбээр Ерөнхий сайд Уинстон Черчиллийн охинтой хамт элсч байжээ.

14. Хатан хаан II Элизабет жолоо барих маш дуртай байсан. Дэлхийн II дайны сүүлийн хэдэн саруудад эмэгтэйчүүдийн цэргийн ангид элсэж, механикч-жолооч чиглэлээр бэлтгэгдэж, дэслэгч цол хүртэж байв. Мэдээж хэрэг хатан хаанд хувийн жолооч байдаг ч, тэрээр амралтын өдрүүдээр өөрөө жолоо барих дуртай байв.

15. Хатны титэм XV зуунаас хойш янз бүрийн хэлбэртэй байсан. Одоогийн хувилбарыг 1937 онд бүтээсэн.

16. Хатан хаан II Элизабет бол Их Британи улсын нутаг дэвсгэр дээр жолооны үнэмлэхгүйгээр жолоо барих эрхтэй цорын ганц хүн байсан юм. Тэрбээр бүх машиндаа улсын дугаар хадахгүйгээр явах эрхтэй байсан юм.

17. Хатан хаан Элизабет хаан байх хугацаандаа 3.5 сая гаруй захидал хүлээн авчээ. Харин 1976 онд хамгийн анх и-майл бичиж байсан бөгөөд Хатан хааны анхны и-майлыг Британийн армийн цэргүүд хүлээн авч байсан байна.

18. Тэрбээр 2010 онд “Британийн хаант засаглал” гэсэн нэртэй Фэйсбүүк хуудас нээж байжээ. Мөн тэрбээр ордны ажилтнуудын удирддаг @theroyalfamily хаягаар твиттер, инстаграмаа хөтөлдөг байжээ.

19. Хатан хааны эзэмшилд 88 хун багтдаг. Хатан хааны эрхэмсэг хунгууд Темза голд тусгай хамгаалагчийн халамж асаргаанд нутаглаж байдаг. Тэднээс гадна Их Британийн бүх гол мөрөнд байх халим, дельфин, аварга загаснууд хатан хааны эзэмшилд багтдаг юм. 1324 онд II Эдвард хаан улсынхаа нутаг дэвсгэрт байх бүх гол мөрний халим, аварга загасуудыг хааны мэдлийнх гэж тунхагласан нь өнөө хүртэл хүчин төгөлдөр үйлчилж байгаа аж.

20. Хатан хаан 200 орчим уралдааны тагтаатай байсан. Лилибет гүнж дүү Маргарет гүнжийн хамт тагтаа барьсан зураг ч бий.

21. Тэрбээр дөрвөн настайгаасаа морь унах дуртай болжээ. Тухайлбал, түүний анхны одой морь болох Пегги хэмээх Шетланд морийг дөрвөн настайд нь өвөө V Жорж хаан бэлэглэж байв. Хатан хаан адуу тэжээдэг бөгөөд улирал бүр 25 орчим морьдыг хааны уяанд сургадаг байв.

22. Хатан хаанд үнэт эдлэлийн арвин баялаг цуглуулга бий. Үнэт эдлэлийнх дийлэнх нь гоёмсог титмүүд бөгөөд заримыг нь үе уламжлан өвлөн авсан бол зарим нь бэлгэнд иржээ. Тухайлбал, дэлхийн хамгийн том ягаан алмааз бүхий титэм болон Австралийн нэгэн зүйл модны навчийг дүрсэлсэн асар үнэтэй энгэрийн зүүлтийг тус улсын Засгийн газраас түүнд бэлэглэж байсан юм.

23. Хатан хаан II Элизабеттай нэгэн цаг үед амьдарч буй эзэн хаадаас 60 гаруй жил төр барьж, очир эрдэнийн ой тэмдэглэсэн гурван л хүн байв. Тэд бол Тайландын эзэн хаан Бумибол Адулядж, Малайзын Жохор мужийн Султан, Японы эзэн хаан Хирохито байсан юм.

24. Их Британийн Хатан хаан II Элизабет 70 жил хаан ширээнд суусны эцэст 96 насандаа Шотландын Балморалд эдлэн газартаа 2022 оны есдүгээр сарын 8-нд таалал төгслөө.

Дэлгэрэнгүй ...

