Вьетнамын дайны ахмад дайчдын өдрийг АНУ-д тэмдэглэдэг. Вьетнамын дайнаар америкчууд 56-58 мянган хүнээ алдсан гэдэг. Дайны дараа 129 мянган ахмад дайчин сэтгэл санааны дарамт болон бусад өвчин зэргээр амиа алдсан байна. Энэ дайны Вьетнамын хохирлыг 2-3 сая хүн гэж үздэг. 1973 оны гуравдугаар сарын 29-нд Америкийн сүүлчийн цэрэг Вьетнамыг орхин гарсан учир ахмад дайчдын өдрийг энэ өдөр тэмдэглэж иржээ.

Коко-Кола төржээ

1886 оны энэ өдөр дэлхийн хамгийн алдартай ундаа Кока-Колагийн жор хийгдсэн байна. Эм найруулагчийн мэргэжилтэй бэлтгэл хурандаа Жон Пембертон толгойн өвчнөө намжаахаар оролдож байгаад ер бусын хүрэн өнгөтөй сиропыг хийжээ.Кокийн навчнаас гадна сахар, копоин нэмэрлэсэн ундаагаа тэрээр “Жейкобс” эмийн сангаар дамжуулан худалдахаар шийдэн эхний үед есөн аягыг зарж чадсан гэдэг. Хожим түүнд хийтэй ус нэмэх болсон байна. Тэр үеэр Пембертоны “Кока-Кола” гэсэн  нэр өгч ер бусын зургийг Пембертоны найз ба хамтрагч Фрэнк Робинсон зохиосон гэнэ. Тэрээр найздаа “Кока-Кола” нэрийг санал болгов. Түүгээр ч барахгүй логог  онцгойлон бичихийг зөвлөөд зогссонгүй тэр үеийн алдартай байсан налуу үсгийг өөрөө угалзлан бичиж өгсөн нь өнөөдөр хүртэл хэрэглэгдэж байна.

Лиссабонд Европын хамгийн урт гүүр нээгдэв

“Экспо-98”  дэлхийн үзэсгэлэн Лиссабонд нээгдэхийн өмнөхөн Европын хамгийн урт гүүр Васко да Гама нээгдэв. Мөн нээлтийг Васко да Гамагийн  анхны  аяллын 500 жилийн ойд зориулан босгожээ.Гүүрийн зураг төсөл олон жилд хийгдсэн ч барихад нь дөнгөж 18 сарыг зарцуулжээ. Энэ гүүр Португалийн гол мөрөн Тежугийн хоёр эргийг холбожээ. Гүүрийн урт нь 17 мянга 185 метр, Усан дээрх хэсэг нь 10 км. Гүүрийн өргөн нь 31 метр, төв 420-метрийн дүүжинт хэсгийн тулгуурын өндөр нь 47 метр.

Өнөөдөр түүхэнд

845 – Парисчууд бүслээд байсан Викингийн цэргүүдийг нутгаасаа хөөн гаргажээ.

1430 – Мурад II хааны удирдлаган доорх Оттоманы цэргүүд Венецийн бүгд найрамдах улсын Тессалоника хотыг эзлэв.

1461 – Сарнайн дайн: Таутоны тулаанд Йоркын гүн Эдуард Хатан Маргаретын цэргүүдийг бут ниргэж Английн хаан IV Эдуард болжээ.

1549 – Бразилийн анхны нийслэл Сальвадар да Бахиа хот байгуулагдав.

1624 – Арман Жан дю Плесси де Ришелье Хааны зөвлөлд орон Францын  нэгдүгээр сайдаар томилогджээ. Үүнээс хоёр жилийн өмнө  тэр дээд хамба болсон байлаа.

1632 – Канадын Квебек мужид Франц улс Сен-Жермены гэрээнд гарын үсэг зурсны дагуу хяналтаа тогтоожээ.

1696 он. Английн физикч Исаак Ньютоныг Лондоны зоос гоёлын ордны захирлаар томилон тэр үедээ асар их болох 2000 фунтын жилийн цалинтай болгож байв. Их физикч энэ ажилд маш тууштай хандан богино хугацааны дотор Английн бүх зоосыг шинээр цутгуулжээ..

