Дэлхий дахинд

ЯПОН-ӨМНӨД СОЛОНГОСЫН ХАРИЛЦАА МУУДСАНЫ УЛМААС АНУ-ЫН ТӨЛӨӨЛӨГЧ ГАНЦААР ХЭВЛЭЛИЙН ХУРАЛД ОРОЛЦЖЭЭ

Нийтэлсэн

3 жил өмнө

2021-11-19

Нийтэлч

Өнгөрсөн өдрүүдэд Вашингтон хотод АНУ, Япон, Өмнөд Солонгосын гадаад хэргийн дэд сайд нарын гуравласан уулзалт болсон юм.

Уулзалтын төгсгөлд гурван улсын дэд сайд нар хамтарсан хэвлэлийн хурал зохион байгуулах төлөвлөгөөтэй байсан ч өчигдөр АНУ-ын төрийн департаментын нарийн бичгийн даргын орлогч Уэнди Шерман ганцаараа сэтгүүлчидтэй уулзжээ.

Мягмар гарагт Өмнөд Солонгосын үндэсний цагдаагийн газрын тэргүүн, генерал Ким Чан Ён хоёр улсын хооронд газар нутгийн маргаан үүсгэдэг Докдо аралд зочилсон нь үүнд нөлөөлсөн байна.

Дээрх үйл явдалтай холбоотойгоор Япон улсын гадаад хэргийн дэд сайд Такео Мори хамтарсан хэвлэлийн хуралд Өмнөд Солонгосын дэд сайд Чой Жон Күнтэй хамт оролцохоос татгалзжээ.

Тэнгисийн дунд орших хос хадан цохионоос бүрддэг Докдо (Японы тал Такешима гэдэг) арлыг хоёр улс олон жилийн турш булаацалдсаар ирсэн түүхтэй.

Дэлхийн Хоёрдугаар дайнд Япон улс ялагдсаны дараа Өмнөд Солонгос улс тус арлыг хяналтдаа авсан юм. Хүн амьдардаггүй Докдо арал дээр одоо Өмнөд Солонгосын харуул байрладаг.

Генерал Ким Чан Ён арлын харуул хамгаалалттай танилцахаар зочилсон юм байна. Зүүн Ази дахь АНУ-ын холбоотон Япон, Өмнөд Солонгос улсуудын хооронд газар нутгийн маргаанаас гадна 1910-1945 оны колоничлолын үеийн түүхтэй холбоотой олон зөрчил өнөөдрийг хүртэл үргэлжилсээр байдаг.

Эх сурвалж: Korea Times

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

5 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...