24 баримт

Гишүүн хэмээх сахиусан тэнгэртэй Ж.Сандагсүрэн

Нийтэлсэн

5 жил өмнө

2019-12-06

Нийтэлч

Admin

Сонгинохайрхан, нийслэлийн бусад дүүргээс хамгийн их улстөрждөг дүүрэг гэдгийг хэн бүхэн андахгүй. Улс төрийн ямар хүчин засаглана унасан намынх нь иргэд хүний тооноос “хасагдана” гэсэн батлагдаагүй хууль үйлчилдэг дүүрэг гэнэ лээ. Үнэн байхыг үгүйсгэхгүй. Ж.Сандагсүрэн дүүргийн Засаг даргаар томилогдсон даруйд АН-ын гэх тодотголтой албан тушаалтнуудад цэвэрлэгээ хийсэн юм байх. Багаа бүрдүүлэх нь түүний эрх юм хойно яалтай билээ.

Засаг ноён Ж.Сандагсүрэнгийн 24 баримтыг хүргэж байна.

Баримт 1.

Сонгинохайрхан дүүргийн ИТХ-ын 2016 оны долдугаар сарын 04-ний өдрийн тогтоолоор дүүргийн Засаг даргаар Ж.Сандагсүрэнг томилох шийдвэр гаргаж, Нийслэлийн Засаг даргад уламжилсан бөгөөд түүнийг Нийслэлийн Засаг дарга С.Батболд батламжлан 2016 оны наймдугаар сарын 04-ний Б/144 дугаар захирамжаар тус дүүргийн даргаар томилсон байна. Ийнхүү дүүргийн иргэдээс өөр хэн ч үл таних залуу Улаанбаатар хотын газар нутгийн 25 хувь, Монгол Улсын хүн амын арван хувь нь амьдран суудаг томоохон дүүргийн хувь заяаны чулбуурыг атгасан түүхтэй.

Баримт 2.

Улаанбаатар хотын уугуул бөгөөд1978 онд төрсөн. Ж.Сандагсүрэн нь 1986-1996 онд Ерөнхий боловсролын 73-р сургуулийг, МУИС-ийн ХҮДС-ийг 1997-2001 онд Математикч-Эдийн засагч мэргэжлээр, СЭЗДС-ийг 2003-2005 онд Бизнесийн удирдлагын Магистр зэрэгтэйгээр тус тус суралцан төгссөн нэгэн.

Баримт 3.

Түүний намтар маш нимгэн. Олон салбар дамжин өгсч уруудаж харайлгаагүй. Шууд л улс төр сонирхож, тэр жимээр өгсөхийг эрэлхийлсэн гэмээр. Үүнийг нь ажил эрхэлсэн байдал нь хэлээд өгсөн. Ж.Сандагсүрэн 2001-2004 онд СХД-ийн ИТХ-ын Ажлын албаны дарга, 2005-2013 онд “Очир-Удраа” группийн газрын захирал, 2012-2016 онд дүүргийн ИТХ-ын тэргүүлэгч, төлөөлөгчөөр ажилласан. ИТХ-д байхдаа буюу 2013-2016 онд УИХ-ын Тамгын газар, гишүүний зөвлөхөөр ажиллаж байсан. Ингээд л болоо. Гэхдээ СХД-ээр “дагнасан”нөхөр байгаа биз.

Баримт 4.

Өдгөө эхнэр, хоёр хүүхдийн хамт амьдардаг гэж намтартаа бичжээ.

Баримт 5.

Тэрбээр УИХ-ын гишүүн Д.Сумъяабазарын зөвлөхөөр ажиллаж байсан юм. Тиймээс Д.Сумъяабазарын баруун суганд хавчуулагдсан баагий хэмээгдэх нь бий. Жаахан егөөдөх аваас Нийслэлийн МАН-ын дарга, Уул уурхайн сайд Д.Сумъяабазар хэмээх эрхэм Засаг ноёны хувьд сахиусан тэнгэр нь юм байх.

Баримт 6.

Ж.Сандагсүрэн улс төрд төдийгүй монгол түмэнд нэртэй зүстэй хүнд үнэнч зүтгэсний буянд дүүргийн засаг ноёны зөөлөн сэнтийд өрсөлдөгчгүйгээр залрах эрхийг өөрөөрөө олж авсан гэнэ лээ. УИХ, Засгийн газрын гишүүний түүний төлөө хийсэн лобби маш хүчтэй байсан талаар тухайн үед хэвлэлүүд шуугиж байлаа. Нийслэлийн Засаг дарга бөгөөд Улаанбаатар хотын захирагч С.Батболд ч ямар нэгэн саадгүйгээр ногоон гэрлээр батламжилсан.

Баримт 7.

Одоо тэр хоёр хүний арыг дааж, итгэлийг нь хүлээн бууриа сахиж үлдсэн, шатраар бол цодгор хүү. Түүнийг гурван тэнгэртэй засаг ноён гэж хэлж ч болно. Сумъяабазараас гадна Х.Нямбаатар гэх эрхэм буй.

Баримт 8.

Ж.Сандагсүрэн өмнөх дөрвөн жилд СХД-ийн ИТХ-ын төлөөлөгчөөр ажиллаж байсныг дээр дурдсан. Тэр үедээ байгаа байхгүй нь мэдэгдэггүй, тэрүүхэндээ инээмсэглэл тодруулаад сууж байдаг залуу байсан талаар нэгэн цагт тохой залган ИТХ-д сууж байсан нөхөд нь өгүүлсэн.

Баримт 9.

Сонгинохайрхан бол нийслэлийн бусад дүүргээс хамгийн их улстөрждөг дүүрэг. Ийм дүүргийг удирдан чиглүүлж, авч явна гэдэг амаргүй байгаа байж мэдэх юм. Дээр нь улс төрийн тогтворгүй нөхцөл ямар нэг байдлаар нөлөөлөхийг үгүйсгэх аргагүй.

