Нийгэм

Н.Ганхуяг: “Данийн Хааны Балет”-ын тэргүүн гоцлоочдын тоглолтыг Улаанбаатарт үзэх боломж тохиож байгаад баяртай байна

Нийтэлсэн

6 жил өмнө

2019-05-27

Нийтэлч

24barimt

“Данийн Хааны балетын тэргүүн гоцлоочид Улаанбаатарт” тоглолтыг зохион байгуулагчид өнөөдөр мэдээлэл хийлээ.

Тус тоглолт 2019 оны зургаадугаар сарын 29-ний өдөр “Corprate Convention Centre“-т 18:00 цагт болно.

“Данийн Хааны Балет” нь 1748 онд байгуулагдсан бөгөөд балетын урлагийн анхдагчдын нэг хэмээн тооцогддог. Уг театрын балетчид нь АНУ, Канад, Франц, Румын, Испани зэрэг орнуудын нэртэй театруудын тайзыг чимж явдаг. Эдүгээ Данийн Хааны театрт уригдан ажиллаж байгаа балетчид ажилладгаараа дэлхийн балетын салбарт бишрэгддэг.

Үзэгчид энэхүү тоглолтод хүрэлцэн ирснээр Хааны Балет”-ын 33 дахь уран сайхны удирдагч ноён Николас Хюббе- ээр удирдуулж буй дэлхийн тэргүүн балетчидын, зуун зуун дамжин нийгмийн тусгал, үе үеийн үзэгчдийн сэтгэл зүрхийг догдлуулсаар ирсэн суут туурвигчдын сор болсон сонгодог бүтээлүүдийн дээжийг үзэх болно. Түүнчлэн уг тоглолтын дундуур олон сонирхолтой хөтөлбөрүүд зохион байгуулагдахаас гадна, тоглолтын ашгаасаа сайн үйлсийн аян эхлүүлэхээр бэлдэж буй талаар зохион байгуулагч талууд онцолсон юм.

МОНГОЛ, ДАНИЙН ХАРИЛЦАА ЗУУ ГАРУЙ ЖИЛИЙН ТҮҮХТЭЙ
Олон улсын урлаг, боловсролын хөгжлийн академийн тэргүүн Ч.Батгэрэл “Олон улсын урлаг боловсролын хөгжлийн академи нь тололтыг зохион байгуулагчаар ажиллаж байна. Манай академи балет, сонгодог хөгжим, олон улсын өргөн хэрэглээний гадаад хэлний анги нээн ажиллуулж байгаа. Тэр утгаараа улсдаа олон улсын урлаг, боловсролын сургалт семинар, томоохон тоглолт, тэмцээн уралдааныг цааш цаашдаа зохион байгуулахаар төлөвлөж, хамгийн эхний зохион байгуулж буй үйл ажиллагаа нь “Данийн Хааны Балетын тэргүүн гоцлоочид Улаанбаатарт” хэмээх тоглолт юм. Тоглолтод есөн жүжигчин, албаны гурван хүний хамтаар хүрэлцэн ирнэ.

Монгол, Данийн харилцаа зуу гаруй жилийн түүхтэй. Хоёр орны харилцаа нь соёл, улс төр, бизнес, эдийн засаг, аж ахуй иргэдийн харилцаанд үндэслэн хөгжиж эхэлсэн. Энэхүү гайхамшигтай тоглолтоос гайхамшгийг мэдрээсэй хэмээн хүсэж байна” хэмээв.

ХААНЫ БАЛЕТЫН ТЭРГҮҮН ГОЦЛООЧИД ТОГЛОЛТ ХИЙЖ БАЙГАА НЬ ӨӨРСДИЙНХ НЬ САНААЧИЛГА ЮМ

СГЗ Н.Ганхуяг

“Дэлхийд алдартай “Данийн Хааны Балет”-ын тэргүүн гоцлоочдын төгс тоглолтыг Улаанбаатарт үзэх ховорхон боломж балетын урлагийг хүндлэн дээдлэгч, сонирхогчдод тохиож байгаад баяртай байна. Балетын урлагаар дамжуулан Монгол орныг Дани улсад сурталчлах олон боломж нээгдэж байгаа хэрэг. Мөн хааны балетын тэргүүн гоцлоочид тоглолт хийж байгаа нь өөрсдийнх нь санаачилга юм. Хувь хүмүүсийн хувьд манай орныг сонирхож буй явдал нь Монгол улс онцлогтой улс гэдгийг илтгэж байна” гэв.

Сэдвүүд:

Дэлгэрэнгүй ...

Сэтгэгдэл үлдээх

Нийгэм

Ажил олгогч, ажилтны хоорондын хөдөлмөр эрхлэлтийн харилцааны зөв соёлыг төлөвшүүлэх 35 мэргэшсэн зөвлөх бэлтгэж байна

Нийтэлсэн

16 цаг өмнө

2024-11-27

Нийтэлч

24barimt

Гэр бүл, хөдөлмөр, нийгмийн хамгааллын яамнаас “Хөдөлмөрийн тухай хууль” /Шинэчилсэн найруулга/-ийг сурталчлан таниулах арга хэмжээг тогтмол зохион байгуулдаг боловч хуулийг буруу хэрэглэх, өөрөөр ойлгох, тайлбарлах зэрэг асуудал цөөнгүй байсаар байна.

