“Эрдэнэс Тавантолгой” ХК 2025 оны хоёрдугаар сарын 20-ны өдөр Монголын Хөрөнгийн Биржээр дамжуулан 10 багц буюу 64.0 мянган тонн 1/3 коксжих нүүрс Ганцмод боомт хүргэж өгөх нөхцөлөөр амжилттай арилжаалж, 72.4 ам.долларт хэлцэл хийгдлээ. Биржийн арилжаа эхэлснээс хойш нийт 122 удаагийн арилжаагаар 2.86 тэрбум ам.долларын үнэлгээ бүхий 25.3 сая тонн нүүрс борлуулснаас нийт борлуулсан нүүрсний 48 хувийг 1/3 коксжих нүүрсний борлуулалт бүрдүүлж байна. Компани Тавантолгойн бүлэг ордын нөөцийг сорчлохгүй жигд ашиглах бодлогын хүрээнд сүүлийн 2 жилийн хугацаанд 1/3 коксжих нүүрсний борлуулалт 57 дахин нэмэгдсэн үзүүлэлттэй байна гэж “Эрдэнэс Тавантолгой” ХК-иас мэдээллээ.

Өнөөдрийн Засгийн газрын хуралдаанаар “1072 хувьцааны ногдол ашгийг олгох асуудлыг хэлэлцэж байна. Цагаан сарын өмнө 100 мянган төгрөг олгох шийдвэр гаргасан талаар “Эрдэнэс Тавантолгой” ХК-ийн гүйцэтгэх захирлын үүрэг гүйцэтгэгч Х.Мөнхжаргал мэдээллээ.

Тэрээр “Эрдэнэс Таван толгойн компанийн ТУЗ одоо хуралдах гэж байна. Сая Засгийн газрын хуралдаан дээр ногдол ашиг олгох танилцуулга хийсэн. Одоо ТУЗ хуралдаад, үлдсэн хэсгийн хоёр хуваах шийдвэр гаргах байх. Цагаан сараас өмнө 100 мянган төгрөг, дөрөвдүгээр сард 100 гаруй мянган төгрөг олгоно. Иргэдэд ногдол ашиг олгох нөөц бололцоо бүрэн бий. Ногдол ашиг хуваах чиглэлийг Засгийн газраас өгсөн. Эцсийн шийдвэрийг ТУЗ хуралдаж шийдвэрлэнэ. 2024 оны цэвэр ашгийн 84 орчим хувь нь ногдол ашиг болж тараагдана.

НӨАТ-ын урамшууллын сугалааны тохирол тааруулах шууд нэвтрүүлгийг хоёрдугаар сарын 19-нд 13.00 цагт ибаримт аппликейшн болон Боловсрол суваг телевизээр орон даяар шууд дамжуулна.

Иргэн та 2025 оны нэгдүгаар сарын 01-нээс 31-ний өдрийн хооронд худалдан авалт хийсэн цахим төлбөрийн баримтаа бүртгүүлж, сугалаандаа хамрагдана уу.