Дэлхий дахинд

НИГЕР УЛСЫН ХОТЫН ДАРГА $9 САЯЫН ҮНЭ БҮХИЙ ХАР ТАМХИ ТЭЭВЭРЛЭЖ ЯВААД БАРИГДЖЭЭ

Нийтэлсэн

3 жил өмнө

2022-01-04

Нийтэлч

Африк тивийн Нигер улсын нэгэн хотын дарга албаны пикап автомашиндаа хар захын ханшаар $9 саяын үнэ хүрэх 200 кг кокайн тээвэрлэж яваад баригдсан тухай тус улсын цагдаагийн газар Даваа гарагт мэдээлжээ.

Ням гарагт Нигерийн умард бүсийн эдийн засгийн төв Агадез хотын ойролцоох цөлийн зам дээр цагдаа нар автомашиныг зогсооход хотын дарга жолоочийн хамт зорчиж явсан гэнэ.

Нигерийн цагдаагийн байгууллага урьд өмнө нь ийм их хэмжээний хар тамхи илүүлж байгаагүйгээ мэдээлжээ.

Өмнөд Америкаас Европ тив рүү хар тамхи тээвэрлэдэг гол зам баруун Африкийн орнууд болоод байгаа.

Сүүлийн жилүүдэд энэ бүсийн улс орнуудад хар тамхитай холбоотой гэмт хэргийн илрүүлэлт эрс нэмэгдсэн юм байна.

Өнгөрсөн аравдугаар сард Сенегал улс Атлантын далайн эргийнхээ ойролцоо хоёр тонн цэвэр кокайн ачсан усан онгоц илрүүлж байжээ.

Өнгөрсөн оны нэгдүгээр сард Гамби улсын эрх баригчид Өмнөд Америкийн Эквадороос ирсэн гурван тонн кокайн бүхий усан онгоцыг саатуулж байв.

Европын зах зээлд мансууруулах бодисын эрэлт нэмэгдсэнтэй холбоотойгоор Өмнөд Америкийн гэмт хэргийн бүлэглэлүүд Африк тивээр дамжуулах ачааныхаа хэмжээг эрс нэмэгдүүлсэн тухай Интерпол байгууллагын хар тамхитай тэмцэх албаны тэргүүн Ян Драпал өнгөрсөн онд хэвлэлд ярьж байжээ.

Эх сурвалж: CNN

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

45 мин өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...