Нийгэм

Тэмцэгч нэртэй салбадай нарт тооцох хариуцлага байна уу?

Нийтэлсэн

2 сар өмнө

2025-01-29

Нийтэлч

Admin

Нэгэн үе хятадууд төмөр замаар танктай орж ирээд Монголыг эзэлнэ гэсэн онигоо шиг зохион байгуулалттай ажиллагаанд итгэдэг хүмүүс ч цөөрч, гар утас атгаж, чанга дуугаар орилж хашгирсан болгон үнэнийг өгүүлэгч бус өдөөн хатгагчид байх нь олонтаа гэдгийг ойлгодог болоод байгаа.

Гэвч live гэдэг зэвсгээр зэвсэглэн, хоолой амаа чахруулан тэмцэл нэртэй “АЖИЛ” хийдэг хүмүүс хаанаас ч юм бэ гарч ирээд хэнтэй ч хамаагүй хэрэлдэж,уралцаж, эрүүл галзуу нь мэдэгдэхгүй энд тэнд бужигнуулдаг “МЭРГЭЖИЛ”-ийн “ТЭМЦЭГЧИД” нэртэй хутган үймүүлэгсэд хаанаас ч юм бэ гарч ирээд хаа сайгүй тэнүүчилсэн хэвээр байна.

Тэдний гол бай нь ГАДААДЫН ХӨРӨНГӨ ОРУУЛАГЧИД. Хаана ямар уурхай, төсөл нээгдэж, хөдөлж байна, тэнд очиж ухаж төнхөж, уугуул оршин суугчид, уурхайд ажиллагсдыг өдөөн хатгаж, ТЭМЦЭЛ өрнүүлэн баахан дөвчигнөөд чимээ алдран алга болдог.

Тэдний зан авирыг харахад андашгүй хашгирна, орилно, үг холбон шүлэглэнэ. Эх орон, газар шороо, эгэл хөдөлмөрчин ардууд, уурхайчид гээд зүрх зүсэм үгсийг толгой холбон олны сэтгэл зүйгээр наадна. ҮР ДҮН-д нь баахан хүмүүс айлгаж ичээж, ажлыг нь гацааж, хэдэн төгрөг халаасалж аваад арилж өгдөг нь нууц биш. Бараг ихэнх ийм тэмцэгчдийг хүмүүс ч таньдаг болсон. Бүр зарим нь өөрт таалагдаагүй төсөл, уурхай, үйл ажиллагааг хорлох, зогсоох саатуулахын тулд урин залж, мөнгө амлаж АЖИЛЛУУЛДАГ.

Ард нь харин ХЭН хохирдог вэ? Тэдний дөвчигнөөнөөр хэвийн ажиллах байсан төсөл хөтөлбөр түр ч гэсэн зогсож, ажил нь доголдож, мөрөөрөө ажлаа хийж байсан жирийн иргэд ч хохирдог.

Яг үнэндээ хийрхэгчдийн далбаанд уурхайчид, ажилчид хохирдог.

Зүгээр л ажлаа хийж байгаагийнхаа төлөө Гадаадын хөл гар, янхан тавиул гэж сошиалаар буллидуулэн сэтгэл санаа, ажил хөдөлмөрөөрөө бүр гэр бүл хамаатан саднаараа олон нийтэд чичлэгдэн, сэтгэл санааны хямралд орон хохирсон тохиолдлууд олон бийг үл нуршия.

Эцэст нь хаанаас ч юм бэ гарч ирээд хашгирч орилон хүмүүсийн турхирч хөрөнгө оруулагчдыг үргээж, ажлыг нь гацааж, хамгийн гол нь жирийн ажлаа хийж, амьдралаа залгуулж яваа хүмүүсийг хохироон өөрсдөө хөлжигч ТЭМЦЭГЧ нэртэй алиа салбадай нарт тооцох хариуцлага байна уу?

Хэлж өгөөч, хууль хяналтынхан. Иймэрхүү бүдүүлэг, бусармаг байдал хэдий хүртэл үргэлжлэх вэ?

