Дэлхий дахинд

ХОЙД СОЛОНГОС ГУРАВ ДАХЬ УДААГАА ЦЭРГИЙН ПАРАД ХИЙЛЭЭ

Нийтэлсэн

3 жил өмнө

2021-09-09

Нийтэлч

Хойд Солонгос өнөө өглөө /2021.09.09/ цэргийн парад зохион байгуулсан талаар БНСУ-ын Батлан хамгаалах яамнаас мэдээлжээ. Тус улс жил хүрэхгүй хугацаанд гурав дахь удаагаа цэргийн сүрт жагсаал зохион байгуулсан нь энэ. Тодруулбал, өнгөрсөн нэгдүгээр сард Хөдөлмөрийн намын их хурал, 2020 оны аравдугаар сард тус намын 75 жилийн ойд зориулан тус тус цэргийн парад зохион байгуулсан юм. Хойд Солонгост энэ мэтчилэн ойрхон давтамжтай цэргийн парад зохион байгуулах нь ховор.

Одоогоор цэргийн жагсаалд ямар зэвсэг техникийг үзүүлж, удирдагч Ким Жон Ун оролцсон эсэх нь тодорхойгүй байгаа аж. “NK News” сайтад мэдээлснээр Пёньяны хотын төвөөс 00:00-01:00 цагийн хооронд галт буудлага хийж, нисэх онгоцууд тэнгэрт үзүүлбэр үзүүлсэн байна. Гэсэн ч Хойд Солонгосын төрийн мэдээллийн хэрэгслүүдэд цэргийн парадын талаар мэдээлээгүй байна.

Бүгд найрамдах ардчилсан Солонгос ард улс байгуулагдсаны 73 жилийн ой өнөөдөр тохиож байна.

Олон улсаас хатуу хориг арга хэмжээ авсан ч Хойд Солонгос нь цөмийн зэвсэг үйлдвэрлэл, тив алгасах баллистик хөгжүүлэлтээ үргэлжлүүлсээр буй. Улмаар сүүлийн жилүүдэд дипломат арга хэмжээний хүрээнд өөрсдийн бүтээсэн зэвсэг, техникээ цэргийн жагсаалаар дамжуулан үзүүлэх нь нэмэгдсэн юм. Тухайлбал, өнгөрсөн нэгдүгээр сард АНУ-ын Ерөнхийлөгч Жо Байдены тангараг өргөх ёслолын өмнө Ким Ил Суны талбай дээр шумбагч хөлгөөс хөөргөх зориулалттай баллистик пуужингаа үзүүлсэн бөгөөд удирдагч Ким Жон Ун үүнийг “дэлхийн хамгийн хүчирхэг зэвсэг” хэмээснийг “KCNA” агентлаг мэдээлжээ.

Хойд Солонгос 2017 оноос хойш тив алгасах баллистик пуужин хөөргөх эсвэл цөмийн зэвсэг туршаагүй юм. Үүний оронд цэргийн парадаар дамжуулан олонс улсад зөрчил хурцдаж болзошгүй гэх анхааруулгыг өгөх болжээ.

Хойд Солонгос нь дахин тив алгасах баллистик пуужин хөөргөвөл олон улсын хатуу хоригтой тулгарч, дотоодын нөхцөл байдал улам хүндэрснээр ард түмний дунд эсэргүүцэл, бослого гарах эрсдэлтэй гэж ажиглагчид дүгнэж байгаа аж. Түүнчлэн АНУ-тай хийж буй цөмийн хэлэлцээнд дарамт, шахалт үзүүлэх зорилгоор цэргийн жагсаал хийх болсон гэж тайлбарлах ажиглагч ч байна. АНУ-ын экс Ерөнхийлөгч Дональд Трамп, Хойд Солонгосын удирдагч Ким Жон Ун нар хэд хэдэн удаа цөмийн хэлэлцээний хүрээнд нүүр тулсан уулзсан ч амжилтад хүрэлгүй царцсан. Харин Жо Байдены Хойд Солонгосын асуудлаарх тусгай төлөөлөгч Пёньянтай хэлэлцээг дахин эхлүүлэх хүсэлтийг удаа дараа илэрхийлсэн билээ. Гэвч Хойд Солонгос цөмийн зэвсгээсээ татгалзах бодолгүйгээ илэрхийлсээр ирсэн. Тухайлбал, өнгөрсөн наймдугаар сард олон улсын атомын агентлагаас мэдээлснээр Хойд Солонгос нь Ионбён дахь цөмийн реакторт плутони боловсруулж эхэлжээ.

ЭХ СУРВАЛЖ: AGENCE FRANCE-PRESSE

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

8 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...