Баримт 10.

Улаанбаатар хотын өнгө төрхөд нөлөөлөхүйц бүтээн байгуулалт СХД-т шинээр сүндэрлэсэн боссон эсэхийг нийслэлийн иргэд олж хараагүй гэлцэв.Гэр хорооллын иргэдийг орон сууцжуулах асуудалд онцгой анхаарч “Содон”хорооллыг үргэлжлүүлэн сүндэрлүүлж байгаа л гэх байх даа. Мөн цагдаагийн хэлтсийнхээ дэргэдэх Эрүүлжүүлэх газраа шинэ байранд оруулсан гэж мэдэх юм. Үнэн хэрэгтээ, ЦЕГ-ын санхүүжилтээр эрүүлжүүлэх газар нь шинэ байранд орсныг ЦЕГ-ын санхүү албаны тайлангаас харж болно. Содон хорооллын тухайд АН-ын гишүүн, ТЭСО корпорацийн захирал О.Цогтгэрэлийн марктингийн зөөлөн бодлогын үр дүн юм билээ.

Баримт 11.

Засаг даргын зөөлөн сэнтийд заларсныхаа дараагаар утаа гэж хэсэг яриад таг болсон. Хүч чадал нь хүрэхгүй гэдгээ мэдрээд дуугүй болов уу эсвэл утаандаа угаартаад тархи толгой, уушиг нь өвчлөөд чимээгүй болсон уу, бүү мэд. Ямартай ч 2018-ны өвөл утаа гэж ганц үг амнаасаа унагаагүй, телевизийн дэлгэцээр ч харагдаагүй.

Баримт 12.

Тэрбээр “Хүүхдээ утаант хордуулахгүй байя гэвэл машины яндангаас дээш, тэвэрч явбал зохилтой” гэх алдарт зөвлөгөөг өгснөөр нийслэлийн иргэдэд танил болсон. Дээрх мэдээлэл үнэн, бодит эсэхийг нь сонирхсон жиргээчдэд тэрбээр твитр хуудсаараа дамжуулан “Би ингэж хэлээгүй. Зурагт үз” хэмээн бичсэн байдаг.

Баримт 13.

Зөөлөн сэнтий, эрх мэдлийг илэрхийлэгч тамга атгасан Ж.Сандагсүрэн гэдэг хүн ажлаа авснаасаа хойш ямар ажил санаачилж, үр дүн нь ямар байгаа талаар мэдэх хүн цөөн гэдгийг зарим эх сурвалж хэлж байгаа. Уг нь, дүүргийнхээ хөгжил дэвшлийн чиг хандлагыг тодорхойлж, түүндээ хүрэх нь гол зорилго нь байлтай.

Баримт 14.

Түүнийг улс төрийн хүрээнийхэн хийгээд дүүргийнх нь иргэд “ Маск” Сандагаа гэх болсон байна лээ. Энэ нь өнгөрсөн жил тараасан утаанаас хамгаалах масктай нь холбоотой болов уу. Харамсалтай нь түүний санаачилж эхлүүлсэн ажил нэг удаагийнх л байдаг бололтой. Утааны оргил үе ид дундаа байгаа. Гэвч түүний маск тараах ажил 2017 оноор өндөрлөсөн гэлтэй.

Баримт 15.

Азын сугалаанд хожиж, дүүрэг засагласан түүнд хэвлэл мэдээллийнхэнтэй ойр байх сонирхол байдаггүй бололтой. Хэрэггүй ч байж мэднэ. Хийсэн ажил байхгүй юм чинь юугаа ч ярих билээ дээ.

Баримт 16.

МАН-ын шинэ залуу үе хэмээн нэрлэгдэх болсон залуучууд ах нарынхаа өмнөөс цор цор хийх болсон. Тэдний дунд эрхэм засгийн нэр ч цохиж яваа дуулдсан.

Баримт 17.

МАН-ын залуу гишүүд асуудлыг нударгаараа шийдэх гэж оролддог болсон талаархи баримтууд цөөнгүй. Нэр устайгаа дурайтал гарч ирнэ. Уур нь хүрвэл нударга зангидан босоод л ирнэ. Ж.Сандагсүрэн тэдний нэг болох нь үү гэх хэл аманд өртөөд амжсан.

Баримт 18.

Ийнхүү хэлэхийн учир, өнгөрсөн жилийн Цагаан сарын дараахан Нийслэлийн захирагч асан “Су” –тай нударга зөрүүлэх дээрээ тулсан нь шуугиан дэгдээсэн. Энэ үйл явдал НИТХ- дээр болсон нь эдүгээ телевизүүдийн архивт бичлэгээрээ хадгалагдан үлдсэн төдийгүй хот, дүүрэг хариуцсан хоёр эрхэм барилцаж аван, арслан бар мэт үзэлцэх дөхсөн нь олны чихийг сортойлгосон хэрэг. Маргааны сэдэв, хэрүүлийн алим ургуулсан асуудал нь “Нийслэлийн ажил урагштай явахгүй байна. Үүнээс болж иргэдийн дунд бидний нэр хүнд унаж байна” гэх Ж.Сандагсүрэнгийн шүүмж. Хотын мээр ч үүнд нь уурсч “Чи муу миний ажлыг дүгнэдэг хэн бэ” гэснээр дайны гал ноцсон юм билээ.

Баримт 19.

Ж.Сандагсүрэн дарга аа, танай дүүргийн агаар, хөрсний бохирдол ямар хэмжээтэй байдгийг та мэдэх үү.Хотын даргаар хэн томилогдох бол хэмээн тархиа гашилгаж суунаас дүүргийнхээ хөрсний бохирдлыг арилгах дээр анхаарвал яасан юм бэ.

