Энтертайнмент
Дуучин А.Түмэн-Өлзий нөхрөөсөө салж, ганц бие болсноо зарлалаа
Сүүлийн үед уран бүтээлээс илүүтэй хувийн амьдралын дуулиан шуугианаар олны анхаарлыг татах болсон нийтийн дуучид дотор ганц бие ээж нэгээр нэмэгджээ. Тухайлбал, дуучин А.Түмэн-Өлзий нөхрөөсөө салсан тухайгаа мэдэгдэж, сонсогч фэнүүдээ гайхшруулаад авчээ. Тэрбээр өөрийн цахим хуудсаар дамжуулан “Олон хүн асуусан, бас гайхсан…
Гэхдээ би чадалтай, хүчирхэг эмэгтэй. Энэ хорвоог ганцаараа туулсан ч чадах тэнхээтэй. Сайн л хүнтэй суу. Тэр болтол ганцаараа хэчнээн удаан явсан ч хамаагүй. Муу амьдаръя гэвэл ганцаараа хэн ч чадна. Яршиг л байна” хэмээн нууцаа дэлгэсэн байна.Телевизийн нэвтрүүлэгт оролцох үеэрээ “Ханьтайгаа фэйсбүүкээр танилцсан” хэмээн ам алдаж байсан дуучин бүсгүй төд удалгүй “Бид олон жил үерхсэн, тэгээд нөхрийгөө гадаадаас ирэхэд нь гэр бүл болсон” гэж хэвлэлээр нэг шуугиулж байлаа. Авто машины кузов засварчин мэргэжилтэй эр нөхөртөө хөөрхөн охин төрүүлж өгсөн дуучин А.Түмэн-Өлзий ч нярайлаад удалгүй уран бүтээлдээ эргэн орсон.
Улмаар жүжигчин Л.Сөрөлттэй хамтран дуулж, хоёр ч удаа тоглолт хийсэн бөгөөд хөдөө орон нутгаар хамтдаа аялан тоглоод ирсэн. Дуучин Э.Чулуунчимэгтэй үй зайгүй найзууд тэрбээр чухам юуны учир нөхрөөсөө салж, ганц бие ээжийн тоог нэмсэн нь одоогоор тодорхойгүй байна. Ямартаа ч, нөхөртэйгөө хамт авахуулсан романтик зургуудаа хэдийнээ устгаж, уран бүтээлээс гадна хандивын тоглолтод анхаарлаа хандуулж яваа аж.
Энтертайнмент
“Улаанбаатар Арт Вийк-2024” өдөрлөг зохион байгуулагдана
Дүрслэх урлагийн 7 хоног буюу “Art week” арга хэмжээ нь 2021 оноос Соёлын яамны санаачлагаар Соёлын бүтээлч сар аянаар хөгжүүлсэн төсөл хөтөлбөр бөгөөд МУЭ-тэй хамтран 3 дахь жилдээ энэхүү зохион байгуулагдаж байна.
Дүрслэх урлагийн салбарын шилдэг уран бүтээлчдийн нэн орчин үе болон бусад бүтээлүүдээс бүрдсэн “Art week 2024” дүрслэх урлагийн 7 хоног өдөрлөг “Чингис хаан Үндэсний музей”, Монголын Урчуудын Эвлэлийн Арт галерей, МУЭ-ийн Пассаж төв, МУЭ-ийн Уран бүтээлчдийн нэгдсэн урлан зэрэг нийт 4 объектын 3000м2 талбайд болно.
Дүрслэх урлагийн 7 хоног арга хэмжээний хүрээнд орчин үеийн дүрслэх урлагийн бүтээлийн үзэсгэлэн, холбогдох сургалтууд зохион байгуулагдахаас гадна Монголын урчуудын эвлэлийн сан хөмрөгт хадгалагдаж буй Чингис хааныг хаан ширээнд залж байгаа үйл явдлыг дүрсэлсэн Монголын хамгийн том 12х5 метрийн хэмжээтэй “ЧИНГИС ХААН” зээгт наамлын бүтээлийг “Чингис хаан үндэсний музей”-д дэлгэн үзүүлэх юм.
Түүнчлэн тус нэгдсэн үзэсгэлэн арга хэмжээний хүрээнд Монголын урчуудын эвлэлийн урлангууд, МУЭ-ийн 21 аймгийн уран бүтээлчдийг хамруулан “ARTFAIR” буюу дүрслэх урлагийн бүтээлийн үзэсгэлэн, уран бүтээлчидтэй уулзах уулзалт, бүтээлийн худалдаа, сургалтуудыг орон даяар 2024 оны 5 дугаар сарын 05-12-ны өдрүүдэд зохион байгуулах юм.
Ийнхүү энэ удаагийн “УЛААНБААТАР АРТ ВИЙК-2024” дүрслэх урлагийн үзэсгэлэн, арга хэмжээ нь хамрах хүрээ, ач холбогдлын хувьд өмнөх жилүүдээс илүү өргөн хүрээнд уран бүтээлчдийн болоод төрийн болон төрийн бус байгууллагуудын оролцоог ханган олон талт байдлаар зохион байгуулагдаж байгаагаараа онцлог болж байна гэж Соёлын яамнаас мэдээллээ.
