Дэлхий дахинд

ОРОС, УКРАИН УЛСУУДЫН ДЭЛХИЙН ЭДИЙН ЗАСАГТ ҮЗҮҮЛЭХ НӨЛӨӨ

Нийтэлсэн

3 жил өмнө

2022-02-22

Нийтэлч

АНУ-ын ерөнхийлөгч Барак Обамагийн зөвлөх асан, Харвардын их сургуулийн эдийн засагч Жэсон Фурмэн өчигдөр Нью-Йорк Таймс сонинд Орос, Украин улсуудын дэлхийн эдийн засагт үзүүлэх нөлөөний талаар ярьжээ.

Өчигдөр ОХУ-ын цэрэг Украинаас салан тусгаарласан Донецк, Луганск мужуудад орсон нь Европ тивд шинэ дайн эхлэх нөхцөлийг бүрдүүлээд байна.

Үүний үр дүнд дэлхийн эдийн засагт томоохон хямрал үүсэхээс хөрөнгө оруулагчид болгоомжилж байгаа.

“Орос улсыг аварга том байгалийн хийн станц гэж ойлгож болно. Бусдаар бол дэлхийн эдийн засагт үзүүлэх нөлөө бага юм” гэж Фурмэн ярьжээ.

Хэдийгээр байгалийн нөөц арвинтай ч Оросын эдийн засгийн хэмжээ Бразил улсынхтай ойролцоо хэмжээтэй. Итали, Өмнөд Солонгос зэрэг Оросын хүн амын талд хүрэхгүй хүн амтай улсуудын эдийн засгаас бага юм.

Гэхдээ Оросын газрын тос, байгалийн хийн экспорт нь дэлхийн эдийн засагт чухал нөлөөтэй болохыг Фурмэн онцолжээ.

Тухайлбал Европын Холбоо нийт байгалийн хийн хэрэглээнийхээ 80 хувийг ОХУ-аас импортоор авдаг. Нийт Европ тивийн газрын тосны импортын 27 хувь, байгалийн хийн импортын 41 хувь Оросоос нийлүүлэгддэг байна.

Эрчим хүчний хомсдолтой байгаа Европын Холбоонд ОХУ-аас нийлүүлдэг түүхий эд тасарвал гамшиг болох юм.

Украин улсын хувьд дэлхийн үр тарианы гол нийлүүлэгчдийн нэг.

Тус улсын үр тарианы экспортын 40 орчим хувь Ойрх Дорнод, Африк тивийн зах зээлд нийлүүлэгддэг байна.

Хэрвээ дээрх бүс нутгуудад үр тарианы хомсдол үүсвэл Америкийн фермерүүд гарцаа нэмэгдүүлэх боломжтойг АНУ-ын хөдөө аж ахуйн сайд Том Вилсак өнгөрсөн Бямба гарагт мэдэгдэж байжээ.

Украин улс дэлхийн нийт үр тарианы экспортын 12 хувийг хангадаг. Энэ экспорт тасалдвал АНУ-ын зах зээлд бараг нөлөөлөхгүй, харин Европ тивд муугаар нөлөөлөхийг Вилсак анхааруулсан юм.

Эх сурвалж: Business Insider

Сэдвүүд:онцлох

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...