Баримт 20.

Тэрбээр өнгөрсөн жил 90 сая төгрөгийн асуудалд холбогдсон. BOLOG.MN сайтад мэдээлснээр “СХД-ийн Тээвэрлэлт үйлчилгээний газрын дарга н.Мөнхбат нь газар зохицуулж өгнө хэмээн О гэх хүнээр дамжуулан нэгэн иргэнээс 30 сая төгрөг дансаар авчээ. Улмаар дахин 60 сая төгрөг гээд нийт 90 сая төгрөг авсан байна. Гэвч асуудал үүсч, тухайн иргэд Н.Мөнхбат руу залгахад дарга /СХД-ийн Засаг дарга Ж.Сандагсүрэн/ намын санхүүжилт нэрээр 30 сая төгрөгийг нь авчихсан байгаа. Тиймээс буцаан олгох боломжгүй гэсэн хариулт өгсөн байна. Тиймээс хохирогч өмгөөлөгчийн хамт СХД-ийн Засаг дарга Ж.Сандагсүрэнтэй уулзах үеэр Ж.Сандагсүрэн нь Мөнхбат руугаа залгаад тодруулахад Н.Мөнхбат нь “Яагаав дарга аа, өнөөх газар ш үү дээ” хэмээн хариулсан байна. Энэхүү бичлэг нь хохирогч иргэний гар утсанд бичигдсэн үлдcэн хэмээн манай сайтад хандсан иргэн мэдээллээ” гэжээ.

Баримт 21.

Засаг ноёны хөрөнгө оруулгын мэдүүлгийг сонирхож үзлээ. Хоосонгүй нэгэн аж. АТГ-ын Хөрөнгө оруулгын мэдүүлгээ өгсөн жагсаалтад жилийнхээ орлогыг 42958.42 төгрөг хэмээн мэдүүлж, харин гэр бүлийнх нь гишүүдийнх нь 9392.45төгрөг аж. Гэхдээ эл мэдээлэл дөрвөн тэрбум төгрөг үү, 42 сая төгрөг үү гэдэг нь эргэлзээтэй. Ийн эргэлзэхийн учир жилийн 42 сая төгрөгийн орлоготой хүн хувьдаа гурван орон сууцтай байж таарах уу. Мөн тэрбээр “Өсөлт” ХХК-ий нэр дээр тусгай зөвшөөрөл эзэмшдэг. Хэд хэдэн аж ахуйн нэгжид хөрөнгө оруулж, хувьцаа эзэмшдэг юм байна.

Баримт 22.

Газар зарж, намаа санхүүжүүлсэн гэх хэл аманд өртөж амжсан тэрбээр хувьдаа эзэмших эрх бүхий гурван газартай юм байна. Тодруулбал, Эзэмших, 0,04-1, Эзэмших, 612 м2-1, Эзэмших, 698 м2-1.

Баримт 23.

Түүнийг хурдан моринд дуртай, хурдан удмын 16 тооны адуутай гэдгийг хүмүүс тэр бүр мэдэхгүй. Тэгэхээр мань хүн тэрүүхэндээ шаггүй уяач нэгэн бололтой. Тиймгүй атлаа л адуу цуглуулав гэж. Засаг ноёноо наадмын үеэр эрж сураад олдохгүй байх аваас уяаных нь гал руу ухасхийгээрэй. Тэнд л тэнгэрлэг 16 адууныхаа хөлсийг хусаад зогсч байх вий.

Баримт 24.

Засаг дарга болсноосоо хойш сүлжээ хоолны газар ажиллуулах болсон гэх хэл амыг дагуулсан. Хөрөнгө оруулгын мэдүүлэгтээ ч “Бунгүс бургер” ХХК буюу хоолны газрынхаа нэрийг марталгүйгээр дурджээ. Манай улс төрчид зарим нь эд хөрөнгөндөө төөрч будлиад мэдүүлэхээ мартчихсан, андуураад өөр компани руу өчнөөн сая төгрөг шилжүүлчихсэн манаргаж явдаг юм. Ж.Сандагсүрэнгийн хувьд дөнгөж 40 гарч яваа болохоор хэргээр мартуулахгүй л бол мартана гэж байхгүй шударга ноён доо.

Сэдвүүд:

Дэлгэрэнгүй ...

24 баримт

ГАВЬЯАТ БОКСЧИН М.НАНДИНЦЭЦЭГИЙН ТУХАЙ 24 БАРИМТ

Нийтэлсэн

2 жил өмнө

2022-09-20

Нийтэлч

24barimt

БАРИМТ 1. Тэрбээр 1988 оны зургаадугаар сарын 3-нд Эрдэнэт хотод төржээ.

БАРИМТ 2. Ам бүл тавуулаа. Айлын том охин бөгөөд хоёр дүүтэй.

БАРИМТ 3. Анх түүнд “Шавь” цогцолбор сургуулийн биеийн тамирын багш Х.Хүдэрбаатар боксын спортоор хичээллэх санал тавьж байжээ.

БАРИМТ 4. “Шавь” цогцолборт гурван сар хэртэй бэлтгэл сургуулилт хийж, дасгалжуулагч Л.Энхбаатар багшид шавь оржээ..

БАРИМТ 5. Тэрбээр Л.Энхбаатар багшийнхаа анхны эмэгтэй шавь нь юм.

БАРИМТ 6. 2003 оны өсвөр үеийнхний УАШТ-ий 48 кг-ын жинд хүрэл медаль хүртжээ. Энэ нь түүний анхны амжилт юм.