Ард нь хэн хохирч байдаг гэдгийг та бүхэн ч бас бодоорой????

Сэдвүүд:

Дэлгэрэнгүй ...

Нийгэм

БНХАУ-д зорчих иргэдийн анхааралд

Нийтэлсэн

12 цаг өмнө

2025-04-02

Нийтэлч

24barimt

Манай улсын иргэд БНХАУ-д зорчихдоо анхаарал болгоомжгүй байдлаас болж гадаад паспорт, мөнгө зэрэг зүйлсээ гээгдүүлэх, олон нийтийн унаанд мартаж буух зэрэг тохиолдлууд нэлээд гарч байна.

Гадаад паспортаа гээгдүүлснээр зочид буудалд захиалга хийх боломжгүй болох, нислэгээ цуцлах зэрэг хүндрэлтэй асуудлууд үүсдэг. Энэ тохиолдолд холбогдох дүүргийн Цагдаагийн газарт бүртгүүлж бичиг баримтаа гээгдүүлсэн тухай бичиг авч, БНХАУ-ын НАХЯ-ны Хилээр орох, гарах газраас тус улсын хилээр гарах зөвшөөрөл хүсэж 5-7 хоног хүлээх зэргээр цаг хугацаа алдаж, санхүүгийн хохирол амсдаг.

Элчин сайдын яамны зүгээс паспорт, бичиг баримтаа гээгдүүлсэн иргэдэд буцах үнэмлэх олгох, тухайн иргэнд Хятад улсын хилээр гарах зөвшөөрөл гаргуулах зэргээр иргэний асуудлыг шийдвэрлэхэд дэмжлэг үзүүлэн ажилладаг.

Иймд БНХАУ-д зорчих Монгол Улсын иргэн Та хувийн хариуцлагаа нэмэгдүүлж, сонор сэрэмжтэй байж, гадаад паспорт болон мөнгө, эд зүйлсээ биеэсээ салгахгүй, анхааралтай аялахыг Элчин сайдын яамны зүгээс анхааруулж байна.

Иргэн Та БНХАУ-д зорчих үедээ бичиг баримтаа гээгдүүлсэн тохиолдолд Элчин сайдын яамны шуурхай утас болон цахим хуудсаар холбогдоно уу.

ЭСЯ-ны шуурхай утас : +86 176 0078 7323

+86(10) 6532 1203,

Цахим хаяг: beijing@mfa.gov.mn, beijing.consul@mfa.gov.mn

Дэлгэрэнгүй ...

Нийгэм

Бог малын мялзан өвчний тархвар зүйн системийн төв азийн орнуудын бүсийн уулзалт болж байна

Нийтэлсэн

16 цаг өмнө

2025-04-02

Нийтэлч

24barimt

Засгийн газрын хэрэгжүүлэгч агентлаг-Мал эмнэлгийн ерөнхий газар Дэлхийн мал амьтны эрүүл мэндийн байгууллага, НҮБ-ын Хүнс хөдөө аж ахуйн байгууллагатай хамтран Бог малын мялзан өвчнийг устгах үйл ажиллагааны чиглэлээр бүсийн уулзалт, хурлыг Монгол Улсад зохион байгуулж байна.

Хуралд Дэлхийн мал, амьтны эрүүл мэндийн байгууллагын Бүгд Найрамдах Франц Улсын Парис хотноо байрлах төвийн төлөөлөгчид, НҮБ-ийн ХХААБ-ын төлөөлөгчид, Бог малын мялзангийн олон улсын лавлагаа лаборатори Франц Улсын CIRAD-ын төлөөлөл, БНХАУ, ОХУ, Казакстан, Узбезстан, Гүрж, Киргизстан, Тажикстан, Туркменстан болон Дэлхийн мал, амьтны эрүүл мэндийн байгууллагын Зүүн Өмнөд Азийн бүсийн газрын төлөөлөгчид оролцож байна.

