КОРОНАВИРУСИЙН ХАЛДВАРЫН ШИНЭ ТОХИОЛДОЛ ДЭЛХИЙ ДАЯАР ГУРВАН ДОЛОО ХОНОГ ДАРААЛАН БУУРЛАА

Нийтэлсэн

3 жил өмнө

2022-02-24

Нийтэлч

Сүүлийн долоо хоногт коронавирусийн халдварын шинэ тохиолдлын тоо дэлхий даяар 21 хувь буурсан нь гурав дахь долоо хоногтоо дараалан буурсан үзүүлэлт болжээ.

Дэлхийн Эрүүл Мэндийн Байгууллага (ДЭМБ)-аас өчигдөр гаргасан долоо хоног тутмын тайланд өгүүлснээр сүүлийн долоо хоногт дэлхий даяар 12 сая гаруй халдварын шинэ тохиолдол бүртгэгдсэн байна.

Ижил хугацаанд Covid-19 өвчнөөр нас барсан хүний тоо 8 хувиар буурч, 67,000 орчимд хүрсэн нь энэ он гарсаар анх удаа буурсан үзүүлэлт болжээ.

Өнөөдрийн байдлаар зөвхөн Номхон далайн баруун бүсийн орнуудад л халдварын тохиолдол буурахгүй байгааг ДЭМБ мэдээлсэн байна.

Энэ бүсэд Япон, Өмнөд Солонгос, Хятад зэрэг улсууд багтдаг ба өнгөрсөн долоо хоногт бүртгэгдсэн халдварын шинэ тохиолдол нь 29 хувиар өсжээ.

Дэлхийн бусад бүх бүс нутгуудад халдварын шинэ тохиолдол буурч байна. Нас баралтын тоо Номхон далайн баруун бүс болон Африк тивд өсөж, бусад бүс нутгуудад буурчээ.

Одоогийн байдлаар өвчлөл хамгийн өндөр байгаа улсуудыг ОХУ, Герман, Бразил, АНУ, Өмнөд Солонгос тэргүүлж байна.

Геномын дараалал тогтоох шинжилгээнд хамрагдсан нийт халдварын тохиолдлуудын 99 хувиас Омикрон хувилбарын вирус илэрч байгааг ДЭМБ мэдээлжээ.

Эх сурвалж: Associated Press

Сэдвүүд:онцлох

Дэлгэрэнгүй ...

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...