Энтертайнмент
Үндэсний номын сангийн шинэ барилгыг тавдугаар сард нээхээр төлөвлөж байна
Үндэсний номын сангийн шинэ барилгын бүтээн байгуулалт дуусч, тавдугаар сард нээгдэхээр төлөвлөж байна.
Шинэ барилга нь 11 давхар, 10,000 м.кв талбайтай, 16 уншлагын танхимтай бөгөөд нэгэн зэрэг 530 хүнд үйлчлэх боломжтой. Цаашлаад, тусгай хэрэгцээт иргэдэд зориулсан уншлагын танхим, дэвшилтэт технологийг ашигласан орчин үеийн дэд бүтцээр тоноглогдсон.
Үндэсний номын сан шинэ барилгадаа үйл ажиллагаагаа эхлүүлснээр иргэдэд үзүүлэх номын сангийн үйлчилгээний чанар, хүртээмж нэмэгдэнэ. Ном, хэвлэмэл бүтээгдэхүүний эргэлт сайжран, соёлын салбарт шинэ түлхэц үзүүлнэ.
Иргэд шинжлэх ухаан, танин мэдэхүйн мэдлэгээ дээшлүүлэх, чөлөөт цагаа үр бүтээлтэй өнгөрүүлэх, бусадтай туршлага солилцох боломжтой болно. Номын сан нь зөвхөн мэдээлэл олж авах газар төдийгүй, иргэдийн хөгжил, суралцах үйл явцад хувь нэмэр оруулах соён гэгээрлийн төв болно. Үндэсний номын сангийн шинэ барилга нь манай улсын соёлын салбарт Чингис хаан Үндэсний музейн дараа орох томоохон хэмжээний бүтээн байгуулалт болно гэж Соёлын сайд Ч.Номин мэдэгдлээ.
Энтертайнмент
Хүүхэд, залуучуудын театр албан ёсоор нээгдлээ
Хүүхэд, залуучуудын театрын бүтээн байгуулалт бүрэн дуусаж, 2024 оны 4 дүгээр сарын 25-ны өдөр олон улсын стандартад нийцсэн, 850 хүний багтаамжтай шинэ театр албан ёсоор нээгдлээ.
Энэхүү театр нь хүүхэд залуучуудад зориулсан мэргэжлийн уран бүтээл туурвих төдийгүй соён гэгээрлийн олон талт үйл ажиллагаа явуулах төв болох юм. Үүнд номын сан, кафе, дугуйлан, сургалтын үйлчилгээ багтах юм.
Анх 1951 онд Хүүхдийн төв театр нэртэйгээр байгуулагдаж, 1967 онд Хүүхэд залуучуудын театр болгон өргөжүүлэн ажиллаж байсан ч 1997 онд хувьчлагдсанаар үйл ажиллагаагаа зогсоож улмаар улсын хэмжээнд хүүхэд залуучуудад зориулсан мэргэжлийн уран бүтээл туурвих театргүй болоод байсан юм. 2021 оны 6-р сард Засгийн газрын хуралдаанаар Сонгинохайрхан дүүргийн 5-р хороонд Хүүхэд, залуучуудын театрыг байгуулахаар шийдвэрлэсний дагуу улсын төсвийн хөрөнгө оруулалтаар баригдаж, ийнхүү нээгдлээ.
Энэхүү театр нь Сонгинохайрхан дүүргийн 341 мянган иргэний төдийгүй нийт Монгол Улсын хүүхэд, залуучуудын оюуны хөгжил, гоо зүйн боловсрол, дэлхийн театр урлагийн хөгжлөөс суралцах, үндэсний урлагийг өвлөн уламжлуулах, уран сайхны олон талт чиг хандлагыг танин мэдэх боломжийг нээж, бүх нийтийн соёлын боловсролыг дэмжих, хамтдаа сурч, хөгжих соёлын орон зай болох юм.
-
Нийгэм11 цаг өмнө
Шороон шуурга шуурна
-
Улс төр12 цаг өмнө
“Шинэ хоршоо” хөдөлгөөний санхүүжилт шийдвэрлэгдлээ
-
Улс төр12 цаг өмнө
Малын сэг зэм устгахад зориулж Сүхбаатар аймагт 300 сая төгрөг, 2 тн шатахуун шийдвэрлэлээ
-
Улс төр8 цаг өмнө
УИХ-ын Тамгын газар, Азийн сан хамтын ажиллагаагаа үргэлжлүүлэх Санамж бичиг байгууллаа
-
Улс төр7 цаг өмнө
НҮБ-ын Ерөнхий нарийн бичгийн дарга асан Бан Ки Мүн талархлын захидал ирүүлжээ
-
Нийгэм8 цаг өмнө
Гадаадад байгаа иргэд сонгуульд санал өгөх хүсэлтээ цахимаар илгээх боломжтой
-
Эдийн засаг11 цаг өмнө
ГЕГ: Он гарснаас хойш нийт 3426.2 сая ам.долларын бараа, түүхий эд импортолжээ
-
Нийгэм5 цаг өмнө
Үндэсний орон сууцжуулалтын тухай хуулийн төслийг өргөн барина