Эдийн засаг

ОУВС МОНГОЛЫН ИНФЛЯЦ ИРЭХ ОНД ТӨВ БАНКНЫ ЗОРИЛТОТ ТҮВШИНД БАЙНА ГЭЖ

Нийтэлсэн

3 жил өмнө

2021-12-02

Нийтэлч

Олон Улсын Валютын Сан гишүүн орнуудтай тогтмол хийдэг Дүрмийн 4-р заалтын зөвлөлдөх уулзалтын талаарх дүгнэлт, тайландаа Монголын эдийн засгийн талаарх голлох төсөөллүүдээ дэлгэрэнгүй танилцуулжээ.

Тухайлбал, 2020 онд 4.6 хувиар агшаад байсан Монголын эдийн засаг сэргэж 2021 онд 4.5%, 2022 онд 7% өснө гэж үзсэн байна. Харин инфляц ирэх онд 7% буюу төв банкны зорилтот түвшин орчимд тогтворжино гэж төсөөлжээ. Өнгөрсөн саруудад ажиглагдсан инфляц нь импортын үнэд нөлөөлсөн түр зуурын хүчин зүйлээс шалтгаалсан гэдгийг онцолсон байна.

Хүснэгт 1. Монголын эдийн засгийн өсөлт ба инфляцын төсөөлөл

	2020 оны гүйцэтгэл	2021 оны төсөөлөл	2022 оны төсөөлөл
Эдийн засгийн өсөлт	-4.6%	4.5%	7%
Инфляц	2.3%	7.5%	7%

Эх сурвалж: ОУВС

Эдийн засгийн төлөв ийнхүү сайн байгаа ч тодорхой бус байдал бий тул бодлогын дэмжлэгийг үргэлжлүүлэх нь зүйтэй гэж үзэж буй. Тухайлбал, тус тайланд “Дэлхийн эдийн засгийн сэргэлт, бодлогын дэмжлэг болон суурь үеийн нөлөөгөөр 2020 онд хүчтэй унасан Монголын эдийн засаг 2021 онд 4.5 хувиар өсөх төлөвтэй байна. 2022-2023 онд Оюу толгойн зэсийн уурхайн /гүний/ бүтээн байгуулалт дуусаж, ашиглалтад орсноор экспортыг дэмжиж, эдийн засгийн өсөлт хурдсах хүлээлттэй. Цар тахлыг өргөн хүрээнд хумьж чадвал дотоодын эрэлтийг нэмэгдүүлнэ. Гэхдээ цар тахлын учруулсан хохирлоос үүдэн эдийн засгийн гүйцэтгэл пандемикийн өмнөх трендээс доогуур байх хандлага дунд хугацаанд үргэлжилж болзошгүй байна. Эдийн засаг дахь нөөц ашиглалтаас үзэхэд инфляц төв банкны зорилтот түвшинд хадгалагдах төлөвтэй” гэжээ.

Мөн эдийн засгийн сэргэлт бэхэжтэл бодлогын дэмжлэгийг үргэлжлүүлэх шаардлагатай байж болох тухай онцолжээ. Нэмэлт төсвийн дэмжлэгүүдийг зорилтот бүлэг болон эрүүл мэндийн системийг сайжруулахад чиглэж зарцуулахыг зөвлөсөн байна. Мөнгөний бодлогын хувьд инфляцын өсөлт саарах хүлээлттэй байгаа тул одоогийн төлөвийг хэвээр хадгалж болохыг онцолсон байна.

Сэдвүүд:онцлох

Дэлгэрэнгүй ...

Эдийн засаг

“Moody’s” агентлаг Монгол Улсын зээлжих зэрэглэлийг ”В2,тогтвортой” хэмээн үнэллээ

Нийтэлсэн

7 өдөр өмнө

2024-11-19

Нийтэлч

24barimt

Олон улсын зээлжих зэрэглэл тогтоогч “Moody’s” агентлаг өнөөдөр Монгол Улсын зээлжих зэрэглэлийг 9 жилийн дараа ”В2, тогтвортой” болж сайжирсныг зарлалаа.

Өмнөх сард олон улсын зээлжих зэрэглэл тогтоогч “Fitch” агентлаг Монгол Улсын зээлжих зэрэглэлийг “В+тогтвортой”, “S&P” агентлаг “В+эерэг” гэж үнэлснээ дараалан зарлаж байсан юм.

Харин “Moody’s” агентлаг Монголын Улсын зээлжих зэрэглэлийн үнэлгээ “B2, Тогтвортой” болж сайжрахад дараах хүчин зүйлс нөлөөлснийг онцолжээ.

