Дэлхий дахинд

ТАЛИБУУД “ЛАЛЫН УЛС”-ЫН ТЕРРОРИСТУУДЫГ УСТГАЛАА

Нийтэлсэн

3 жил өмнө

2021-10-12

Нийтэлч

Афганистаны засгийн эрхийг аваад байгаа “Талибан” хөдөлгөөний хүчин тус улс дахь “Лалын улс” зэвсэгт бүлэглэлийн эсрэг амжилттай ажиллагаа явуулж зэвсэгт дайчдыг нь устгалаа гэж афганы түр засгийн газрын мэдээлэл, соёлын дэд сайд Забихулла Мужахид мэдэгдсэнийг TOLO News хэвлэл иш татан мэдээлжээ.

Лалын террористуудын тэр бүлэглэл рүү дайрах үеэр зэвсэгт дайчдаас 19-ийг алж, 16-г баривчилсан гэж талибуудын төлөөлөгч тэмдэглэсэн байна. Тэр “Лалын улс зэвсэгт бүлэглэл бол зүгээр л төвөг учруулагч болохоос биш тийм ч аюул заналхийлэл биш” гэж Мужахид хэлжээ.

Тэр бас “Лалын улс” зэвсэгт бүлэглэлтэй тэмцэхэд АНУ-ын тусламж хэрэггүй, бид өөрсдөө бие даагаад тэмцэж чадна гэсэн байна.

Үүний зэрэгцээ сүүлийн үед Афганистаны нийслэл Кабул, Нангархар, Парван, Кунар мужуудад удаа дараа дэлбэрэлт болж байгаа хэмээн TOLO News хэвлэл сануулсан байна. Эдгээр дэлбэрэлтийн олонхийн хариуцлагыг “Лалын улс” зэвсэгт бүлэглэлийн төлөөлөгчид, тэдэнтэй холбоотой бүлэглэлүүд үйлдсэн гэж хүлээн зөвшөөрөөд байгаа юм.

Хамгийн сүүлд Кундуз мужийн Сеид-Абад сүмд баасан гаргийн өглөөний мөргөлийн үеэр болсон дэлбэрэлтээр 150 орчим хүн амь үрэгдэж 200 гаруй хүн янз бүрийн гэмтэл бэртэл авсан юм. Амь үрэгдэгсэд, шархдагсдын дотор хүүхэд багачуул олон байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

7 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...