24 баримт

ӨНӨӨДРИЙН ОНЦЛОХ 24 БАРИМТ ЖҮДО БӨХИЙН АЗИ ТИВИЙН АВАРГА Ё.БАСХҮҮ

Нийтэлсэн

2 жил өмнө

2022-08-29

Нийтэлч

24barimt

Жүдо бөхийн Азийн аварга шалгаруулах тэмцээн Казахстан улсын Нур-Султан хотноо
үргэлжилж байна. Энэхүү тэмцээнд 17 улсын 168 шилдэг тамирчид өрсөлдөж байгаа бөгөөд
Монгол Улсаа төлөөлөн олимпын хүрэл медальт Ц.Цогтбаатар, Ё.Басхүү, Б.Хорлоодой
тэргүүтэй 18 бөх оролцож буй. Эрэгтэйчүүдийн -66 кг жинд өрсөлдсөн Ё.Басхүү алтан
медалийн төлөө Японы Рёома Танакаг ялж Азийн аварга цолны эзэн боллоо.

БАРИМТ 1. Ё.Басхүү нь 1993 оны аравдугаар сарын 1-ны өдөр Завхан аймгийн Нөмрөг суманд төржээ.
БАРИМТ 2. Энэ жил 29 нас хүр яваа тэрбээр үндэсний шигшээ баг, “Хилчин” спорт хорооны харьяат тамирчин юм.
БАРИМТ 3. Түүний биеийн өндөр 175 см, 66 кг жинтэй. 66 кг-ийн жинд барилддаг.
БАРИМТ 4. Ё.Басхүү 2019 онд Токиод болсон дэлхийн аварга шалгаруулах тэмцээнд анх удаа оролцож тавдугаар байр эзэлж байсан.
БАРИМТ 5. Түүний дараа 2021 оны Будапештийн дэлхийн аварга шалгаруулах тэмцээнээс хүрэл медаль хүртжээ.
БАРИМТ 6. Тус тэмцээн дээр хүрэл медалийн төлөөх барилдаанд Казахстаны бөх Елдос Жумакановтой учраа таарсан хэдий ч гэмтлийн улмаас дэвжээнд гараагүй байна.
БАРИМТ 7. Ё.Басхүү, Елдос Жумаканов хоёр нь өмнө нь хоёр удаа дэвжээнд таарч байсан бөгөөд Ё.Басхүү хоёр удаа давж байжээ.
БАРИМТ 8. Тэрбээр хэвлэлд өгсөн ярилцлагадаа “2019 оны дэлхийн аваргад эхнээсээ хүндхэн барилдаануудыг хийсэн. Дэлхийн аваргын бэлтгэл дээр эхний 20 бөхийн барилдааны бичлэгийг үзсэн ч яагаад ч юм Молдавын бөхийн бичлэгийг үзмээргүй санагдаад байсан. Гэтэл нөгөөх чинь надад нэг мэх бэлдсэн байж. Намайг лав барингуут шахаж татаад унагачихсан. Маш их харамссан, уйлмаар байсан. Дэлхийн дэвжээнээс медаль хүртэхийн төлөө хоёр жил уйгагүй бэлдсэний хүчинд санасандаа хүрсэн дээ” хэмээжээ.
БАРИМТ 9. Харин Токио 2020 олимпын наадмын шөвгийн наймд Ё.Басхүү, Японы Хифүми Абэтэй таарч вазари үнэлгээгээр ялагдсан.
БАРИМТ 10. Тэрбээр энэ талаараа “Хифүми Абэтэй хоёрдугаарт таарахдаа төлөвлөсөн барилдаанаа хийж чадаагүй. Үндсэн цагт оноо алдахгүй байгаад нэмэлт цагт явъя гэсэн бодолтой гарсан маань буруудсан ч байж магадгүй. Эхнээсээ л явдгаараа яваад барилдсан бол яах ч байсан юм билээ. Абэ аваргатай өмнө нь 2018 оны Осакагийн Гранд Слам, 2019 оны дэлхийн аваргад таарч хожигдож байсан. Хоёр хожигдлоо, хожлоо тайлъя гэж бодсон ч чадаагүй” хэмээн ярьсан.
