Дэлхий дахинд

ОЛИМПЫН ЦАНЫН ТЭМЦЭЭНД ӨРСӨЛДСӨН ФИНЛАНДЫН ТАМИРЧИН БЭЛГЭ ЭРХТНЭЭ ХӨЛДӨӨЖЭЭ

Нийтэлсэн

3 жил өмнө

2022-02-21

Нийтэлч

Бямба гарагт Бээжин 2022 өвлийн олимпын наадмын бөөн гараатай гүйлтийн цанын төрөлд уралдсан Финландын тамирчин бэлгэ эрхтнээ хөлдөөсөн тухай хэвлэлд ярьжээ.

Эрэгтэйчүүдийн 50 км-ийн уралдаан Бямба гарагт Жанчхүү хотын ойролцоо зохион байгуулагдсан юм. Тухайн өдөр цаг агаарын нөхцөл байдал муу, маш их хүйтэн салхитай байжээ.

Зохион байгуулагчид тэмцээнийг нэг цагаар хойшлуулж, эцэст нь уралдах зайг 30 км болгож богиносгосон байна.

Гэвч авсан арга хэмжээ нь тамирчдыг хүйтэн салхинаас хамгаалж чадаагүй гэнэ.

“Тэмцээн дуусахад миний биеийн аль хэсэг багахан хөлдсөн байсныг таагаарай. Энэ бол миний амьдралдаа үзсэн хамгийн хэцүү тэмцээн байлаа. Жинхэнэ тулаан болж өнгөрлөө” гэж Финландын 24 настай тамирчин Реми Линдхолм хэвлэлд ярьсан байна.

Тэрбээр тэмцээний дараа биеийн хөлдсөн хэсэгтээ халуун жин тавьжээ. “Биеийн хөлдсөн хэсэг гэсэж эхлэхэд тэсэхийн аргагүй өвдөлт мэдрэгдсэн” гэж Линдхолм ярьсан байна.

Энэ нь түүний хувьд анхны тохиолдол биш гэнэ. 2021 онд Финландын Рука цанын баазад болсон тэмцээнд оролцохдоо Линдхолм бас нууц эрхтнээ бага зэрэг хөлдөөж байжээ.

Энэ удаа тэрбээр 30 км-ийн зайг 1 цаг, 15 минут, 55 секундэд туулж, 61 тамирчнаас 28 дугаар байрт орсон байна.

Тэмцээнд Оросын Александр Большунов, Иван Якимушкин нар алт, мөнгөн медаль, Норвегийн Симен Хегстад Крюгер хүрэл медаль зүүжээ.

Эх сурвалж: Reuters

Сэдвүүд:онцлох

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...