Бусад
Нүдний өвдгийг гэрийн нөхцөлд хэрхэн эмчлэх вэ

Өвдөг нь нүдний булчирхайн үрэвсэл аж. Дархлаа сулрах, нүдэнд бохир орох зэргээс шалтгаалан өвдөг гардаг байна. Харин манайхан өвдөг гарсан үед тусгай дом хийдэг.Энэ нь нэг талаар өвдөгийг эмчилдэг гэдэг ч анагаах ухааны талаасаа тийм ч оновчтой биш гэлцдэг. Ингээд гэрийн нөхцөлд өвдгийг хэрхэн эмчлэх тухай хүргэе.
Нүдэн дээр өвдөг гарсан бол бүлээн усанд модтой хөвөнг норгоод зөөлхөн арчих хэрэгтэй. Энэ нь нүдэн дээр гарсан өвгийг ариутган цэвэрлэх явц бөгөөд загатнахаас сэргийлнэ. Өдөрт 2-5 удаа ингэж цэвэрлэх хэрэгтэй.
Цэвэрхэн алчуур дээр бүлээн ус хийгээд 5-10 минут жин тавих хэрэгтэй. Мөн бүлээн цайгаар ийн жин тавьж болно. Өдөрт 3-4 удаа ингэж жин тавих хэрэгтэй.Өвдөг гарсан үед нүдэндээ гараараа хүрч хэрхэвч болохгүй. Гараараа хүрснээр хавдах, бохирдох аюултай.
Үрэвсэлт өвчин учраас антибиотикуудаар эмчлэгдэнэ. Гэхдээ зөвхөн эмчийн заасны дагуу антибиотик агуулсан нүдний тос түрхэнэ. Эмийн сангаас тос дусаал зэргийг авахдаа эмийн санчаас нь нүдний зориулалттай мөн эсэхийг заавал лавлан асууж байгаарай. Тосыг унтахаасаа өмнө түрхвэл илүү үр дүнтэй.
Байгалийн гаралтай бодисыг эмчийн зөвлөгөөний хэрэглэснээр хавдсан нүдийг анагаах болно.
Зөвхөн эмчийн зөвшөөрлийн дагуу амин дэм, антибиотикуудыг ууж болно. Ингэхдээ 16-аас доош насны хүүхдэд өгөхийг хориглоно.Зовхио химийн бодис багатай хүүхдийн шампунь болон зовхины гуужуулагчаар арчиж ариутгах хэрэгтэй.Нүүрэндээ хүрэхээсээ өмнө гараа сайтар угаа. Ингэснээр нүдрүү бактери орох нөхцөлгүй болно. Хэрэв контакт линз зүүх шаардлага гарвал сайн чанарынхыг хэрэглэх хэрэгтэй. Түүнчлэн гараа сайтар ариутгасны дараагаар хэрэглээрэй.Өвдөгөө эдгэрэх хүртэл нүдээ будах хэрэггүй. Хэрэв үнэхээр будах шаардлагатай бол будгаа хүнтэй бүү хуваалцаарай.

