Эдийн засаг

ЗЭСИЙН ЗАХ ЗЭЭЛИЙН ГОЛ ТОГЛОГЧ ЧИЛИ ХИЛЭЭ ХААЖ, ХАНШ ӨСЛӨӨ

Нийтэлсэн

4 жил өмнө

2021-04-06

Нийтэлч

Ковид-19 цар тахлын тохиолдол нэмэгдсэнтэй холбоотойгоор Чили улс хилээ хаах шийдвэр гаргасан нь, зэсийн нийлүүлэлт буурах нь гэсэн мессежийг хөрөнгө оруулагчдад өгч, фьючерс ханш өсөхөд нөлөөллөө. Нью-Йоркийн “Комекс” бирж дээр нэг тонн зэсийн фьючерс үнэ 9125 ам.долларт хүрснийг Mining.com мэдээллээ.

Дэлхийн зэсийн зах зээлийн гол нийлүүлэгч Чили улсад ковидын тархалт нэмэгдэж, хүн амынх нь 11 хувь уг вирусээр өвчлөөд буй учраас сарын хугацаанд хилийн хязгаарлалт хийхээр болоод байна.

Чили улсын зэсийн нийлүүлэлт саарснаар бусад экспортлогчдод нийлүүлэлтээ нэмэгдүүлэх боломж гарна гэсэн хүлээлт үүсэж байгаа юм.

Манай улсын тухайд 2021 он гарснаас хойш гуравдугаар сарын 26-ны өдрийг хүртэлх байдлаар зэсийн экспорт 3.8 хувийн өсөлттэй байгаа. Хоёрдугаар сарын 14-ний байдлаар 9.8 хувийн өсөлттэй байсан. Сүүлийн арав гаруй хоногийн хугацаанд коронавирусний нөлөөллөөр БНХАУ манайхаас зэс, нүүрсний тээвэр хүлээж авахгүй байгаа нь дараа дараагийн үзүүлэлтүүдийг унагах магадлалтай байна.

2021.01.01-2021.03.26 ХҮРТЭЛХ ҮЗҮҮЛЭЛТ

Сануулахад, нэг тонн зэсийн үнэ нэгдүгээр сард дунджаар 7972 ам.доллар байсан бол хоёрдугаар сард дунджаар 8436 хүрч өссөн. Улаан металлын ханшийн өсөлтөд Хятадын эдийн засаг, үйлдвэрлэлийн сэргэлт үргэлжилж, АНУ-ын Засгийн газраас эдийн засгаа дэмжих 1.9 их наяд ам.долларын нэмэлт төсөв батлагдсан нь нөлөөлж байгаа. Дэлхийн улс орнуудад цар тахлын вакцинжуулалт үргэлжилж эдийн засаг сэргэж байгаа нь зах зээлд оролцогчдын итгэлд эерэгээр нөлөөлж үнэ өсөх шалтгаан болж буйг шинжээчид онцолж байсан.

Мөн Перу, Чили гэсэн зэсийн зах зээлийн гол тоглогчид ковидын нөлөөлөлд байгаа нь энэ онд нийлүүлэлтийн хомсдол үүсэх эрсдэлийг хадгалж, зэсийн үнийн өсөлтийг дэмжих суурь шалтгаануудын нэг болж байсан. Тэгвэл Чили ийнхүү нийлүүлэлтээ хумихаар болж байна.

Сэдвүүд:онцлох

Дэлгэрэнгүй ...

Эдийн засаг

“Moody’s” агентлаг Монгол Улсын зээлжих зэрэглэлийг ”В2,тогтвортой” хэмээн үнэллээ

Нийтэлсэн

6 өдөр өмнө

2024-11-19

Нийтэлч

24barimt

Олон улсын зээлжих зэрэглэл тогтоогч “Moody’s” агентлаг өнөөдөр Монгол Улсын зээлжих зэрэглэлийг 9 жилийн дараа ”В2, тогтвортой” болж сайжирсныг зарлалаа.

Өмнөх сард олон улсын зээлжих зэрэглэл тогтоогч “Fitch” агентлаг Монгол Улсын зээлжих зэрэглэлийг “В+тогтвортой”, “S&P” агентлаг “В+эерэг” гэж үнэлснээ дараалан зарлаж байсан юм.

Харин “Moody’s” агентлаг Монголын Улсын зээлжих зэрэглэлийн үнэлгээ “B2, Тогтвортой” болж сайжрахад дараах хүчин зүйлс нөлөөлснийг онцолжээ.

Ингэхдээ Засгийн газрын өрийн дарамтыг сүүлийн жилүүдэд тогтвортойгоор бууруулсан, Өрийн зохистой удирдлага, төсвийн сахилга батын үр дүнд Засгийн газрын ирэх жилүүдийн дахин санхүүжилтийн эрсдэл буурсан, Эдийн засаг тогтвортойгоор өсөж, ДНБ-ий хэмжээ болон түүний бодит өсөлт нэмэгдсэн хэмээн тайланд дурдсан байна.