БАРИМТ 7. Бэлтгэл хийж эхлээд удаагүй байхдаа анхны тэмцээнээсээ хүрэл медаль хүртсэн цагаас эхлэн аав, ээж нь одоог хүртэл дэмжиж байгаа ажээ

БАРИМТ 8. М.Нандинцэцэг боксын спортоор 2003 оноос хойш хичээллэж байгаа бөгөөд энэ хугацаанд сүүлийн 12 жилийн турш УАШТ-ийг тасралтгүй тэргүүлсэн.

БАРИМТ 9. Тэрбээр Америкийн боксчин Марлен Эспарзатай 2011 оны Дэлхийн цомд тулалдсан удаатай.

БАРИМТ 10. Тэрбээр голдуу эрэгтэйчүүдтэй бэлтгэл хийдэг.

БАРИМТ 11. Тэр МУБИС-ийг 2010 онд спорт аялал жуулчлалын мэргэжлээр төгссөн. Төгсөөд сургуульдаа хоёр жил ажиллажээ.

БАРИМТ 12. Тэрбээр баруун гараараа бичдэг ч солгой өрөлттэй.

БАРИМТ 13. Тэр өрсөлдөгчөө ихэвчлэн өөр рүүгээ дуудаж тоглодог. Урд гарын хажуу, хойд гарын шулуун цохилттой.

БАРИМТ 14. Түүний ээж цэцэрлэгийн багш. Хүмүүс түүнийг ээжтэйгээ их адилхан гэдэг. Ээж нь залуудаа хөнгөн атлетикаар хичээллэдэг байжээ.Харин түүний аав Үндэсний цэцэрлэгт хүрээлэнд ажилладаг.

БАРИМТ 15. М.Нандинцэцэг нь Монгол Улсын 11 удаагийн аварга бөгөөд Азийн наадмаас хүрэл медаль, дэлхийн цомын мөнгөн медальтай юм.

БАРИМТ 16. Тэр энгийн үед өдөрт 2-3 цагийн бэлтгэл хийдэг. Харин тэмцээнд явах үедээ өдөрт 3-4 удаа бэлтгэл хийдэг. Бэлтгэлийнх нэг давтамж хоёр цаг үргэлжилдэг байна.

БАРИМТ 17. Сонирхогчдын боксын эмэгтэйчүүдийн Дэлхийн аварга шалгаруулах тэмцээн Энэтхэгийн Шинэ Дели хотноо 2018 онд арваннэгдүгээр сарын 15-24-нд явагдаж өнгөрсөн. Тус тэмцээнд тэр Мароккогийн Зохра Захроутай хүрэл медалийн төлөө тулалдаж, 5:0 ялалт байгуулсан юм. Улмаар Болгарын С.Петроватай мөнгөн медалийн төлөө тулалдаж ялагдсан юм.

БАРИМТ 18. Гэвч тэрбээр хүрэл медалийн болзол хангаж, Монголын эмэгтэй боксчдоос дэлхийн медаль хүртсэн анхны боксчин болоод байгаа.

БАРИМТ 19. Энэ нь түүнийг “Бөртэ чоно 2018” наадмын оны шилдгийн шилдэг тамирчин болгож байв.

БАРИМТ 20. Түүний эдгээр амжилтууд Монгол Улсад боксын спорт үүсч хөгжсөний 70 жилийн түүхэн ойд барьсан том бэлэг байлаа.

БАРИМТ 21. Жингээ хасах гэж байгаа залуучуудад бокс хамгийн тохиромжтой учир хичээллээрэй хэмээн уриалдаг.

БАРИМТ 22. Гоо сайханд орж, дэлгүүр хэсэх туйлын дуртай.

БАРИМТ 23. Хүмүүс түүнийг рингэн дээрээс харахад ширүүн харцтай, айхтар харагддаг гэдэг бөгөөд тулж яривал их зөөлөн эмэгтэй гэж дүгнэдэг.

БАРИМТ 24. Олон улсын боксын холбоо эмэгтэй тамирчдын чансааг гаргахад тэрбээр 875 оноогоор гуравдугаарт бичигдэж байв.

Дэлгэрэнгүй ...

24 баримт

Букенхемийн ордон Хатан хаан II Элизабетийн 24 баримт

Нийтэлсэн

2 жил өмнө

2022-09-12

Нийтэлч

24barimt

Букенхемийн ордон Хатан хаан II Элизабетийг таалал төгссөн (2022.09.08) мэдээг зарлалаа.
II Элизабет Хатан хаан бол Нэгдсэн Вант Улс болон Хамтын нөхөрлөлийн бусад 14 хаант
улсын хатан хаан байсан юм. 70 жил Их Британийн хаан ширээнд суусан II Элизабет таалал
төгссөнөөр түүний хүү Чарльз III 74 насандаа хаан болж буй юм.

Хатан хаан II Элизабетийн
талаархи 24 баримтыг хүргэе.

1. II Элизабет бол Их Британийн хамгийн удаан хаан ширээнд суусан хатан хаан. Тэрбээр 70 жил хаан ширээнд суужээ.

2. Түүнийг хаан ширээнд суусан энэ 70 жилийн хугацаанд Их Британид 15 Ерөнхий сайд солигджээ. Түүний засаглал 1874 онд төрсөн Уинстон Черчиллээс эхлээд 1975 онд төрсөн хатагтай Лиз Трасс хүртэл 15 Ерөнхий сайдыг хамарчээ.

3. Хатан хаан Элизабет 1926 оны дөрөвдүгээр сарын 21-нд Лондонгийн Мэйфэйр хотод Йоркийн гүн, гүнгийн авхайн анхны хүүхэд болон мэндэлсэн. Тухайн үед Элизабет Александра Мэри Виндзортыг хаан ширээнд сууна гэж бараг хэн ч таамаглаж байгаагүй юм. Гэсэн ч 1936 онд түүний авга ах Эдвард VIII хаан ширээнээс татгалзсанаар Элизабетийн аав Жорж VI хаан болсон юм. Ингэснээр Лилибет 10 настайдаа хаан ширээг залгамжлагчаар тодров.