Бусад
Баталгаатай гүүр, гарам гарцаар автомашинтай зорчихыг зөвлөж байна

Налайх дүүргийн Онцгой байдлын хэлтсийн Эрэн хайх, аврах бүлгийн алба хаагчид дуудлагын дагуу аврах ажиллагааг зохион байгуулжээ.
Усанд автомашинтайгаа боогдсон байсан 4 иргэнийг уснаас гаргаж, аюулгүй байдлыг хангасан байна.
Баталгаатай гүүр, гарам гарцаар автомашинтай зорчиж, гол гатлахгүй байхыг анхааруулж байна.
Бусад
Олон улсын стандартад нийцсэн IBAN дансны дугаарлалтыг нэвтрүүллээ
Монголбанк нь Төв банк (Монголбанк)-ны тухай хуульд зааснаар Үндэсний төлбөрийн систем, түүний үйл ажиллагааг удирдан зохион байгуулах, зохицуулах, хяналт тавих чиг үүргийнхээ хүрээнд Монголбанкны Ерөнхийлөгчийн 2024 оны 10 дугаар сарын 18-ны өдрийн А-242 дугаар тушаалаар бүх иргэд, аж ахуйн нэгжийн дансны хуучин дугаарлалтыг 2025 оны 04 дүгээр сарын 01-ний өдрөөс ашиглахыг зогсоож, олон улсын дансны нэгдсэн дугаарлалтад бүрэн шилжүүлэхээр Монголбанк нь банк, төлбөрийн системийн нийт оролцогчидтой хамтран ажилласан.
Энэ хүрээнд иргэд, аж ахуйн нэгжийн дансны хуучин дугаарыг дөрөвдүгээр сараас эхлэн ашиглагдахгүй болж харин IBAN дансны дугаарлалтын зааврын дагуу шинэчлэгдсэн бүтэцтэйгээр төлбөр тооцоо дамжиж эхэлсэн.
Та бүгдийн үндсэн дансны дугаарт өөрчлөлт орохгүйгээр улсын код, хяналтын орон, банкны болон дансны дугаар гэсэн бүтэцтэй нийт 20 оронгийн урттай болж байна. IBAN дансны дугаарлалттай болсноор олон улсын гүйлгээ илүү хурдан, найдвартай, эрсдэлгүй болж, алдаатай гүйлгээ буцаагдах эрсдэлээс урьдчилан сэргийлэхийн зэрэгцээ аль банкны данс вэ гэдгийг шууд мэдэх боломжтой зэрэг давуу талтай боллоо.
Бусад
АТГ: Эрүүгийн 2 хэрэгт нийт 18 объектод нэгжлэгийн ажиллагаа хийв

Авлигатай тэмцэх газрын Мөрдөн шалгах хэлтэс 2025 оны гуравдугаар сарын 17-23-ны өдрүүдэд гэмт хэргийн шинжтэй 60 гомдол, мэдээллийг шалгав.
Үүнээс 10 гомдол, мэдээлэлд хэрэг бүртгэлтийн хэрэг нээх, 6 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 44 гомдол, мэдээллийг хянан шалгаж байна.
Түүнчлэн эрүүгийн 888 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 10 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 864 хэрэг шалгагдаж байна.
Гэмт хэргийн шалтгаан, нөхцөлийг арилгуулахаар мөрдөгчийн 1 мэдэгдэл хүргүүлж, хэрэг бүртгэлтийн болон мөрдөн байцаалтын 2 хэрэгт нийт 18 объектод нэгжлэгийн ажиллагаа хийв гэж АТГ-аас мэдээллээ.
-
Нийгэм2 цаг өмнө
Өнөөдөр цахилгаан шугам сүлжээнд хийх засварын хуваарь
-
Улс төр2 цаг өмнө
Өнөөдөр хуралдах УИХ-ын намын бүлэг, ажлын хэсгүүд
-
Нийгэм2 цаг өмнө
Нийт дуудлагын 14 нь ой, хээрийн түймрийн тохиолдол байна
-
Нийгэм1 цаг өмнө
ХӨСҮТ: Улаанбурхан өвчний 659 тохиолдол бүртгэгдлээ
-
Энтертайнмент1 цаг өмнө
“Нүүдэл-999” шатрын анхдугаар тэмцээний бүртгэл үргэлжилж байна
-
Энтертайнмент22 минут өмнө
Жүдо бөхийн Азийн аварга шалгаруулах тэмцээн Бангкокт энэ сарын 25-д эхэлнэ
-
Бусад19 минут өмнө
Баталгаатай гүүр, гарам гарцаар автомашинтай зорчихыг зөвлөж байна
-
Нийгэм15 минут өмнө
Өөрийгөө нас барсан гэж хуурамч бичиг баримт бүрдүүлж, хариуцлагаас зайлсхийжээ