Эрүүл мэндийн яамыг төлөөлж Санхүү, эдийн засгийн газрын дарга Э.Мөнхсүлд дээрх багажийн хандивыг хүлээн авсан бөгөөд сум, өрхийн эрүүл мэндийн байгууллагуудад шуурхай хуваарилан олгох болно гээд дээрх дэмжлэгийг үзүүлсэн явдалд талархал илэрхийлээ.

Уулзалтад Элчин сайдын яамнаас Эдийн засгийн асуудал хариуцсан атташе Жак Конард, Иргэн цэргийн дэмжлэг багийн ахлагчТравис Манн, Иргэн цэргийн дэмжлэг багийн эмнэлгийн ажилтан Закари Шимли, Эдийн засгийн ажилтан П.Дарьсүрэн нар байлцлаа.

Монгол Улсын Шадар сайд С.Амарсайханы 2024 оны 12 дугаар сарын 04- ний өдрийн 113 дугаар тушаалаар Нийслэлийн иргэдийн хүнсний хэрэгцээнд нийлүүлж буй мах махан бүтээгдэхүүн, жимс, хүнсний ногооны чанар, аюулгүй байдалд хяналт шалгалт хийж, дүгнэлт гаргах чиг үүрэг бүхий хамтарсан ажлын хэсэг байгуулагдсан. Хамтарсан ажлын хэсэг Нийслэлийн Амгалан зах, Баялаг ундраа, Баянзүрх зах, Хүчит шонхор, Наран туул-2, Хархорин худалдааны төв болон 21 аймгийн зах худалдааны төвүүдэд хяналт шалгалт хийлээ. Энэхүү хяналт шалгалтын явцад илэрсэн дүнг Үндэсний Итгэмжлэлийн төвийн дарга С.Ням-Эрдэнэ, МЭЕГ-ын Мал Эмнэлгийн Хяналт Баталгаажуулалтын газрын дарга Б.Батсүх танилцууллаа.

Амгалан зах, Баялаг-Ундраа, Баянзүрх зах, Хүчит шонхор, Наран туул-2, Хархорин худалдааны төвийн хүнсний лабораторид хяналт, шалгалт хийхэд Зургаан лабораторийн тав нь итгэмжлэгдээгүй зөрчил илэрсэн байна.

-Махны дээжээс авсан шинжилгээний хариу гараагүй байхад худалдан борлуулж байсан

-Нийслэлийн мал эмнэлгийн газар улиралд нэг удаа хяналтын дээж шинжилдэг, хяналтын хугацаа хэт хол

-Лаборатори нь Итгэмжлэгдээгүй байхад иргэдээс мөнгө авч шинжилгээ явуулдаг гэх мэт зөрчил илэрсэн байна.

МАЛ ЭМНЭЛГИЙН БАЙГУУЛЛАГААС НИЙСЛЭЛИЙН ДОЛООН ХУДАЛДААНЫ ТӨВД БОРЛУУЛАГДАЖ БАЙГАА МАХ МАХАН БҮТЭЭГДЭХҮҮНЭЭС ДЭЭЖ АВЧ ШИНЖИЛСЭН БАЙНА.

Үхрийн мах, Хонины мах, Ямааны мах, Адууны мах, Тэмээний мах, дайвар бүтээгдэхүүнээс нийт 58 сорьц авч, гурван төрлийн шинжилгээ хийжээ. Шинжилгээгээр ноцтой зөрчил илрээгүй байна. Харин

-Махны хадгалалт, худалдаалалтын үеийн температурын хяналт тавьж, бүртгэл хөтлөөгүй

-Ажиллагсад зориулалтын ажлын хувцас, малгай, бээлий өмсөөгүй

-Худалдаанд хэрэглэх сав, суулга, хутга, багаж хэрэгслийг цэвэрлэж халдваргүйжүүлэх тусдаа цэггүй

-Махыг эвдэж жижиглэж шулах байрны ханын зарим хэсгээрээ хуурч унасан, цэвэрлэж халдваргүйжүүлэхэд тохиромжгүй

-Худалдааны төвийн дэргэдэх мал эмнэлгийн лабораторид орох хэсэг оффисын ажилчдын өрөөтэй давхацсан, урсгал буруу гэх мэт зөрчил илэрсэн байна.

Монгол Улсын Шадар сайд С.Амарсайханы 2024 оны 12 дугаар сарын 04-ний өдрийн 113 дугаар тушаалаар Нийслэлийн иргэдийн хүнсний хэрэгцээнд нийлүүлж буй мах махан бүтээгдэхүүн, жимс, хүнсний ногооны чанар, аюулгүй байдалд хяналт шалгалт хийж, дүгнэлт гаргах чиг үүрэг бүхий хамтарсан ажлын хэсэг байгуулагдсан.

Хамтарсан ажлын хэсэг 2024 оны 12 дугаар сарын 12-ноос 2024 оны 12 дугаар сарын 25-ны өдрийн хооронд Нийслэлийн Амгалан зах, Баялаг ундраа, Баянзүрх зах, Хүчит шонхор, Наран туул-2, Хархорин худалдааны төв болон 21 аймгийн зах худалдааны төвүүдэд хяналт шалгалт хийлээ. Энэхүү хяналт шалгалтын явцад илэрсэн дүнг СХЗГ-ын дарга С.Батбаатар танилцууллаа.

Стандарт хэмжил зүйн газар худалдаа эрхлэгчдийн жин хэмжүүрт хяналт шалгалт хийхэд:

-Загварын туршилтад хамрагдаагүй хэмжих хэрэгсэл ашигласан- 21

-Хэмжих хэрэгслийн баталгаажуулалтын гэрчилгээний хүчинтэй хугацаа дууссан- 46

-Хэмжих хэрэгслийн баталгааны лацны бүрэн бүтэн байдал алдагдсан-9 зөрчил илэрсэн байна.