Төв аймагт цаг агаарын нөхцөл байдал муудаж цас их хэмжээгээр орж, цасан шуургатай байгаа тул авто замын зорчих хэсэгт халтиргаа гулгаа үүсэж, тууш замын үзэгдэх орчин хязгаарлагдмал байна.

Мөн “Чингис хаан” Олон улсын нисэх буудлаас Улаанбаатар хотруу хүрэх тууш замд авто осол гарсан тул тус чиглэлийн замын хөдөлгөөнийг тодорхой бус хугацаагаар хаажээ.

Иймд зорчигч үйлчлүүлэгч та бүхэн нисэх буудлаас Улаанбаатар хотруу хүрэхдээ Төв аймгийн замыг сонгон анхаарал, болгоомжтой зорчихыг анхааруулав.

Орхон аймгийн ахмадын хорооны үйл ажиллагаатай танилцлаа.

Ахмадуудынхаа хөдөлмөр эрхлэлтийг дэмжих гар урлал, чийрэгжүүлэлтийн танхим, спортын өрөө зэрэг хэрэгцээт үйлчилгээгээр ханган, үйл ажиллагаа явуулдаг юм байна.

Цаашдаа бүсийн хэмжээнд ахмадуудынхаа нэгдмэл байдлыг хангаж, ахмадуудын нийгмийн асуудлын судалгаа хийхэд дэмжлэг үзүүлнэ.

Ахмад настны хуулийн шинэчилсэн найруулга энэ оны нэгдүгээр сарын 1-нээс хэрэгжиж эхэлсэн.

Хуулийг хэрэгжилтэд онцгойлон анхаарч, ахмадад нийгмийн үйлчилгээ хүргэх, жишиг загварыг гаргах хэрэгтэй байна.

Олон жил яригдсан ахмадын сан бодитой болгож хуульчилсан тул ахмадын холбоод үйл ажиллагаагаа тогтвортой явуулах ХӨШҮҮРЭГ нь болно.

Ахмад настны хөдөлмөр эрхлэлтийг дэмжиж хүрээнд 50 ба түүнээс дээш ажиллагсадтай аж ахуйн нэгжийн 2-оос доошгүй хувьд ахмад настан авч ажиллуулах хуулийг ахмадын холбоодтой хамтран хэрэгжүүлнэ.

Хувийн хэвшилд тулгуурласан идэвхтэй насжилтын төв байгуулахаар төлөвлөж байгаа.

Үүнд Орхон аймгийн ахмадын хөгжлийн төвийг бүсийн жишиг болгож, ажиллуулж, нөхцөл байдлын үнэлгээг хийх, эрүүл мэндийн түвшинг үнэлэх, хөдөлмөрийн чадварыг оношлох үйлчилгээг хэрэгжүүлнэ.

​Баянгол дүүргийн 22 дугаар хороонд гэр бүлийн зургаан хүн угаартсаны улмаас нас барсан байж болзошгүй харамсалтай хэрэг гарсан. Тодруулбал, өнгөрсөн нэгдүгээр сарын 23-24-нийг шилжих шөнө болсон гэх албан бус мэдээлэл байгаа юм. Энэ талаар цагдаагийн байгууллагаас тодрууллаа.

Цагдаагийн ерөнхий газраас өгч байгаа мэдээллээр, гэр бүлийн хүмүүс угаартсан байж болзошгүй нас барсан хэргийг шалгаж байгаа. Одоогоор мөрдөн шалгах ажил явагдаж байгаа учир мэдээлэл өгөх боломжгүй гэв.

Албан бус эх сурвалжийн хэлснээр гэр бүлийн хүмүүс тухайн шөнөдөө эмнэлгийн тусламж авч чадаагүй бөгөөд онцгойгийн алба хаагчид, цагдаагийн байгууллага, эмнэлгийнхэн очсон ч зургаан хүн бүгд нас барсан байж. Харин албаныхан нэг гэр бүлийн хүмүүс нас барсан хэргийн талаар мэдээлэл өгөхөөс татгалзаж байна.