САУДЫН АРАБЫН ЭРХ БАРИГЧИД $80 ТЭРБУМЫН ХӨРӨНГИЙГ БАЯЛГИЙН САНДАА ШИЛЖҮҮЛЖЭЭ

Нийтэлсэн

3 жил өмнө

2022-02-14

Нийтэлч

Саудын Арабын эрх баригчид тус улсын төрийн өмчит Сауди Арамко газрын тосны компанийн 4 хувийг үндэсний баялгийн сандаа шилжүүлэх шийдвэр гаргажээ.

Энэ нь одоогийн ханшаар $80 тэрбумтай тэнцэх хөрөнгө юм.

Дэлхийн хамгийн том газрын тос экспортлогч Саудын Арабын эдийн засгийн гол тулгуур нь Сауди Арамко компани гэдэг.

Энэ шийдвэр нь улс орныхоо эдийн засгийн газрын тосноос хамаарах хамаарлыг багасгах зорилтын нэг хэсэг болохыг тус улсын дефакто удирдагч, угсаа залгамжлах хунтайж Мохаммед Бин Салман мэдэгджээ.

Саудын Араб улс баялгийн сангийнхаа хөрөнгийн хэмжээг 2025 он гэхэд $1 их наядад хүргэх зорилготой байгааг тэр бас хэлсэн байна. Одоо тус сангийн хөрөнгийн хэмжээ $500 тэрбумд хүрээд байгаа.

Ингэснээр Саудын Араб улс баялгийн сангийн хөрөнгийн хэмжээгээр Норвеги улстай өрсөлдөх түвшинд хүрэх юм.

Өнөөдөр дэлхийн хамгийн томд тооцогддог Норвеги улсын баялгийн сан $1.3 их наядын хөрөнгөтэй. Сингапурын Temasek хөрөнгө оруулалтын сангийн хэмжээ $300 гаруй тэрбум юм.

Сауди Арамко компани 2021 оны гуравдугаар улиралд $30.4 тэрбумын ашиг олсон нь өмнөх оны мөн үеийн $18.8 тэрбумаас огцом өссөн үзүүлэлт болсон байна.

Эх сурвалж: The Guardian

Сэдвүүд:онцлох

Дэлгэрэнгүй ...

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...