1792 – Стокгольмын Эзэн хааны дуурийн театрт болсон тоглолтыг үзэж байгаад Шведын хаан III Густаф буудуулан амиа алдав.

1806 – АНУ түүхэндээ анх удаа Камберлендын хурдны замыг барьж эхлэв.

1831 – Босничууд Туркийн эсрэг бослого дэгдээв.

1857 – Энэтхэгийн үндсэрхэг үзэлтнүүд бослого гаргав

1871 – Британийн Хатан хаан Викториа Рояал Альберт холлыг нээжээ.

1873 он. Оросын их зохиолч Лев Толстой “Анна Каренина” романаа бичиж эхлэв. Толстойн эхнэр болон том хүү нь хожим дурсахдаа тэр өдрийн өглөө Толстой Пушкины ботийг санамсаргүй нээж хараад “Зочид зусландаа очихоор мордоцгоолоо…” гэсэн дуусаагүй өгүүлбэрийг уншаад “Ингэж л бичих ёстой” хэмээн дуу алдсан гэнэ.Анна Каренинагийн эх дүрийг  авсан эмэгтэй нь Александр Сергеевич Пушкины том охин Мария Гартунг юм.

1891 – Оросын эзэн хаан III Александр дэлхийн томоохон төмөр зам болох Транссибирийн төмөр замыг барих тухай зарлиг гаргалаа.

1911 – АНУ-ын арми M1911 .45 ACP гар бууг зэвсэглэлд ашиглахаар болов.

1936 – Райнлендыг германчууд эзлэн авлаа. Германы ард нийтийн дунд явуулсан судалгаагаар 44.5 сая иргэн Гитлерын шийдвэрийг дэмжсэн байна.

1940 – Английн банк өндөр хамгаалалттай цаасан дэвсгэртийг анх удаагаа гүйлгээнд гаргав. Тэр цагаас хойш мөнгөн дэвсгэрт хэвлэж байгаа цаасанд нимгэн металл тууз хийх болжээ.

1941 – Хойд Америкийн бүс нутгийн өргөн нэвтрүүлгийн гэрээ албан ёсоор хэрэгжиж эхэлжээ.

1942 – Дэлхийн II дайн: Британийн эзэн хааны нисэх хүчин Германы хотуудыг анх удаа бөмбөгджээ.

1947 – Мадагаскарын үндсэрхэг үзэлтнүүд Францын эрсэг бослого гаргав.

1961 – АНУ-ын үндсэн хуулийн 23 дахь өөрчлөлтөөр Вашингтон хотын иргэдийг санал өгөх эрхтэй болгов.

1971 – Америкийн армийн түрүүч Уиллиам Калли Вьетнамын дайны үеэр иргэдийн эсрэг халдлага үйлдэж, олон хүнийг хороосон гэх үндэслэлээр бүх насаараа хоригдох ял сонсчээ.

1973 – Вьетнамын дайн: АНУ-ын сүүлчийн явган цэргүүд Өмнөд Вьетнамын нутгаас гарав.

1974 – АНУ-ын Сансар судлалын агентлагийн хөөргөсөн “Маринер 10” Буд гаригийн тойрог замд орсон анхны сансрын хөлөг болжээ.

1982 – Канад улс үндсэн хуулиндаа өөрчлөлт оруулж Канадын хатан хаанаар Их Британийн хатан хаан II Элизабетыг батламжлав.

2004 – Умард Атлантын цэргийн эвсэл буюу НАТО-гын байнгын гишүүнээр Болгар, Эстони, Латви, Литва, Румын, Словак, Словени улсууд нэгдэв.

2010 – Москва хотын метронд амиа золиослогч хоёр этгээд бөмбөг дэлбэлж 40 хүн амиа алджээ.

2014 – Англи, Уэльс  хоёр ижил хүйстний гэрлэлтийг хуулиар хүлээн зөвшөөрчээ.