Нийгэм

Махны үнэ өссөн шалтгааныг Тагнуул шалгадаг болжээ

Нийтэлсэн

6 жил өмнө

2019-05-16

Нийтэлч

Admin

Махны бизнес эрхэлдэг, нөлөө бүхий хүмүүсээс болж, нийслэлд махны үнэ өссөн байж болзошгүй гэдэг мэдээлэл Засгийн газарт дөрвөн сувгаар ирснээр Тагнуулын байгууллагаа дайчилжээ. Үндэсний аюулгүй байдлын эсрэг ажиллагааг урьдчилан илрүүлж, аюулгүй болгох чиг үүрэг хүлээсэн байгууллагаа Засгийн газар махны үнэ хөөрөгдсөн эзэн холбогдогчийг тогтооход дайчилсан гэхээр олон хүнд эргэлзээ төрүүлсэн. Гэхдээ л Засгийн газрын хэрэг эрхлэх газрын дарга Л.Оюун-Эрдэнэ ярьсан тул үнэмшихээс өөр яалтай.

Дээр нь тагнуулын байгууллага нь шалгаж байгаа асуудлыг урьдчилаад сайд нь олон нийтэд зарласан нь ажиллагааг нь бүтэлгүй тал руу нь оруулчих юм биш байгаа гэх хардлага ч дагуулав.

Уг нь Засгийн газар махны үнэ өссөн учир шалтгааныг тодруулахад Тагнуулаа дайчлах шалтгаан байсан уу. Энэ асуудлыг Цагдаагийн байгууллага нь шалгаад, учрыг нь олж дөнгөхгүй гэж үү.

Эрхлэх асуудал, чиг үүргээ хөөвөл бараа, бүтээгдэхүүний үнэ өссөн шалтгааныг тогтоох чиг үүрэг нь Шударга өрсөлдөөн хэрэглэгчийн төлөө газарт байдаг. Гэтэл тус газарт энэ асуудлыг шалгах үүрэг өгөөгүй нь бүр сонин.

Эцсийн эцэст махны үнэ өссөн шалтгаан нь зарим хэвлэл мэдээллийн хэрэгслээр цацагдсан шиг өмнөд хөршийн хэдэн ченжээс болсон бол Засгийн газрын бодлого л сул байгааг харуулж буй хэрэг шүү дээ. Нөөцийн махыг өмнөх жилүүдэд 12 мянган тонноор бэлтгэж, хавар худалдаанд гаргадаг байсан бол өнөө жил 4000 тонныг л бэлтгэсэн. Нийлүүлт муу байхад эрэлт үүсэж, үнэ өсдөг нь зах зээлийн жам. Үхрийн махаа нэг кг-ыг нь 16500 төгрөгт хүргэчихээд эцэст нь Тагнуулын байгууллагаа ажилла гэж үүрэг өгөх нь Засгийн газрын хувьд “Айсан хүнд аргал хөдөлнө гэгч л болж” хувирав уу даа.

Сэдвүүд:

Дэлгэрэнгүй ...

Сэтгэгдэл үлдээх

Нийгэм

Ажил олгогч, ажилтны хоорондын хөдөлмөр эрхлэлтийн харилцааны зөв соёлыг төлөвшүүлэх 35 мэргэшсэн зөвлөх бэлтгэж байна

Нийтэлсэн

8 цаг өмнө

2024-11-27

Нийтэлч

24barimt

Гэр бүл, хөдөлмөр, нийгмийн хамгааллын яамнаас “Хөдөлмөрийн тухай хууль” /Шинэчилсэн найруулга/-ийг сурталчлан таниулах арга хэмжээг тогтмол зохион байгуулдаг боловч хуулийг буруу хэрэглэх, өөрөөр ойлгох, тайлбарлах зэрэг асуудал цөөнгүй байсаар байна.

Иймд Хөдөлмөрийн хууль тогтоомжийн хэрэгжилтийг эрчимжүүлэх, жижиг, дунд аж ахуйн нэгж, байгууллагад хөдөлмөрийн харилцааны соёлыг төлөвшүүлэх, ажилтны хөдөлмөрлөх эрхийг хангахад чиглэсэн “Хөдөлмөрийн харилцааны хөтөлбөр”-ийг Хөдөлмөр эрхлэлтийн үндэсний зөвлөлийн 2024 оны 03 дугаар тогтоолоор баталсан.

Уг хөтөлбөрийг хэрэгжүүлэх “Мэргэшсэн зөвлөх”-үүдийг бэлтгэх эхний сургалтыг 2024 оны 05 дугаар сард зохион байгуулж, 27 мэргэшсэн зөвлөх бэлтгэсэн бол хоёр дахь удаагийн сургалтыг 2024 оны 11 дүгээр сарын 27-29-ний өдрүүдэд зохион байгуулж, 16 аймаг, Улаанбаатар хотоос хуульч, эрх зүйч, хөдөлмөрийн аюулгүй байдал, эрүүл ахуй болон бусад чиглэлээр мэргэшсэн 35 хүн хамрагдаж байна.