4. Лилибет гүнж 21 насандаа 1947 оны арваннэгдүгээр сарын 20-нд Вестминстрийн сүмд Дани, Грекийн хунтайж Филиптэй гэрлэв. Грекийн хунтайж Филипп Эдинбургийн герцог цол хүртжээ. Тэд энэ цагаас хойш 74 жил хамтдаа аз жаргалтайгаар амьдарсан бөгөөд хунтайж Филипп 2021 онд 99 насандаа таалал төгссөн билээ.

5. Хатан хаан Элизабет, хунтайж Филипп нар гурван хүү, нэг охинтой. Ууган хүү Чарльз нь 1948, Анн гүнж 1950, ханхүү Эндрю 1960, хунтайж Эдвард 1964 онд төржээ. Хатан хаан найман ач, 12 гучтай болоод байв. Ханхүү Эндрюг төрүүлснээр хаан ширээнд сууж байхдаа амаржсан анхны хатан болж байв.

6. Хүндээр өвдсөн байсан аав Жорж VI хааныг төлөөлөн Кени улсад айлчлал хийж байсан угсаа залгамжлагч Элизабет Лондонд буцаж ирэхдээ хатан хаан болон ирж байв. Энэ бол 1952 оны зургадугаар сар байлаа. Элизабетийг Кени улсад айлчилж байхад нь хаан таалал төгссөн юм.

7. 1952 оны зургадугаар сарын 2-нд Вестминстрийн сүмд Элизабет II титэм зүүсэн юм. Түүний титэм зүүх ёслолыг үзэхээр 20 сая хүн цугларсан байсан гэдэг. Ийнхүү Элизабетийн хаанчлал 27 насанд нь эхлэв.

8. Хаан төрийг барьж байсан энэ хугацааны онцлох шинэчлэл нь Букенгэмийн ордныг олон нийтэд нээлттэй болгосон нь юм. Хатан хааны гэр бүлийн ховор нандин цуглуулгыг олон нийтэд дэлгэн үзүүлэхээр хамгийн анх 1962 онд Букингэмийн ордон олон нийтийн өмнө үүдээ нээж байв.

9. Хатан хааны хамгийн олон удаа айлчилсан улс нь Канад байв. Хаан ширээнд заларснаасаа хойш дэлхийн 116 оронд очсон тэрбээр Канадад 22 удаа айлчилж байжээ. Тэрбээр мөн жил бүр Эдинбүргт очдог байсан. 1986 онд Хятадад айчлилснаар тус улсад айлчилсан Британийн хамгийн анхны язгууртан болж байв.

10. Түүнийг хаанчлах энэ хугацаанд маш олон улс төрийн болон нийгмийн өөрчлөлтүүд гарсан. Дайны дараах хэмнэлтийн жилүүдээс эхлээд эзэнт гүрнээс хамтын нөхөрлөл рүү шилжих шилжилт, хүйтэн дайны үе, Их Британи Еюропын холбоонд элсч, гарах гээд маш олон өөрчлөлт авчирсан үйл явдлууд II Элизабетийн хаанчлалын үед тохиожээ.

11. Элизабет бол Францын XIV Луигийн араас хамгийн урт насалсан, хамгийн удаан хаан ширээнд суусан Их Британийн хаан бөгөөд дэлхийн түүхэн дэх хамгийн удаан засагласан бүрэн эрхт хоёр дахь хаан байсан юм.

12. Хатан хааны гурван хүүхэд нь гэр бүлээсээ салж, угсаа залгамжлагчийн гэргий байсан гүнж Диана Парист автомашины ослоор өөд болсон зэрэг нь Хатан хааны хувийн амьдралын хамгийн гунигт үе нь байсан гэдэг.

13. Хатан хаан Элизабет гэртээ хувиараа боловсрол эзэмшсэн бөгөөд Дэлхийн II дайны үед туслах нутаг дэвсгэрийн албанд алба хаасан. Армийн эмэгтэйчүүдийн хэсэгт тэрбээр Ерөнхий сайд Уинстон Черчиллийн охинтой хамт элсч байжээ.

14. Хатан хаан II Элизабет жолоо барих маш дуртай байсан. Дэлхийн II дайны сүүлийн хэдэн саруудад эмэгтэйчүүдийн цэргийн ангид элсэж, механикч-жолооч чиглэлээр бэлтгэгдэж, дэслэгч цол хүртэж байв. Мэдээж хэрэг хатан хаанд хувийн жолооч байдаг ч, тэрээр амралтын өдрүүдээр өөрөө жолоо барих дуртай байв.

15. Хатны титэм XV зуунаас хойш янз бүрийн хэлбэртэй байсан. Одоогийн хувилбарыг 1937 онд бүтээсэн.

16. Хатан хаан II Элизабет бол Их Британи улсын нутаг дэвсгэр дээр жолооны үнэмлэхгүйгээр жолоо барих эрхтэй цорын ганц хүн байсан юм. Тэрбээр бүх машиндаа улсын дугаар хадахгүйгээр явах эрхтэй байсан юм.

17. Хатан хаан Элизабет хаан байх хугацаандаа 3.5 сая гаруй захидал хүлээн авчээ. Харин 1976 онд хамгийн анх и-майл бичиж байсан бөгөөд Хатан хааны анхны и-майлыг Британийн армийн цэргүүд хүлээн авч байсан байна.

18. Тэрбээр 2010 онд “Британийн хаант засаглал” гэсэн нэртэй Фэйсбүүк хуудас нээж байжээ. Мөн тэрбээр ордны ажилтнуудын удирддаг @theroyalfamily хаягаар твиттер, инстаграмаа хөтөлдөг байжээ.

