Герман, Швейцарь, Австрали Улсын Засгийн газрын санхүүжилтээр Хөдөлмөр, нийгмийн хамгааллын яам болон Германы олон улсын хамтын ажиллагааны нийгэмлэг“ (GIZ) хамтран хэрэгжүүлж буй “Ашигт малтмалын салбар дахь түншлэлд суурилсан мэргэжлийн боловсрол, сургалт” (ТСМБС) төслийн 2018 оны үйл ажиллагааг төлөвлөх семинар 2018 оны 1 сарын 11-нээс 12-ны хооронд амжилттай болж өнгөрлөө.

ТСМБС төслийн түнш байгууллагууд болох Хөдөлмөр, нийгмийн хамгааллын яам (ХНХЯ), Хөдөлмөр, халамжийн үйлчилгээний ерөнхий газар (ХХҮЕГ), Барилга хот байгуулалтын яам (БХБЯ), Швейцарийн хөгжлийн агентлаг (ШХА), Худалдаа аж үйлдвэрийн танхим, Бүсийн арга зүйн төвүүд, Мэргэжлийн боловсрол сургалтын үнэлгээний төв, Оюу толгой ХХК, Монголын нэгдсэн барилгачдын холбоо, Мод барилгын мэргэжлийн чадавхийн төв, Монголын ажил олгогч эздийн нэгдсэн холбоо, Монголын уул уурхайн үндэсний ассоциаци, Сэргээн засалт сургалт үйлдвэрлэлийн төв, ШХА-ын Залуучуудын хөдөлмөр эрхлэлтийг дэмжих төсөл, Мэргэжлийн боловсрол, сургалт түншлэл ТББ, ТСМБС төслийн түнш МБС-ын байгууллагууд зэрэг нийт 30 гаруй байгууллагын 130 орчим удирдах албан тушаалтан, мэргэжилтэн, зочид төлөөлөгчид оролцсон юм. Семинарт оролцогчид ТСМБС төслийн үйл ажиллагааны талаар санал бодлоо солилцож хэлэлцүүлэг өрнүүлэн олон чухал санаа дэвшүүллээ. ТСМБС төслийн 2018 оны үйл ажиллагааны төлөвлөгөөг уг семинарын үр дүнд үндэслэн боловсруулж ирэх 2-р сард төслийн удирдах хорооны гишүүдэд танилцуулах юм.