БАРИМТ 11. Дэлхийн аваргын хүрэл медальт, Ази тивийн аварга Ё.Басхүү дотоодын улсын аварга шалгаруулах тэмцээнээс аварга авч үзээгүй гэнэ.
БАРИМТ 12. Улсын аварга шалгаруулах тэмцээнд дөрвөн удаа оролцсон ч 2018, 2019 онуудад хүрэл медаль хүртэж байжээ.
БАРИМТ 13. 2020 онд ОХУ-ын Екатеринбург хотод зохион байгуулагдсан “Их дуулга” тэмцээний 73 кг-ийн барилдаанд оролцоод шагналт долоодугаар байранд орсон.
БАРИМТ 14. Энэ тэмцээн түүний хувьд хамгийн дурсамжтай, урам өгсөн ялалт байсан тухай нэгэн ярилцлагадаа дурдсан байдаг.
БАРИМТ 15. Учир нь 66 кг-ийн жинд Д.Төмөрхүлэг, Д.Алтансүх нар барилдахаар болж Ё.Басхүүг 73 кг-ийн жинд барилдуулахаар болжээ. Шалгуулах гэтэл цагаан кимоногүй хэмээн бүртгэхээс татгалзсан тул Х.Цагаанбаатар уулзаад “Энэ 66 кг-д барилддаг хүүхэд. Хаашдаа 73 кг-д шалихгүй байх, бүртгээд авчхаач” гэж гуйгаад зөвшөөрүүлж байжээ.
БАРИМТ 16. Түүний жүдогийн анхны багш нь Завхан аймгийн Нөмрөг сумын харьяат, аймгийн заан Г.Батцэрэн бол хотод ирж “Аврагч” спорт хорооны Ц.Шийрэв багш дээр иржээ. Харин одоо үндэсний шигшээ багт ахлах дасгалжуулагч Х.Болдбаатар тэргүүтэй багш нарын бэлтгэл дор удирдуулж байна.
БАРИМТ 17. Харин түүнийг жүдо бөхөөр хичээллэхэд хамгийн их нөлөөлсөн хүн нь улсын гарьд М.Баяржавхлан. М.Баяржавхлан нь түүний өвөөгийн талын ойрын хамаатан юм.
БАРИМТ 18. Ё.Басхүү дээрээ нэг төрсөн ахтай. Түүний ах Ё.Улсболд нь Завхан аймгийн начин цолтой.
БАРИМТ 19. Тэрбээр бага наснаасаа эхэлж барилдаж эхэлжээ. “Найзууд, дүү нартайгаа орой, шөнө байсан ч сарны гэрэлд ч хамаагүй барилддаг байсан. Г.Батцэрэн багш маань хивс дэвсэж байгаад барилдуулдаг байсан” гэв.
БАРИМТ 20. Жүдо бөхөөс гадна үндэсний бөх, самбо, кураш бөхөөр барилддаг. Завхан аймагтаа дөрвөн сумын нэгдсэн барилдаанд зодоглож түрүүлж байсан.
БАРИМТ 21. Хамгийн анхны тэмцээн нь самбо бөхийн залуучуудын улсын аварга шалгаруулах тэмцээний 62 кг-д барилдаж хүрэл медаль хүртэж байсан бол жүдо бөхөөр “Шонхор кап” тэмцээнд оролцож түрүүлж байжээ.
БАРИМТ 22. Ардын хувьсгалын түүхт 100,101 жилийн ойн хүчит бөхийн барилдаанд зодоглож нэгийн даваанд улсын заан Н.Жаргалбаяртай учраа таарч өвдөг шороодсон.
БАРИМТ 23. Хүүхэд байхдаа хурдан моринд хайртай, морь унах дуртай байв.
БАРИМТ 24. Эдгээр өдрүүдэд Казахстан улсын Нур-Султан хотноо зохион байгуулагдаж байгаа Ази тивийн аварга шалгаруулах тэмцээнд манай улсаас 18 жүдоч оролцсоноос -66 кг жинд Японы Риома Танакаг ялж Ё.Басхүү алтан медаль хүртсэн.

Дэлгэрэнгүй ...