Энэхүү хөтөлбөр нь хөдөлмөрийн болон хөдөлмөрийн аюулгүй байдал, эрүүл ахуй, нийгмийн даатгалын хууль тогтоомжийн талаар зөвлөх үйлчилгээ үзүүлэх, зөвлөгөө мэдээлэл өгөх, сургалт зохион байгуулах, хөдөлмөрийн харилцааны мэдээллийн цахим үйлчилгээ үзүүлж, ажил олгогч, ажилтны хоорондын хөдөлмөр эрхлэлтийн харилцааны зөв соёлыг төлөвшүүлэх, хөдөлмөрийн харилцааны хууль тогтоомжийн хэрэгжилтийг дэмжих зорилготой юм гэж Гэр бүл, хөдөлмөр, нийгмийн хамгааллын яамнаас мэдээллээ.

Дэлгэрэнгүй ...

Нийгэм

Нийслэлийн иргэдийн спортын XII наадмын шигшээ тоглолтууд эхэллээ

Нийтэлсэн

2 өдөр өмнө

2024-11-26

Нийтэлч

24barimt

Иргэдийн эрүүл мэнд, биеийн тамирын үйл ажиллагааг идэвхжүүлэх, спортын уралдаан тэмцээнд өргөнөөр хамруулах зорилгоор нийслэлийн Биеийн тамир, спортын газраас нийслэлийн иргэдийн спортын XII наадмыг өнгөрсөн долоодугаар сарын 1-ний өдрөөс арваннэгдүгээр сарын 27–ны хооронд зохион байгуулж байна.

Спорт явган аялал, ширээний шагайн наадгай, аэробик, хийн дасгал, олс таталт, сагсан бөмбөг, дартс, софт волейбол болон волейбол гэсэн есөн төрөлтэй зохион байгуулсан уг наадамд есөн дүүргийн 204 хорооны 90 мянга гаруй иргэн оролцсон. Ийнхүү хэсэг, хороо, бүс, дүүрэг, нийслэл гэсэн таван үе шатнаас шалгарсан шилдэг 71 хорооны 124 багийн 1044 иргэн шигшээ тэмцээнд оролцож байгаа аж.

Багануур дүүргийн 1 дүгээр хорооны иргэн Т.Эрдэнэбулган “Миний хувьд иргэдийн спортын их наадамд долоо дахь жилдээ оролцож байна. Өнгөрсөн жил эмэгтэйчүүдийн сагсан бөмбөгийн төрөлд аварга болсон. Энэхүү амжилтад долоон жил хөдөлмөрлөн, багаараа суралцаж, ойлголцон их замыг туулж хүрсэн. Чадахгүй хүн ч суралцаж эгч дүүс, хамт олонтой болдог энэ наадам хүн бүхэнд нээлттэй байдаг” xэмээн уриаллаа.

Мөн энэ жилийн хувьд “Эрүүл Монгол хүн” хөтөлбөр, “Соёлын бүтээлч аян”-ы хүрээнд зохион байгуулж буй тус наадам нь бие бялдрыг чийрэгжүүлэх, хөдөлгөөний хомсдолоос сэргийлэх, хүн амыг биеийн тамир, спортын уралдаан тэмцээнд өргөнөөр хамруулах, иргэдийн идэвх санаачилгыг өрнүүлэх, хөршийн холбоог сайжруулах зэрэг ач холбогдолтой. Түүнчлэн тус наадамд 31-ээс дээш насны энгийн иргэд болон 45-аас дээш насны спортын дэд мастераас дээш цолтой иргэд оролцох боломжтой бөгөөд шалгарсан баг тамирчид үндсэн бүрэлдэхүүнээрээ шат шатны тэмцээнд оролцох юм.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй ...

Нийгэм

Улс тунхагласны баяраар зарим хилийн боомтууд амарна

Нийтэлсэн

3 өдөр өмнө

2024-11-25

Нийтэлч

24barimt

Арваннэгдүгээр сарын 26-нд буюу Мягмар гарагт Улс тунхагласны баяр тохионо. Тухайн өдөр Чингис хаан олон улсын нисэх онгоцны буудал, Алтанбулаг, Сүхбаатар, Эрээнцавын боомтууд, Булган, Замын-Үүдийн төмөр замын боомт цагийн хуваарийн дагуу ажиллана. Харин Цагааннуур, Ханх, Ульхан, Арцсуурь, Боршоо, Тэс, Хавирга, Hанги, Гашуунсухайт, Шивээхүрэн, Бургастай, Бичигт, Сүмбэр, Баянхошуу зэрэг боомт амарна.