19. Хатан хааны эзэмшилд 88 хун багтдаг. Хатан хааны эрхэмсэг хунгууд Темза голд тусгай хамгаалагчийн халамж асаргаанд нутаглаж байдаг. Тэднээс гадна Их Британийн бүх гол мөрөнд байх халим, дельфин, аварга загаснууд хатан хааны эзэмшилд багтдаг юм. 1324 онд II Эдвард хаан улсынхаа нутаг дэвсгэрт байх бүх гол мөрний халим, аварга загасуудыг хааны мэдлийнх гэж тунхагласан нь өнөө хүртэл хүчин төгөлдөр үйлчилж байгаа аж.

20. Хатан хаан 200 орчим уралдааны тагтаатай байсан. Лилибет гүнж дүү Маргарет гүнжийн хамт тагтаа барьсан зураг ч бий.

21. Тэрбээр дөрвөн настайгаасаа морь унах дуртай болжээ. Тухайлбал, түүний анхны одой морь болох Пегги хэмээх Шетланд морийг дөрвөн настайд нь өвөө V Жорж хаан бэлэглэж байв. Хатан хаан адуу тэжээдэг бөгөөд улирал бүр 25 орчим морьдыг хааны уяанд сургадаг байв.

22. Хатан хаанд үнэт эдлэлийн арвин баялаг цуглуулга бий. Үнэт эдлэлийнх дийлэнх нь гоёмсог титмүүд бөгөөд заримыг нь үе уламжлан өвлөн авсан бол зарим нь бэлгэнд иржээ. Тухайлбал, дэлхийн хамгийн том ягаан алмааз бүхий титэм болон Австралийн нэгэн зүйл модны навчийг дүрсэлсэн асар үнэтэй энгэрийн зүүлтийг тус улсын Засгийн газраас түүнд бэлэглэж байсан юм.

23. Хатан хаан II Элизабеттай нэгэн цаг үед амьдарч буй эзэн хаадаас 60 гаруй жил төр барьж, очир эрдэнийн ой тэмдэглэсэн гурван л хүн байв. Тэд бол Тайландын эзэн хаан Бумибол Адулядж, Малайзын Жохор мужийн Султан, Японы эзэн хаан Хирохито байсан юм.

24. Их Британийн Хатан хаан II Элизабет 70 жил хаан ширээнд суусны эцэст 96 насандаа Шотландын Балморалд эдлэн газартаа 2022 оны есдүгээр сарын 8-нд таалал төгслөө.

Дэлгэрэнгүй ...

24 баримт

ӨНӨӨДРИЙН ОНЦЛОХ 24 БАРИМТ ЖҮДО БӨХИЙН АЗИ ТИВИЙН АВАРГА Ё.БАСХҮҮ

Нийтэлсэн

2 жил өмнө

2022-08-29

Нийтэлч

24barimt

Жүдо бөхийн Азийн аварга шалгаруулах тэмцээн Казахстан улсын Нур-Султан хотноо
үргэлжилж байна. Энэхүү тэмцээнд 17 улсын 168 шилдэг тамирчид өрсөлдөж байгаа бөгөөд
Монгол Улсаа төлөөлөн олимпын хүрэл медальт Ц.Цогтбаатар, Ё.Басхүү, Б.Хорлоодой
тэргүүтэй 18 бөх оролцож буй. Эрэгтэйчүүдийн -66 кг жинд өрсөлдсөн Ё.Басхүү алтан
медалийн төлөө Японы Рёома Танакаг ялж Азийн аварга цолны эзэн боллоо.