24barimt.mn

УИХ-ЫН ГИШҮҮН ГОМПИЛДООГИЙН МӨНХЦЭЦЭГИЙН ОНЦЛОХ 24 БАРИМТ

24 баримт

ГАВЬЯАТ БОКСЧИН М.НАНДИНЦЭЦЭГИЙН ТУХАЙ 24 БАРИМТ

24 баримт

Букенхемийн ордон Хатан хаан II Элизабетийн 24 баримт

24 баримт

ӨНӨӨДРИЙН ОНЦЛОХ 24 БАРИМТ ЖҮДО БӨХИЙН АЗИ ТИВИЙН АВАРГА Ё.БАСХҮҮ

О.Алтангэрэл: Шаардлага хангасан дээд боловсролтой залуус хоёр жилийн хөтөлбөрт хамрагдаж офицер болох боломжтой

“Мэргэжлийн ангийн дүрэм”-ийг баталж, захиргааны хэм хэмжээний актад бүртгүүллээ

Дата, өгөгдлийн бие даасан байдлыг бүрдүүлнэ

Их, дээд сургуулиудын академик эрх чөлөөг хангаж, өмчийн хэлбэр харгалзалгүйгээр дэмжин ажиллана

Хөвсгөл аймгийн Ханх суманд газар хөдөллөө

Канад улсын баруун бүс нутгийн Саскачеван, Манитоба мужид 30 см зузаан цас оржээ

Сумын цолтон залуу бөхчүүдийн барилдааны цахим бүртгэл эхэллээ

Хог шатсан дуудлага нэмэгдэх хандлагатай байна

Сонгинохайрхан дүүргийн 75 өрхийн цахилгааны монтажийг шинэчиллээ

Тэмбүүгийн өвчлөл 154 тохиолдлоор өсжээ

Мал аж ахуйн салбарын нэмүү өртөг, хүртээмжтэй хөгжлийг дэмжих санамж бичиг байгууллаа

Нийслэлийн хэмжээнд хүүхдийн амбулаториуд уртасгасан цагаар ажиллаж байна

“Эрүүдэн шүүлт тулгах, хүнлэг бус, хэрцгий хандахаас ангид байх хүний эрхийн хэрэгжилт”-ийн талаарх хяналтын сонсгол боллоо

Ж.Баясгалан: Өндөр настнууд, хөгжлийн бэрхшээлтэй иргэд халамж авахаасаа илүү боломж олдвол хөдөлмөрлөхийг хүсдэг

“Эрдэнэс Монгол” нэгдэлд хэрэгжих дараагийн реформыг дэмжлээ

Монгол Улсын Ерөнхийлөгч 2025 оны Төсвийн тухай хуульд бүхэлд нь хориг тавилаа

Нийгмийн даатгалын үндэсний зөвлөлийн дүрмийг шинэчлэн баталлаа

Төрийн албаны ерөнхий шалгалт эхэллээ

Аялал жуулчлалыг хөгжүүлэх үндэсний хорооны ээлжит хуралдаан болов

Орц, гарц хааж, дулааны шугамыг эвдсэн барилгын компанийн үйл ажиллагааг түр зогсоолоо

“Эрүүдэн шүүхийн эсрэг конвенц”-ыг хэрэгжүүлэхэд чиглэсэн ажлуудыг үнэлэх хэлэлцүүлэг боллоо

Иргэдийн гомдлыг хиймэл оюунд суурилсан технологиор шийдвэрлэнэ

Хүний эрх, эрх чөлөөг хамгаалахтай холбоотой хяналтын сонсгол өнөөдөр болно

ТББХ: “Үндсэн хуулиа дээдлэн залах тухай” УИХ-ын тогтоолын төслийг батлахыг дэмжлээ

Улаанбаатарын анхны дагуул хот Шинэ Зуунмодыг бүтээн байгуулна

Автомашины гаалийн мэдүүлгийг хүлээн авагчид зориулж цаасаар хэвлэх ажлыг зогсоож, цахимд шилжүүлнэ

“Монгол өв уламжлал, ёс заншлын өргөө” 100 ортой гэр цэцэрлэг ашиглалтад ороход бэлэн боллоо

Амьдралд тэмүүлсэн 25 бяцхан зүрх

С.Мөнхзул Дэлхийн аварга боллоо

АТГ: Гэмт хэргийн шинжтэй 43 өргөдөл, гомдлыг хүлээн авав

“MCS” хэмээх эзэнт гүрний эцэг болсон Ж.Оджаргалын 24 баримт

“Гоо брэнд”-ийн онцлох 24

ХӨГШРӨЛТИЙН ЭСРЭГ ХАМГИЙН ҮР ДҮНТЭЙ ТАРИЛГА ЭМЧИЛГЭЭ БОЛ SMART PRP

М.Энхболдын улс төрд сойсон тод од

Хагасайн өдөр буюу бямба гаригт Улаанбаатарт бороо орно

Р.Батжаргал: Анхны жил 23-хан сая төгрөг өгч, нүүр улайлгаж байлаа. Одоо гуйхаа ч больсон