Ингэхдээ Засгийн газрын өрийн дарамтыг сүүлийн жилүүдэд тогтвортойгоор бууруулсан, Өрийн зохистой удирдлага, төсвийн сахилга батын үр дүнд Засгийн газрын ирэх жилүүдийн дахин санхүүжилтийн эрсдэл буурсан, Эдийн засаг тогтвортойгоор өсөж, ДНБ-ий хэмжээ болон түүний бодит өсөлт нэмэгдсэн хэмээн тайланд дурдсан байна.

Манай улсын хувьд өнгөрсөн хугацаанд дэлхий нийтийг хамарсан цар тахал, геополитикийн зэвсэгт мөргөлдөөний сорилттой он жилүүдэд Засгийн газраас авч хэрэгжүүлсэн санхүү, төсвийн сахилга бат, өрийн удирдлагын оновчтой бодлогын үр дүнд зээлжих зэрэглэлийг бууруулахгүйгээр тогтвортой хадгалсан учраас олон улсын нэр хүнд бүхий 3 агентлагийн үнэлгээг ийнхүү авч чадлаа.

Зээлжих зэрэглэл нь тухайн улсын төр, хувийн хэвшил, банк санхүүгийн байгууллагын гадаадын хөрөнгө оруулалт татах, хөрөнгө оруулалтын зардлыг бууруулахад нөлөөлдөг тул эдийн засгийн хөгжлөө дэмжих, тогтвортой өсөлтийг бий болгоход чухал ач холбогдол өндөр үзүүлэлт юм.

Мөн Засгийн газрын гадаад бондуудын үнэ цэнэ нэмэгдэх төдийгүй бусад арилжааны банкууд, хувийн хэвшлийн компанийн зээлжих зэрэглэл дагаж сайжрах нөхцөл бүрдэж байгаа юм гэж Монгол Улсын Сангийн яамнаас мэдээллээ.

Дэлгэрэнгүй ...

Эдийн засаг

“Эрдэнэс Тавантолгой” ХК дотоодын зах зээлд гаргасан бондын төлбөрөө бүрэн төлж барагдуулжээ

Нийтэлсэн

2 долоо хоног өмнө

2024-11-12

Нийтэлч

24barimt

“Эрдэнэс Тавантолгой” ХК хэрэгжүүлж буй төсөл, хөтөлбөрүүдийг санхүүжүүлэх зорилгоор 2021-2022 онд дотоодын зах зээлд төгрөгийн болон ам.долларын “ЭТТ-БОНД”-ыг нээлттэй гаргасан. Тодруулбал, төгрөгийн 6.2 сая ширхэг бонд арилжиж 620.0 тэрбум төгрөг, ам.долларын 0.6 сая ширхэг бонд арилжиж 64.2 сая ам.долларын хөрөнгө оруулалт тус тус татан төвлөрүүлсэн.

Татан төвлөрүүлсэн төгрөг болон ам.долларын “ЭТТ-бонд”-ын үндсэн төлбөр болох 802.8 тэрбум төгрөгийг 177.7 тэрбум төгрөгийн хүүгийн хамт нийт 980.4 тэрбум төгрөгийг өөрийн эх үүсвэрээр хугацаанд нь буюу 2024 онд бүрэн төлж барагдууллаа.

Нийт төлсөн бондын төлбөр болох 980.4 тэрбум төгрөгийг эргэн төлөх хуваарийн дагуу 15.6 тэрбум төгрөгийг 2021 онд, 74.7 тэрбум төгрөгийг 2022 онд, 552.6 тэрбум төгрөгийг 2023 онд, 337.6 тэрбум төгрөгийг 2024 онд тус тус төлсөн байна.

Ингэснээр “Эрдэнэс Тавантолгой” ХК дотоодын зах зээлд төсөл хөтөлбөр санхүүжүүлэхээр гаргасан ЭТТ-бондын төлбөрийг хүүгийн хамт хугацаанд нь өөрийн эх үүсвэрээр бүрэн төлж барагдуулан бондын өр, төлбөргүй боллоо.

Дэлгэрэнгүй ...

Эдийн засаг

Монголбанк: Аравдугаар сард 1.9 тонн үнэт металл худалдан авлаа

Нийтэлсэн

3 долоо хоног өмнө

2024-11-06

Нийтэлч

24barimt

Монголбанк 2024 оны 10 дугаар сард 1,902.5 кг үнэт металл худалдан авч, оны эхнээс өссөн дүнгээр 14.1 тонн үнэт металл худалдан аваад байна. Энэ нь өмнөх оны мөн үетэй харьцуулбал 0.6 хувиар буурсан үзүүлэлт байна.
Оны эхнээс өссөн дүнгээр Дархан-Уул аймаг дахь Монголбанкны хэлтэс 670.9 кг, Баянхонгор аймаг дахь Монголбанкны хэлтэс 1,085.7 кг үнэт металл тус тус худалдан авсан байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 10 дугаар сард алт худалдаж авах дундаж үнэ 292,856.04 төгрөг байв.