Манай улсын хувьд өнгөрсөн хугацаанд дэлхий нийтийг хамарсан цар тахал, геополитикийн зэвсэгт мөргөлдөөний сорилттой он жилүүдэд Засгийн газраас авч хэрэгжүүлсэн санхүү, төсвийн сахилга бат, өрийн удирдлагын оновчтой бодлогын үр дүнд зээлжих зэрэглэлийг бууруулахгүйгээр тогтвортой хадгалсан учраас олон улсын нэр хүнд бүхий 3 агентлагийн үнэлгээг ийнхүү авч чадлаа.

Зээлжих зэрэглэл нь тухайн улсын төр, хувийн хэвшил, банк санхүүгийн байгууллагын гадаадын хөрөнгө оруулалт татах, хөрөнгө оруулалтын зардлыг бууруулахад нөлөөлдөг тул эдийн засгийн хөгжлөө дэмжих, тогтвортой өсөлтийг бий болгоход чухал ач холбогдол өндөр үзүүлэлт юм.

Мөн Засгийн газрын гадаад бондуудын үнэ цэнэ нэмэгдэх төдийгүй бусад арилжааны банкууд, хувийн хэвшлийн компанийн зээлжих зэрэглэл дагаж сайжрах нөхцөл бүрдэж байгаа юм гэж Монгол Улсын Сангийн яамнаас мэдээллээ.

Дэлгэрэнгүй ...

Эдийн засаг

“Эрдэнэс Тавантолгой” ХК дотоодын зах зээлд гаргасан бондын төлбөрөө бүрэн төлж барагдуулжээ

Нийтэлсэн

2 долоо хоног өмнө

2024-11-12

Нийтэлч

24barimt

“Эрдэнэс Тавантолгой” ХК хэрэгжүүлж буй төсөл, хөтөлбөрүүдийг санхүүжүүлэх зорилгоор 2021-2022 онд дотоодын зах зээлд төгрөгийн болон ам.долларын “ЭТТ-БОНД”-ыг нээлттэй гаргасан. Тодруулбал, төгрөгийн 6.2 сая ширхэг бонд арилжиж 620.0 тэрбум төгрөг, ам.долларын 0.6 сая ширхэг бонд арилжиж 64.2 сая ам.долларын хөрөнгө оруулалт тус тус татан төвлөрүүлсэн.

Татан төвлөрүүлсэн төгрөг болон ам.долларын “ЭТТ-бонд”-ын үндсэн төлбөр болох 802.8 тэрбум төгрөгийг 177.7 тэрбум төгрөгийн хүүгийн хамт нийт 980.4 тэрбум төгрөгийг өөрийн эх үүсвэрээр хугацаанд нь буюу 2024 онд бүрэн төлж барагдууллаа.

Нийт төлсөн бондын төлбөр болох 980.4 тэрбум төгрөгийг эргэн төлөх хуваарийн дагуу 15.6 тэрбум төгрөгийг 2021 онд, 74.7 тэрбум төгрөгийг 2022 онд, 552.6 тэрбум төгрөгийг 2023 онд, 337.6 тэрбум төгрөгийг 2024 онд тус тус төлсөн байна.

Ингэснээр “Эрдэнэс Тавантолгой” ХК дотоодын зах зээлд төсөл хөтөлбөр санхүүжүүлэхээр гаргасан ЭТТ-бондын төлбөрийг хүүгийн хамт хугацаанд нь өөрийн эх үүсвэрээр бүрэн төлж барагдуулан бондын өр, төлбөргүй боллоо.

Дэлгэрэнгүй ...

Эдийн засаг

Монголбанк: Аравдугаар сард 1.9 тонн үнэт металл худалдан авлаа

Нийтэлсэн

3 долоо хоног өмнө

2024-11-06

Нийтэлч

24barimt

Монголбанк 2024 оны 10 дугаар сард 1,902.5 кг үнэт металл худалдан авч, оны эхнээс өссөн дүнгээр 14.1 тонн үнэт металл худалдан аваад байна. Энэ нь өмнөх оны мөн үетэй харьцуулбал 0.6 хувиар буурсан үзүүлэлт байна.
Оны эхнээс өссөн дүнгээр Дархан-Уул аймаг дахь Монголбанкны хэлтэс 670.9 кг, Баянхонгор аймаг дахь Монголбанкны хэлтэс 1,085.7 кг үнэт металл тус тус худалдан авсан байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 10 дугаар сард алт худалдаж авах дундаж үнэ 292,856.04 төгрөг байв.