Дэлхий дахинд

Лос-Анжелесийн түүхэн дэх хамгийн их хохирол дагуулсан гал түймэрт нийт 7500 гал сөнөөгч ажиллаж байна

Нийтэлсэн

3 сар өмнө

2025-01-10

Нийтэлч

АНУ-ын Калифорни мужийн баруун өмнөд эргийн бүсэд ойн зургаан түймэр идэвхтэй асаж байна. Лос-Анжелесийн түүхэн дэх хамгийн их хохирол дагуулсан гамшигт үзэгдэл болоод буй гал түймэрт нийт 7500 гал сөнөөгч 5 галын голомтод ажиллаж байна.

Ой хээрийн түймэрийн таван том голомтод хамгийн их хохиролтой 4 хотын нөхцөл байдлын талаар тоймлон хүргэж байна.

1. Палисадад 18500 акр талбай шатсан, суурь үйлчилгээний байгууллагууд бүрэн хаагдсан, иргэдийг нүүлгэн шилжүүлсэн. Тус хот хээрийн түймэрт 75%-аар өртсөн байна.

2. Этони хотод 10,000 акр талба шатсан, иргэдийг түр хорогдох байранд нүүлгэн шилжүүлсэн,

3. Сансет хотод иргэдийг нүүлгэн шилжүүлэх үүрэг өгсөн. АНУ-ын Лос-Анжелас хотод байрлах алдарт Hollywood бичвэр түймэрт өртөх эрсдэл нүүрлээд байна.

4. Харст тосгоны түймэрт бусад хотуудтай харьцуулахад бага акр талбай хамраад байна. Нийт 1000 акр талбайг хамарсан байна.

Хамгийн их хохирол амссан Лос-Анжелас хотод нийт 207,857 оршин суугч холбоонд орох боломжгүй байдалд байна.

Дээрх хотуудын оршин суугчдад утаажилтын түвшин дээд хэмжээнд хүрсэн тул аль болох орон гэрээсээ гарахгүй байх, бэлтгэл бэлэн байдлаа хангах, дасгал хөдөлгөөн хийхгүй байх, хамгийн гол нь амны хаалт зүүж, тайван байхыг анхааруулсан байна.

Нүүлгэн шилжүүлсэн хотуудад АНУ-ын дэд ерөнхийлөгч Камила Харисон, Бен Афлек, Парис Хилтон зэрэг алдартнуудын амины орон сууцууд түймэрт өртсөн бөгөөд хээрийн түймрийн улмаас нийт 100 тэрбум ам.долларын хохирол учраад байгаа аж. Тухайлбал Лос-Анжелес хотын Эргүүлийн албанаас Үндэсний гвардаас нэмэлт тусламж хүссэн байна. Өнөөдрийн байдлаар Үндэсний гвардын 400 орчим гишүүд хэв журам сахиулах, түр хорогдох байрыг зохион байгуулах, урьдчилан сэргийлэх зөвлөмжүүдийг хүргүүлэн ажиллаж байгаа юм байна.

Сэдвүүд:онцлох

Дэлгэрэнгүй ...

Дэлхий дахинд

БНСУ даяар галын нөхцөл байдал ноцтой түвшинд хүрснийг зарлалаа

Нийтэлсэн

1 долоо хоног өмнө

2025-03-26

Нийтэлч

24barimt

2025 оны гуравдугаар сарын 26-ны өглөөний 07:30 цагийн байдлаар БНСУ даяар галын нөхцөл байдал ноцтой түвшинд хүрсэн гэж зарласан бөгөөд энэ нь гал түймрийн хамгийн дээд түвшин юм.

Одоогийн байдлаар нас барсан хүмүүсийн тоо 18, түлэгдэж угаартсан хүмүүсийн тоо 19 болж, нийт 37 хүн амь нас, эрүүл мэндээрээ хохирсон байна.

Гал түймрийн гарал үүсэл нь тодорхой болж эхэлсэн бөгөөд салют буудуулах болон талийгаачийн булш эргэж байх үед гал алдсан нь гол шалтгаан болсон гэж үзэж байна.

Мөн аюултай нөхцөл байдал үүссэнтэй холбогдуулан нийт 27,000 орчим иргэнийг аюулгүй газар нүүлгэн шилжүүлж, 1,600 иргэнийг түр хоргодох байранд байрлуулжээ.

Гал сөнөөгчид болон цэргийн 5000 гаруй албан хаагч, 146 нисдэг тэрэг дайчлагдан ажиллаж байгаа ч хуурай салхи, хүнд нөхцөл байдлаас болж унтраахад хүндрэлтэй байна.

Гуравдугаар сарын 26-ны үдээс хойш хүчтэй салхи шуурах төлөвтэй байгаа тул иргэдийг аюултай нөхцөл байдлаас урьдчилан сэргийлж, хяналттай байхыг анхааруулж байна.

Консулын газар нь галын голомтын аюултай бүсэд оршин суугаа Монгол Улсын иргэддээ яаралтай үед холбогдох шуурхай утсыг ажиллуулж байна гэж Пусан хотод суугаа Консулын газраас мэдээллээ.

Дэлгэрэнгүй ...

Дэлхий дахинд

Сөүл хотод авто зам цөмөрч мотоциклтой иргэн унажээ

Нийтэлсэн

1 долоо хоног өмнө

2025-03-25

Нийтэлч

24barimt

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.

Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.

Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.

Одоогоор зам цөмөрсөн шалтгааныг тодруулахаар ажиллаж байна.

Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.

Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.

Дэлгэрэнгүй ...

Дэлхий дахинд

Өмнөд Солонгос даяар 30 шахам ой хээрийн түймэр гарав

Нийтэлсэн

2 долоо хоног өмнө

2025-03-24

Нийтэлч

24barimt

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.

Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.

Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.

29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.

Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.

Дэлгэрэнгүй ...