Нийгэм

НАМЗХ-ын дэргэдэх “Хан-Уул” клубын нэрэмжит сонирхогчдын футзалны аварга шалгаруулах тэмцээнд “Хүрээ хөвгүүд” баг тэргүүллээ

Нийтэлсэн

6 жил өмнө

2018-11-12

Нийтэлч

Admin

Нийгмийн Ардчилал Монголын Залуучуудын Холбооны дэргэдэх “Хан-Уул” клубын нэрэмжит сонирхогчдын хөлбөмбөгийн футзалны аварга шалгаруулах тэмцээн өнгөрсөн амралтын өдрүүд буюу 10,11-ны өдрүүдэд “Сүлд” спорт хорооны зааланд болж, шилдэгүүдээ тодрууллаа.

Тус тэмцээнд нийслэл, орон нутгийн хөлбөмбөгийн тэмцээнд тасралтгүй амжилттай оролцдог, үндэсний лигийн болон шигшээ 12 багийн 140 гаруй тамирчин оролцсон байна. Энэхүү тэмцээн нь удахгүй болох Улсын аварга шалгаруулах тэмцээний өмнөх сорилго болж байгаагаараа онцлог байлаа.

Тэмцээнд “Хан-Уул 1″, “Хан-Уул 2”, “Хүрээ хөвгүүд”, “ЗХ 337”, “Hunters”, “Соёмбо”, “Manchester United”, “Капитрон” “Барсууд” “Ган-Сонор”, хөдөө орон нутгийн “Bluе-Dragon”,“Дархан” багууд оролцсоноос тэргүүн байрт “Хүрээ хөвгүүд” баг шалгарч, шилжин явах цомын эзэн болсон байна. Дэд байрт “Хан-Уул 1”, гутгаар байрт “Ган-Сонор” багууд оржээ.

Мөн “Шилдэг тоглогч”-оор “Хүрээ хөвгүүд” багийн Энхтөр, “Шилдэг хамгаалагч”-аар “Хан-Уул 1” багийн Ган-Эрдэнэ, “Шилдэг мэргэн бууч”-аар “Ган-Сонор” багийн Пүрэвдорж нар шалгарч мөн шилжин явах цомын эзэд боллоо.

“Хан-Уул” клуб нь 2014 онд Хан-Уул дүүргийн 16-аас дээш насны хүүхэд залуучуудын цагийг зөв боловсон үр дүнтэй өнгөрүүлэх, спортоор хичээллэх сонирхолтой залуучуудын бие бялдарын болон оюун санааны өв тэгш хүмүүжил олгох зорилгоор анх үүсгэн байгуулагдсан спорт клуб юм. 2014 оноос үйл ажиллагаагаа тогтмол явуулж Хан-Уул дүүргийн хөлбөмбөгийн спортод сонирхолтой залуучуудыг дэмжиж ирсэн байна. Тус клуб хүрээгээ тэлж өдгөө хөлбөмбөгийн 40 гаруй залуучууд, сагсан бөмбөг 20 гаруй тамирчид, цэнгээнт бүжгийн 40 гаруй залуучуудаар бүл нэмж нийт 300 гаруй гишүүнтэй үйл ажиллагаагаа тогтмол явуулж байгаа юм байна.

Шагналыг тус тэмцээнийг санаачлан зохион байгуулсан НАМЗХ-ын дэргэдэх “Хан-Уул” клубын тэргүүн А.Амартүвшин гардуулж, баг тамирчдад баяр хүргэжээ. Тэмцээний ивээн тэтгэгчээр “Шинэ сонголт” ХХК дэмжин ажилласан бөгөөд тэргүүн байр шилжин явах цом, алтан медаль, өргөмжлөл 1,000,000 төгрөг, дэд байр мөнгөн медаль, өргөмжлөл, 800,000 төгрөг, гутгаар байр хүрэл медаль, өргөмжлөл, 600,000 төгрөг, шилдэг тоглогч, шилдэг хамгаалагч, тэгш тоглогч нар тус бүр шилжин явах цом, өргөмжлөл, мөнгөн шагналаар шагнагджээ.

Тус тэмцээнийг жил бүр уламжлал болгон зохион байгуулна гэдгийг зохион байгуулагчдын зүгээс онцоллоо.

Сэдвүүд:хануул

Дэлгэрэнгүй ...

Сэтгэгдэл үлдээх

Нийгэм

“ADOS-2” оношилгоо, үнэлгээний аргачлалын дагуу аутизмын хүрээний эмгэгийн оношилгоог хийж эхэллээ

Нийтэлсэн

6 цаг өмнө

2025-04-03

Нийтэлч

24barimt

”Монгол Улсад эмчлэгддэггүй өвчлөлийг бууруулах бодлого”-ын хүрээнд СЭМҮТ-ийн хүүхдийн сэтгэцийн эмч нар БНТУ-д Аутизмын оношилгоо, үнэлгээний “ADOS-2” аргачлалын онол болон дадлага сургалтад хамрагдсан юм. Тэдгээр эмч нар СЭМҮТ-д аутизмын хүрээний эмгэгийн оношилгооны олон улсын стандарт аргачлал болох “ADOS-2” оношилгоо, үнэлгээний аргачлалын дагуу оношилгоо хийж эхэллээ.