БАРИМТ 1. Ё.Басхүү нь 1993 оны аравдугаар сарын 1-ны өдөр Завхан аймгийн Нөмрөг суманд төржээ.
БАРИМТ 2. Энэ жил 29 нас хүр яваа тэрбээр үндэсний шигшээ баг, “Хилчин” спорт хорооны харьяат тамирчин юм.
БАРИМТ 3. Түүний биеийн өндөр 175 см, 66 кг жинтэй. 66 кг-ийн жинд барилддаг.
БАРИМТ 4. Ё.Басхүү 2019 онд Токиод болсон дэлхийн аварга шалгаруулах тэмцээнд анх удаа оролцож тавдугаар байр эзэлж байсан.
БАРИМТ 5. Түүний дараа 2021 оны Будапештийн дэлхийн аварга шалгаруулах тэмцээнээс хүрэл медаль хүртжээ.
БАРИМТ 6. Тус тэмцээн дээр хүрэл медалийн төлөөх барилдаанд Казахстаны бөх Елдос Жумакановтой учраа таарсан хэдий ч гэмтлийн улмаас дэвжээнд гараагүй байна.
БАРИМТ 7. Ё.Басхүү, Елдос Жумаканов хоёр нь өмнө нь хоёр удаа дэвжээнд таарч байсан бөгөөд Ё.Басхүү хоёр удаа давж байжээ.
БАРИМТ 8. Тэрбээр хэвлэлд өгсөн ярилцлагадаа “2019 оны дэлхийн аваргад эхнээсээ хүндхэн барилдаануудыг хийсэн. Дэлхийн аваргын бэлтгэл дээр эхний 20 бөхийн барилдааны бичлэгийг үзсэн ч яагаад ч юм Молдавын бөхийн бичлэгийг үзмээргүй санагдаад байсан. Гэтэл нөгөөх чинь надад нэг мэх бэлдсэн байж. Намайг лав барингуут шахаж татаад унагачихсан. Маш их харамссан, уйлмаар байсан. Дэлхийн дэвжээнээс медаль хүртэхийн төлөө хоёр жил уйгагүй бэлдсэний хүчинд санасандаа хүрсэн дээ” хэмээжээ.
БАРИМТ 9. Харин Токио 2020 олимпын наадмын шөвгийн наймд Ё.Басхүү, Японы Хифүми Абэтэй таарч вазари үнэлгээгээр ялагдсан.
БАРИМТ 10. Тэрбээр энэ талаараа “Хифүми Абэтэй хоёрдугаарт таарахдаа төлөвлөсөн барилдаанаа хийж чадаагүй. Үндсэн цагт оноо алдахгүй байгаад нэмэлт цагт явъя гэсэн бодолтой гарсан маань буруудсан ч байж магадгүй. Эхнээсээ л явдгаараа яваад барилдсан бол яах ч байсан юм билээ. Абэ аваргатай өмнө нь 2018 оны Осакагийн Гранд Слам, 2019 оны дэлхийн аваргад таарч хожигдож байсан. Хоёр хожигдлоо, хожлоо тайлъя гэж бодсон ч чадаагүй” хэмээн ярьсан.
БАРИМТ 11. Дэлхийн аваргын хүрэл медальт, Ази тивийн аварга Ё.Басхүү дотоодын улсын аварга шалгаруулах тэмцээнээс аварга авч үзээгүй гэнэ.
БАРИМТ 12. Улсын аварга шалгаруулах тэмцээнд дөрвөн удаа оролцсон ч 2018, 2019 онуудад хүрэл медаль хүртэж байжээ.
БАРИМТ 13. 2020 онд ОХУ-ын Екатеринбург хотод зохион байгуулагдсан “Их дуулга” тэмцээний 73 кг-ийн барилдаанд оролцоод шагналт долоодугаар байранд орсон.
БАРИМТ 14. Энэ тэмцээн түүний хувьд хамгийн дурсамжтай, урам өгсөн ялалт байсан тухай нэгэн ярилцлагадаа дурдсан байдаг.
БАРИМТ 15. Учир нь 66 кг-ийн жинд Д.Төмөрхүлэг, Д.Алтансүх нар барилдахаар болж Ё.Басхүүг 73 кг-ийн жинд барилдуулахаар болжээ. Шалгуулах гэтэл цагаан кимоногүй хэмээн бүртгэхээс татгалзсан тул Х.Цагаанбаатар уулзаад “Энэ 66 кг-д барилддаг хүүхэд. Хаашдаа 73 кг-д шалихгүй байх, бүртгээд авчхаач” гэж гуйгаад зөвшөөрүүлж байжээ.
БАРИМТ 16. Түүний жүдогийн анхны багш нь Завхан аймгийн Нөмрөг сумын харьяат, аймгийн заан Г.Батцэрэн бол хотод ирж “Аврагч” спорт хорооны Ц.Шийрэв багш дээр иржээ. Харин одоо үндэсний шигшээ багт ахлах дасгалжуулагч Х.Болдбаатар тэргүүтэй багш нарын бэлтгэл дор удирдуулж байна.
БАРИМТ 17. Харин түүнийг жүдо бөхөөр хичээллэхэд хамгийн их нөлөөлсөн хүн нь улсын гарьд М.Баяржавхлан. М.Баяржавхлан нь түүний өвөөгийн талын ойрын хамаатан юм.
БАРИМТ 18. Ё.Басхүү дээрээ нэг төрсөн ахтай. Түүний ах Ё.Улсболд нь Завхан аймгийн начин цолтой.
БАРИМТ 19. Тэрбээр бага наснаасаа эхэлж барилдаж эхэлжээ. “Найзууд, дүү нартайгаа орой, шөнө байсан ч сарны гэрэлд ч хамаагүй барилддаг байсан. Г.Батцэрэн багш маань хивс дэвсэж байгаад барилдуулдаг байсан” гэв.
БАРИМТ 20. Жүдо бөхөөс гадна үндэсний бөх, самбо, кураш бөхөөр барилддаг. Завхан аймагтаа дөрвөн сумын нэгдсэн барилдаанд зодоглож түрүүлж байсан.
БАРИМТ 21. Хамгийн анхны тэмцээн нь самбо бөхийн залуучуудын улсын аварга шалгаруулах тэмцээний 62 кг-д барилдаж хүрэл медаль хүртэж байсан бол жүдо бөхөөр “Шонхор кап” тэмцээнд оролцож түрүүлж байжээ.
БАРИМТ 22. Ардын хувьсгалын түүхт 100,101 жилийн ойн хүчит бөхийн барилдаанд зодоглож нэгийн даваанд улсын заан Н.Жаргалбаяртай учраа таарч өвдөг шороодсон.
БАРИМТ 23. Хүүхэд байхдаа хурдан моринд хайртай, морь унах дуртай байв.
БАРИМТ 24. Эдгээр өдрүүдэд Казахстан улсын Нур-Султан хотноо зохион байгуулагдаж байгаа Ази тивийн аварга шалгаруулах тэмцээнд манай улсаас 18 жүдоч оролцсоноос -66 кг жинд Японы Риома Танакаг ялж Ё.Басхүү алтан медаль хүртсэн.

Дэлгэрэнгүй ...

24barimt.mn

Гишүүн хэмээх сахиусан тэнгэртэй Ж.Сандагсүрэн

Баримт 1.

Баримт 2.

Баримт 3.

Баримт 4.

Баримт 5.

Баримт 6.

Баримт 7.

Баримт 8.

Баримт 9.

Баримт 10.

Баримт 11.

Баримт 12.

Баримт 13.

Баримт 14.

Баримт 15.

Баримт 16.

Баримт 17.

Баримт 18.

Баримт 19.

Баримт 20.

Баримт 21.

Баримт 22.

Баримт 23.

Баримт 24.

