Forbes сэтгүүлийн шинжээчид хамгийн баян америкчуудын чансааг гаргахад 400 баяны хөрөнгө өмнөх оныхоос долоон хувиар өсч нийтдээ $2,9 их наяд доллар  болсон дээд хэмжээг тогтоожээ. Энэ их мөнгөний тэн хагасыг  45 хүн эзэмшиж байна.
Сэтгүүлд тэмдэглэснээр АНУ-ын Ерөнхийлөгч Дональд Трамп 400 баяны чансаанд 138 шатаар доошилсон байв. 2017  онд Америкийн лидер чансааны 248 дугаарт бичигдэж байлаа. Хөрөнгийг нь  3,1 тэрбум доллар гэж үнэлсэн байна. 2016 онд тэр чансааны 156-д бичигдэж байсан юм. Харин энэ удаа хэдэд бичигдсэнийг сэтгүүл хэлсэнгүй.

АНУ-ын хамгийн баян топ 10-т хэн байна вэ?

1. Жефф Безос

Хөрөнгө: $160 тэрбум
Нас: 54
Баялгийн эх сурвалж: Amazon

Жефф Безос нь  интернет-компани  Amazon.com, агаар сансрын компани Blue Origin зэргийг үүсгэн байгуулагч бөгөөд The Washington Post хэвлэлийн газрын эзэн юм. Тэр мөн “Стартрек: Хязгааргүй”  киноны харь гаригийн хүний дүрийг бүтээж байв.

2. Билл Гейтс

Хөрөнгө: $97  тэрбум
Нас: 63
Баялгийн эх сурвалж: Microsoft

Microsoft компанийн томоохон хувьцаа эзэмшигч асан, ажил хэрэгч, нийгмийн зүтгэлтэн, ивээн тэтгэгч ба компанийг үндсэн байгуулагчийн нэг.
2008 оны зургадугаар сар хүртэл  компанийг удирдсаны дараа компанийн захирлуудын зөвлөлийн  гүйцэтгэх бус  дарга болсон байна.

Билл ба Мелинда Гейтс  буяны сангийн дарга нарын нэг бөгөөд Berkshire Hathawayсангийн захирлуудын зөвлөлийн гишүүн, Cascade investment-ийн ерөнхий захирлыг хийж байна.

3. Уоррен Баффетт

Хөрөнгө: $88,3 тэрбум
Нас: 88
Баялгийн эх сурвалж: Berkshire Hathaway

Америкийн ажил хэрэгч Уоррен Баффетт нь дэлхийн хамгийн нэртэй хөрөнгө оруулагч юм. Мөн хүн төрлөхтний түүхэн дэх хамгийн том ивээн тэтгэгч.

2010 оны зургадугаар сард тэрбээр өөрийн хөрөнгөө 100 хувь буюу $97 тэрбум долларыг буяны таван санд дамжуулжээ.

Тэр хөрөнгийн ихэнх Билл ба Мелинда Гейтсийн  буяны санд орсон байв. Ийм их буян үйлдсэн тохиолдол хүн төрлөхтний түүхэнд байсангүй.

4. Марк Цукерберг

Хөрөнгө: $61 тэрбум
Нас: 34
Баялгийн эх сурвалж: Facebook

Марк Цукерберг бол Америкийн программист, интернэт технологийн салбарын ажил хэрэгч, долларын тэрбумтан, Facebook сүлжээг үндэслэгч бөгөөд Facebook Inc. компанийн удирдагч юм.

5. Ларри Эллисон

Хөрөнгө: $58,4 тэрбум
Нас: 74
Баялгийн эх сурвалж: Технологи

Лари Эллисон нь технологийн Oracle компанийг үндэслэгч бөгөөд удирдагч. Өмнө нь(CEO) Oracle (1976—2014) компаниудыг удирдаж, NetSuite (Oracle-д 2016 онд 9,3тэрбум доллараар худалдагдсан) удирдаж иржээ. Salesforce.com компанийн томоохон хөрөнгө оруулагч.

6. Ларри Пейж

Хөрөнгө: $53,8 тэрбум
Нас: 45
Баялгийн эх сурвалж: Google

Ларри Пейж, Сергей Брины хамт хайлтын  Google системийг боловсруулан үндэслэжээ. Google Alphabet гэх эх компанийн гүйцэтгэх захирал. Пейж Марконийн шагналаар 2004 онд шагнагдаж байлаа.

7. Чарльз Кох, Дэвид Кох

Хөрөнгө: $53,5 тэрбум
Нас: 82, 78
Баялгийн эх сурвалж: Koch Industries

Өмнө нь  Koch Industries эрчим хүчний салбартай холбоотой хэлэгдэж ирсэн бол одоо компани нь түүхий эдийг үнэт эд зүйл болгох ажилд голчилж байгаа. Ах дүү хоёр  нефть боловсруулалт, бордоо, полимер, модны үйлдвэр, өргөн хэрэглээний барааны үйлдвэрлэлд хөрөнгө оруулдаг. Тэд улс төрийн амьдралд идэвхтэй оролцон тусгай нэгэн нам ба улстөрчийг дэмждэг ба тэднийг үүнийх нь төлөө өөрсдийн сонирхлыг хамгаалж байгаа гэж шүүмжилдэг.

9. Сергей Брин

Хөрөнгө: $52,4 тэрбум
Нас: 45
Баялгийн эх сурвалж: Google

Тооцоолон бодох салбар, мэдээллийн технологийн эрдэмтэн Сергей Брин Ларри Пейжийн хамт Google хайлтын системийг бүтээгч юм.

Америкийн мэргэжлийн сэтгүүлүүдэд  хэдэн арван өгүүллээ нийтлүүлсэн ба янз бүрийн технологийн чуулгуудад идэвхтэй оролцдог.

10. Майкл Блумберг

Хөрөнгө: $51,8 тэрбум
Нас: 76
Баялгийн эх сурвалж: Bloomberg LP

Майкл Блумберг бизнесмен бөгөөд  Нью-Йоркийн 108 дахь мэр. Блумбергийн вант улс нь телевизийн сувгууд, радио станц ба дэлхийн эдийн засгийн мэдээний сүлжээ багтдаг.

Одоо компани нь  санхүүгийн мэдээг дэлхийд  нийлүүлэгч  тэргүүлэх компаниудын нэг ба тэнд ажиллагчдийн тоо 130 оронд 9500 хүн болоод байна. Bloomberg LP мэдээний захиалагчид 250 мянгаас давжээ.

Тэрбээр хотын дарга байхдаа нэг долларын цалин авч өөрийн гэрт амьдран бизнесийнхээ орлогоор амьдарчээ.