Бог малын мялзан өвчнийг Дэлхийн хэмжээнд хянах, устгах стратеги нь 2015 онд батлагдсан бөгөөд 2030 он гэхэд бог малын мялзан өвчнийг бүрэн устгах, мал эмнэлгийн үйлчилгээг сайжруулах, нөлөөлөх бусад халдварт өвчний нөлөөг бууруулах зорилтыг тавьсан.

Монгол Улсын Засгийн газар бог малын мялзан өвчнийг 2030 он гэхэд устгах зорилт бүхий энэхүү Дэлхийн хөтөлбөрийг бүрэн дэмжин ажиллаж байгаа. Сүүлийн жилүүдэд Монгол Улс болон хөрш орнуудад бүртгэгдсэн дэгдэлтүүд нь энэ өвчнийг устгахын тулд уялдаа холбоотой арга хэмжээ авах, мал эмнэлгийн үйлчилгээг бэхжүүлэх, хил дамнасан хамтын ажиллагааг сайжруулах шаардлагатайг харуулж байна.

Дэлхийн хэмжээнд Бог малын мялзан өвчнийг устгах хөтөлбөрийн хоёрдугаар үе шатанд нэвтрүүлсэн тархвар зүйн системийн (эписистемийн) чиг хандлага нь бог малын мялзан өвчнийг тархалтад нөлөөлж буй олон хүчин зүйлийг нэгтгэн авч үзэх замаар өвчнийг хянах, устгах стратегийг сайжруулах үр дүнтэй арга зам болох юм.

Энэхүү уулзалт, хурлыг Монгол Улсад зохион байгуулснаар бог малын мялзан өвчинтэй тэмцэх, устгах арга хэмжээг Дэлхийн мал, амьтны эрүүл мэндийн байгууллагын стандарт, заавар, зөвлөмжийн дагуу зохион байгуулж буйгаа хөрш зэргэлдээ орнуудад дэлгэрэнгүй танилцуулж, экспортыг нэмэгдүүлэх боломжийг бүрдүүлэх юм.

Дэлгэрэнгүй ...

Нийгэм

Жимс, жимсгэний талбайн тариалалт 70-80 хувийн ургалттай байна

Нийтэлсэн

16 цаг өмнө

2025-04-02

Нийтэлч

24barimt

ОБЕГ-ын дарга, хошууч генерал Г.Ариунбуян Булган аймгийн Хангал сум Хялганат тосгонд ажиллаж, Ой, хээрийн түймрээс урьдчилан сэргийлэх сургалт, судалгаа, туршилт, үйлдвэрийн төв-123 дугаар ангийн үйл ажиллагаатай танилцлаа.

Тус анги нь “Тэрбум мод” үндэсний хөдөлгөөний үйл ажиллагааг дэмжих, байгалийн доройтлыг бууруулах, нөхөн сэргээх, төрийн үйлчилгээг иргэдэд шуурхай хүргэх, албаны бэлтгэл, бэлэн байдлыг дээшлүүлэх зорилгоор Засгийн газрын тогтоолоор байгуулагдан, үйл ажиллагаа явуулж байна.

Байгуулагдсан цагаасаа хойш өвлийн дотор хүлэмжийн бортогонд үрээр нийт 67.540 үрсэлгээ хийж, 355.750 тарьц, суулгац, харандааг нөөцөлсөн.

Түүнчлэн Орхон аймгийн Жаргалант, Булган аймгийн Орхон суманд байрлах мод үржүүлгийн газрын жимс, жимсгэний талбайн тариалалт 70-80 хувийн ургалттай байгаа бөгөөд хавар, намрын тариалалтын хүрээнд тус талбайн сул хэсгийг 100 хувь ашиглан тарьц суулгац тариалахаар ажиллаж байна.

Мөн 10.000 ширхэг жимс, жимсгэний суулгацыг үндэслүүлж, намрын тариалалтын үеэр харьяа анги, байгууллагуудад нийлүүлэхээр төлөвлөж байгааг энэ үеэр танилцууллаа гэж ХХААХҮЯ-наас мэдээллээ.