Дэлхий дахинд

МЭРГЭЖЛИЙН БОКСЫН ОД МЭННИ ПАКЬЯО ИРЭХ ОНЫ ФИЛИППИНИЙ ЕРӨНХИЙЛӨГЧИЙН СОНГУУЛЬД ӨРСӨЛДӨХӨӨР НЭРЭЭ ДЭВШҮҮЛЖЭЭ

Нийтэлсэн

3 жил өмнө

2021-09-20

Нийтэлч

Мэргэжлийн боксын од Мэнни Пакьяо ирэх онд болох Филиппин улсын ерөнхийлөгчийн сонгуулийн урьдчилсан шатанд өрсөлдөхөөр болсон байна. Эрх баригч PDP-Laban намын нэг фракц боксчны нэрийг дэвшүүлэх болсноо өчигдөр зарлажээ.

42 настай Пакьяо одоо Филиппиний парламентын гишүүнээр ажилладаг.

Филиппин улсын одоогийн ерөнхийлөгч Родриго Дутерте сонгуульд дахин нэр дэвших эрхгүй болсон ч дэд ерөнхийлөгчийн суудалд өрсөлдөхөөр өөр нэг фракцаас нэрээ дэвшүүлжээ.

Тус фракцаас Дутертегийн охин Сара Дутерте-Карпио эцгийнхээ суудлыг залгамжлахаар нэр дэвших өндөр магадлалтай байна.

Мэнни Пакьяо боксын найман жингийн дөрөвт нь дэлхийн аваргын цол хүртсэн өвөрмөц амжилтын эзэн юм.

Хамгийн сүүлд тэр Кубын тамирчинд ялагдсаныхаа дараа зодог тайлах талаар бодож байгаагаа ярьж байв.

Эрх баригч намын сунгаанд нэр дэвшсэнийхээ дараа Пакьяо “Би бол дайчин. Дэвжээний дотор, гадна хаана ч байсан би үргэлж дайчин хэвээр байх болно” гэж мэдэгджээ.

Тэрбээр ерөнхийлөгч болвол ядуурлыг бууруулж, авлигалтай тэмцэх зорилготойгоо энэ үеэр хэлсэн байна.

Хэдийгээр Пакьяогийн боксчны нэр хүнд Филиппинд маш өндөр боловч сүүлийн үеийн санал асуулгуудад Сара Дутерте-Карпио байнга тэргүүлж байгаа.

Эрх баригч PDP-Laban намын фракцуудын нэр дэвшигчдийн хэн нь 2022 оны сонгуульд өрсөлдөхийг Филиппиний сонгуулийн төв хороо эцэслэн шийдэх юм.

Эх сурвалж: BBC

Сэдвүүд:онцлох онцлх

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

9 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...