Иймд Хөдөлмөрийн хууль тогтоомжийн хэрэгжилтийг эрчимжүүлэх, жижиг, дунд аж ахуйн нэгж, байгууллагад хөдөлмөрийн харилцааны соёлыг төлөвшүүлэх, ажилтны хөдөлмөрлөх эрхийг хангахад чиглэсэн “Хөдөлмөрийн харилцааны хөтөлбөр”-ийг Хөдөлмөр эрхлэлтийн үндэсний зөвлөлийн 2024 оны 03 дугаар тогтоолоор баталсан.

Уг хөтөлбөрийг хэрэгжүүлэх “Мэргэшсэн зөвлөх”-үүдийг бэлтгэх эхний сургалтыг 2024 оны 05 дугаар сард зохион байгуулж, 27 мэргэшсэн зөвлөх бэлтгэсэн бол хоёр дахь удаагийн сургалтыг 2024 оны 11 дүгээр сарын 27-29-ний өдрүүдэд зохион байгуулж, 16 аймаг, Улаанбаатар хотоос хуульч, эрх зүйч, хөдөлмөрийн аюулгүй байдал, эрүүл ахуй болон бусад чиглэлээр мэргэшсэн 35 хүн хамрагдаж байна.

Энэхүү хөтөлбөр нь хөдөлмөрийн болон хөдөлмөрийн аюулгүй байдал, эрүүл ахуй, нийгмийн даатгалын хууль тогтоомжийн талаар зөвлөх үйлчилгээ үзүүлэх, зөвлөгөө мэдээлэл өгөх, сургалт зохион байгуулах, хөдөлмөрийн харилцааны мэдээллийн цахим үйлчилгээ үзүүлж, ажил олгогч, ажилтны хоорондын хөдөлмөр эрхлэлтийн харилцааны зөв соёлыг төлөвшүүлэх, хөдөлмөрийн харилцааны хууль тогтоомжийн хэрэгжилтийг дэмжих зорилготой юм гэж Гэр бүл, хөдөлмөр, нийгмийн хамгааллын яамнаас мэдээллээ.

Дэлгэрэнгүй ...

Нийгэм

Нийслэлийн иргэдийн спортын XII наадмын шигшээ тоглолтууд эхэллээ

Нийтэлсэн

2 өдөр өмнө

2024-11-26

Нийтэлч

24barimt

Иргэдийн эрүүл мэнд, биеийн тамирын үйл ажиллагааг идэвхжүүлэх, спортын уралдаан тэмцээнд өргөнөөр хамруулах зорилгоор нийслэлийн Биеийн тамир, спортын газраас нийслэлийн иргэдийн спортын XII наадмыг өнгөрсөн долоодугаар сарын 1-ний өдрөөс арваннэгдүгээр сарын 27–ны хооронд зохион байгуулж байна.

Спорт явган аялал, ширээний шагайн наадгай, аэробик, хийн дасгал, олс таталт, сагсан бөмбөг, дартс, софт волейбол болон волейбол гэсэн есөн төрөлтэй зохион байгуулсан уг наадамд есөн дүүргийн 204 хорооны 90 мянга гаруй иргэн оролцсон. Ийнхүү хэсэг, хороо, бүс, дүүрэг, нийслэл гэсэн таван үе шатнаас шалгарсан шилдэг 71 хорооны 124 багийн 1044 иргэн шигшээ тэмцээнд оролцож байгаа аж.

Багануур дүүргийн 1 дүгээр хорооны иргэн Т.Эрдэнэбулган “Миний хувьд иргэдийн спортын их наадамд долоо дахь жилдээ оролцож байна. Өнгөрсөн жил эмэгтэйчүүдийн сагсан бөмбөгийн төрөлд аварга болсон. Энэхүү амжилтад долоон жил хөдөлмөрлөн, багаараа суралцаж, ойлголцон их замыг туулж хүрсэн. Чадахгүй хүн ч суралцаж эгч дүүс, хамт олонтой болдог энэ наадам хүн бүхэнд нээлттэй байдаг” xэмээн уриаллаа.

Мөн энэ жилийн хувьд “Эрүүл Монгол хүн” хөтөлбөр, “Соёлын бүтээлч аян”-ы хүрээнд зохион байгуулж буй тус наадам нь бие бялдрыг чийрэгжүүлэх, хөдөлгөөний хомсдолоос сэргийлэх, хүн амыг биеийн тамир, спортын уралдаан тэмцээнд өргөнөөр хамруулах, иргэдийн идэвх санаачилгыг өрнүүлэх, хөршийн холбоог сайжруулах зэрэг ач холбогдолтой. Түүнчлэн тус наадамд 31-ээс дээш насны энгийн иргэд болон 45-аас дээш насны спортын дэд мастераас дээш цолтой иргэд оролцох боломжтой бөгөөд шалгарсан баг тамирчид үндсэн бүрэлдэхүүнээрээ шат шатны тэмцээнд оролцох юм.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй ...

Нийгэм

Улс тунхагласны баяраар зарим хилийн боомтууд амарна

Нийтэлсэн

3 өдөр өмнө

2024-11-25

Нийтэлч

24barimt

Арваннэгдүгээр сарын 26-нд буюу Мягмар гарагт Улс тунхагласны баяр тохионо. Тухайн өдөр Чингис хаан олон улсын нисэх онгоцны буудал, Алтанбулаг, Сүхбаатар, Эрээнцавын боомтууд, Булган, Замын-Үүдийн төмөр замын боомт цагийн хуваарийн дагуу ажиллана. Харин Цагааннуур, Ханх, Ульхан, Арцсуурь, Боршоо, Тэс, Хавирга, Hанги, Гашуунсухайт, Шивээхүрэн, Бургастай, Бичигт, Сүмбэр, Баянхошуу зэрэг боомт амарна.