Дэлхий дахинд

ПУТИН САЙД НАРТАЙГАА УУЛЗАХДАА ЯАГААД ХОЛ ЗАЙТАЙ СУУСНЫГ КРЕМЛИЙН ХЭВЛЭЛИЙН АЛБА ТАЙЛБАРЛАВ

Нийтэлсэн

3 жил өмнө

2022-02-15

Нийтэлч

Даваа гарагт ОХУ-ын ерөнхийлөгч Владимир Путин засгийн газрынхаа гол сайд нартай уулзахдаа урт ширээний хоёр захад суусан байсан нь хэвлэлүүдийн анхаарлыг татсан юм.

Эхлээд Путин гадаад хэргийн сайд Сергей Лавровтой уулзахдаа нэлээд хол зайтай суусан байсан нь Кремлиэс гаргасан албан мэдээний зурагт дүрслэгдсэн байв.

Дараа нь тэр батлан хамгаалахын сайд Сергей Шойгутай уулзахдаа мөн адил урт ширээний ард, хоорондоо нэлээд зайтай суусан байжээ.

Энэ талаар өчигдөр Кремлийн хэвлэлийн албаны дарга Дмитрий Песков сэтгүүлчдэд тайлбарласан байна.

“Энэ бол коронавирусийн халдвараас сэргийлсэн арга хэмжээ. Ийм зайтай суух нь ажил хэрэгт ямар нэг байдлаар нөлөөлөөгүй. Төрийн тэргүүн бүрэн мэдээлэл авч, уулзалт яриа амжилттай болсон” гэж Песков мэдэгджээ.

Өнгөрсөн долоо хоногт Франц улсын ерөнхийлөгч Эммануэл Макронтой уулзахдаа Путин бас урт ширээний хоёр үзүүрт, дөрвөн метрийн зайтай сууж байв.

Уулзалтын өмнө Францын тал Оросын эмчээр ерөнхийлөгчөөсөө шинжилгээ авахуулахыг хүсээгүй тул ингэж зай барьсан тухай хэвлэлүүд сүүлд мэдээлсэн юм.

Сүүлийн өдрүүдэд ОХУ даяар коронавирусийн халдвар тархалт эрчимтэй нэмэгдэж байгаа нь эрх баригчдыг Кремлийн ордонд хорио цээрийн хатуу дэглэм хэрэгжүүлэхэд хүргэсэн бололтой.

Эх сурвалж: Russia Today

Сэдвүүд:онцлох

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...