ЭТТ ХК: Нэг сая орчим иргэний 1072 хувьцааны ногдол ашгийг шилжүүлээд байна

Д.Пүрэвдорж: Чингис шүлэг

М.Энхболд албан тушаалаасаа огцрохоор болжээ

Харбины мөсөн баримлын тэмцээнд Монголын баг түрүүлжээ

Нүцгэн төрхөө дэлгэцнээ мөнхөлсөн Б.Батмаагийн гэрэл зургаас

Тэргүүн хатагтай Баттулга асан Анжелика

Гэрлийн хурдаар хөрөнгөжсөн Ж.Мөнхбатын дараагийн нууц байшин

Дуучин А.Түмэн-Өлзий нөхрөөсөө салж, ганц бие болсноо зарлалаа

Дуучин А.Хишигдалай /24 Фото/

С.Эрдэнэ ерөнхий сайд болно…

Хятад муур, нохой, сарьсан багваахай зардаг захуудаа нээж эхэллээ

Бодь группийн Л.Болдхуяг, Богд банкны гүйцэтгэх захирал Г.Саруул нарын офшор данс ил боллоо

Ж.Батзандан амаа барив

Жүжигчин Цэрэнболд: “Нэр алдарт хүрлээ гээд эхнэрээ солидог, голдог эр хүн би биш

Сахал Бат-Эрдэнэ Дамбын Хишгээд базуулжээ

Э. Бат-Үүл, М.Сономпил нарын хэрэг шүүхэд шилжжээ

У.Хүрэлсүх дөрвөн гишүүнд УИХ-ын дарга болох санал тавьжээ

Говь-Алтай аймгийн ИТХ-ын даргын суудлыг булаасан Л.Батжаргал ял сонсох бололтой

Өнөөдрийн халуухан зургууд… 18+

Ус, дулааны төлбөр дээр хууль бус төлбөр нэмдэг байсныг илрүүлжээ

Засгийн газрын 182 дугаар тогтоолтой холбогдуулан Нийслэлд мөрдөгдөх Хан-Уул дүүргийн Газрын үнэлгээний бүсийн хил хязгаарын санал авч байна

Өвгөн партизаны ач хүүд цулбуураа атгуулсан алтайчууд

Б.Чойжилсүрэн гишүүн хувийн бизнестээ 19 тэрбум төгрөг завшсан уу?

Маргааш “АЛУНГОО-2018” цомын эздийг өргөмжилнө

“Улаанбаатар хот-Духуа инженеринг дэд бүтцийн хөгжлийн форум” эхэллээ

Багануур дүүрэгт 50 мВт хүчин чадалтай Батарей хураагуурын станц барих ажлыг эхлүүллээ

Уяанаасаа алдуурсан нохой 7-8 насны 2 хүүхдийг хазаж гэмтээсэн байна

74 ширхэг түүх соёлын болон бурхан шашны эд өлгийн зүйл хулгайлсныг илрүүллээ

Нэр дэвшигчдийн бүртгэл, сонгууль зохион байгуулалтын талаар Сонгуулийн ерөнхий хорооноос мэдээлэл хийлээ

Монголбанкнаас Мөнгөний бодлогын шийдвэрийг танилцуулж байна

Гал түймрийн аюулаас сэрэмжлэхийг онцгойлон анхаарууллаа

Даатгалын тухай хуулийн төслийг шинэчилж, осол гамшгийн үед төсвийн мөнгөөр хохирол барагдуулдаг байдлыг багасгана

Хөгжлийн банкны “Самурай” бондын өрийг хугацаанд нь төлж барагдуулахтай холбоотой өрийн дэвтэрт гарын үсэг зурж байна

Томуу, томуу төст өвчний нөхцөл байдал, эмнэлгийн тусламж үйлчилгээнд тулгарч буй асуудлын талаар

Томуу, томуу төст өвчний нөхцөл байдлыг танилцуулж байна

Нийслэлийн нийтийн тээвэрт хийсэн парк шинэчлэл, худалдан авалтуудын материалыг АТГ-т шалгуулна