24 баримт

ГАВЬЯАТ БОКСЧИН М.НАНДИНЦЭЦЭГИЙН ТУХАЙ 24 БАРИМТ

24 баримт

Букенхемийн ордон Хатан хаан II Элизабетийн 24 баримт

24 баримт

ӨНӨӨДРИЙН ОНЦЛОХ 24 БАРИМТ ЖҮДО БӨХИЙН АЗИ ТИВИЙН АВАРГА Ё.БАСХҮҮ

О.Алтангэрэл: Шаардлага хангасан дээд боловсролтой залуус хоёр жилийн хөтөлбөрт хамрагдаж офицер болох боломжтой

“Мэргэжлийн ангийн дүрэм”-ийг баталж, захиргааны хэм хэмжээний актад бүртгүүллээ

Дата, өгөгдлийн бие даасан байдлыг бүрдүүлнэ

Их, дээд сургуулиудын академик эрх чөлөөг хангаж, өмчийн хэлбэр харгалзалгүйгээр дэмжин ажиллана

Хөвсгөл аймгийн Ханх суманд газар хөдөллөө

Канад улсын баруун бүс нутгийн Саскачеван, Манитоба мужид 30 см зузаан цас оржээ

Сумын цолтон залуу бөхчүүдийн барилдааны цахим бүртгэл эхэллээ

Хог шатсан дуудлага нэмэгдэх хандлагатай байна

Сонгинохайрхан дүүргийн 75 өрхийн цахилгааны монтажийг шинэчиллээ

Тэмбүүгийн өвчлөл 154 тохиолдлоор өсжээ

Мал аж ахуйн салбарын нэмүү өртөг, хүртээмжтэй хөгжлийг дэмжих санамж бичиг байгууллаа

Нийслэлийн хэмжээнд хүүхдийн амбулаториуд уртасгасан цагаар ажиллаж байна

“Эрүүдэн шүүлт тулгах, хүнлэг бус, хэрцгий хандахаас ангид байх хүний эрхийн хэрэгжилт”-ийн талаарх хяналтын сонсгол боллоо

Ж.Баясгалан: Өндөр настнууд, хөгжлийн бэрхшээлтэй иргэд халамж авахаасаа илүү боломж олдвол хөдөлмөрлөхийг хүсдэг

“Эрдэнэс Монгол” нэгдэлд хэрэгжих дараагийн реформыг дэмжлээ

Монгол Улсын Ерөнхийлөгч 2025 оны Төсвийн тухай хуульд бүхэлд нь хориг тавилаа

Нийгмийн даатгалын үндэсний зөвлөлийн дүрмийг шинэчлэн баталлаа

Төрийн албаны ерөнхий шалгалт эхэллээ

Аялал жуулчлалыг хөгжүүлэх үндэсний хорооны ээлжит хуралдаан болов

Орц, гарц хааж, дулааны шугамыг эвдсэн барилгын компанийн үйл ажиллагааг түр зогсоолоо

“Эрүүдэн шүүхийн эсрэг конвенц”-ыг хэрэгжүүлэхэд чиглэсэн ажлуудыг үнэлэх хэлэлцүүлэг боллоо

Иргэдийн гомдлыг хиймэл оюунд суурилсан технологиор шийдвэрлэнэ

Хүний эрх, эрх чөлөөг хамгаалахтай холбоотой хяналтын сонсгол өнөөдөр болно

ТББХ: “Үндсэн хуулиа дээдлэн залах тухай” УИХ-ын тогтоолын төслийг батлахыг дэмжлээ

Улаанбаатарын анхны дагуул хот Шинэ Зуунмодыг бүтээн байгуулна

Автомашины гаалийн мэдүүлгийг хүлээн авагчид зориулж цаасаар хэвлэх ажлыг зогсоож, цахимд шилжүүлнэ

“Монгол өв уламжлал, ёс заншлын өргөө” 100 ортой гэр цэцэрлэг ашиглалтад ороход бэлэн боллоо

Амьдралд тэмүүлсэн 25 бяцхан зүрх

С.Мөнхзул Дэлхийн аварга боллоо

АТГ: Гэмт хэргийн шинжтэй 43 өргөдөл, гомдлыг хүлээн авав

“MCS” хэмээх эзэнт гүрний эцэг болсон Ж.Оджаргалын 24 баримт

“Гоо брэнд”-ийн онцлох 24

ХӨГШРӨЛТИЙН ЭСРЭГ ХАМГИЙН ҮР ДҮНТЭЙ ТАРИЛГА ЭМЧИЛГЭЭ БОЛ SMART PRP

М.Энхболдын улс төрд сойсон тод од

Хагасайн өдөр буюу бямба гаригт Улаанбаатарт бороо орно

Р.Батжаргал: Анхны жил 23-хан сая төгрөг өгч, нүүр улайлгаж байлаа. Одоо гуйхаа ч больсон

ЭТТ ХК: Нэг сая орчим иргэний 1072 хувьцааны ногдол ашгийг шилжүүлээд байна

Д.Пүрэвдорж: Чингис шүлэг

М.Энхболд албан тушаалаасаа огцрохоор болжээ

Харбины мөсөн баримлын тэмцээнд Монголын баг түрүүлжээ

Нүцгэн төрхөө дэлгэцнээ мөнхөлсөн Б.Батмаагийн гэрэл зургаас

Тэргүүн хатагтай Баттулга асан Анжелика

Гэрлийн хурдаар хөрөнгөжсөн Ж.Мөнхбатын дараагийн нууц байшин

Дуучин А.Түмэн-Өлзий нөхрөөсөө салж, ганц бие болсноо зарлалаа

Дуучин А.Хишигдалай /24 Фото/

С.Эрдэнэ ерөнхий сайд болно…

Хятад муур, нохой, сарьсан багваахай зардаг захуудаа нээж эхэллээ

Бодь группийн Л.Болдхуяг, Богд банкны гүйцэтгэх захирал Г.Саруул нарын офшор данс ил боллоо