Аутизмын оношилгоо, үнэлгээний “ADOS-2” аргачлал нь асуултад хариулж, даалгавруудыг гүйцэтгэх явцад аутизмын хүрээний эмгэгийн үед илрэх эмнэл зүйн өвөрмөц шинж тэмдгүүд, зан үйлийн өөрчлөлтийг ажиглах замаар оношлох боломжийг олгодог байна.
Оношилгооны явцад өгөх даалгаврууд хөгжлийн янз бүрийн түвшин болон насны онцлогоос хамаарч өөрчлөгдөх ба үүгээр дамжуулан харилцааны ур чадвар, нийгмийн харилцааг үнэлэх боломжтой юм.

2014 оны 10 сард СЭМҮТ-ийн шинэ цогцолбор ашиглалтад орсноор Хүүхэд өсвөр үеийн клиник /ХӨҮК/ нь эмчлүүлэгчдэд ээлтэй, ая тухтай орчныг бүрдүүлж, 20 ортойгоор, 3-аас 18 хүртэлх насны хүүхдүүдэд тусламж үйлчилгээ үзүүлж эхэлсэн байна.

Дэлгэрэнгүй ...

Нийгэм

ЭМЯ-ны Төрийн нарийн бичгийн дарга Д.Очирбат Филиппин улсад ажиллаж байна

Нийтэлсэн

8 цаг өмнө

2025-04-03

Нийтэлч

24barimt

Эрүүл мэндийн яамны Төрийн нарийн бичгийн дарга Д.Очирбат тэргүүтэй төлөөлөгчид Бүгд Найрамдах Филиппин Улсын Манила хотноо 2025 оны 4 дүгээр сарын 3-4-ний өдрүүдэд Азийн хөгжлийн банкны бүсийн төвд зохион байгуулагдаж буй Өвчтөний аюулгүй байдлын асуудлаарх дэлхийн сайд нарын 7 дугаар дээд хэмжээний уулзалтад оролцож байна.
Энэхүү дээд хэмжээний уулзалтад дэлхийн 30 гаруй улсын төлөөлөл оролцож, өөрсдийн санал бодол, сайн туршлагыг хуваалцаж, цаашид өвчтөний аюулгүй байдлыг сайжруулахад хэрхэн хамтын ажиллагааг бэхжүүлж ажиллах талаарх “Мандалуёнгын тунхаг”-ийг батлах юм.

”Мандалуёнгын тунхаг” нь өвчтөний аюулгүй байдлыг эрхэмлэж, үйлчлүүлэгч төвтэй тусламж үйлчилгээг дэмжих, үйлчлүүлэгчийн аюулгүй байдлын тогтолцоог бэхжүүлэхэд удирдлагын манлайлал, чадавхийг сайжруулах тал дээр анхаарч ажиллахыг улс орнуудад уриалж байна.

Дэлгэрэнгүй ...

Нийгэм

Нийслэлийн 18 байршилд олон түвшний уулзвар барина

Нийтэлсэн

9 цаг өмнө

2025-04-03

Нийтэлч

24barimt

Улаанбаатар хотыг хөгжүүлэх 24 мега төслийн хүрээнд нийслэлийн 18 байршилд олон түвшний уулзвар барина.

Тодруулбал, Баруун 4 зам, Саппоро, Механик инженерийн сургууль, Төв шуудан, Гэсэр сүм, Баянбүрд, 32-ын тойрог, 17 дугаар сургуулийн уулзвар, Гадаад хэргийн яам, Төв шуудан, Зүүн 4 зам, Их монгол зэрэг 18 байршилд олон түвшний уулзвар 9000 метр авто зам, 4500 метр нүхэн гарц барихаар төлөвлөөд байна.

Төсөл хэрэгжсэнээр замын хөдөлгөөний дундаж хурд 7.1 хувиар нэмэгдэнэ. 2025-2028 он хүртэл төслийг гүйцэтгэнэ.

Олон түвшний уулзвар нь Улаанбаатар хотын төвийн бүсийн авто замын ачааллыг бууруулж, замын хөдөлгөөний үр ашгийг дээшлүүлэх, эдийн засгийн өсөлтийг дэмжих, иргэдийн цаг хугацааг хэмнэх, орчин үеийн стандарт бүхий авто замын сүлжээг хөгжүүлэхэд өндөр ач холбогдолтой.